POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 17 ມິຖຸນາ 2026

ສຸມໃສ່ຜະລິດຕັດຫຍິບເຄື່ອງນຸ່ງຫົ່ມຮັບໃຊ້ກອງທັບ ໃຫ້ຮັບປະກັນທັງປະລິມານ ແລະ ຄຸນນະພາບ
ເວລາອອກຂ່າວ: 2026-05-08 09:21:38 | ຜູ້ຂຽນ : admin1 | ຈຳນວນຄົນເຂົ້າຊົມ: 253 | ຄວາມນິຍົມ:

ໂຮງງານຕັດຫຍິບກອງທັບ ເປັນກົມກອງໜຶ່ງ ໃນໂຄງປະ ກອບການຈັດຕັ້ງ ຂອງກົມໃຫຍ່ພະລາທິການກອງທັບ ມີໜ້າທີ່ທຳການຜະລິດຕັດຫຍິບເຄື່ອງນຸ່ງຫົ່ມຮັບໃຊ້ກອງທັບ ພາຍໃຕ້ການຊີ້ນຳ-ນຳພາໂດຍກົງຮອບດ້ານ ຂອງກົມໃຫຍ່ພະລາທິການກອງ ທັບ, ມີຖານະທຽບເທົ່າກອງພັນໃຫຍ່ ມີຈຳນວນພົນ ທັງໝົດ 500 ກວ່າຄົນ, ເພດຍິງກວມເອົາ 90% ໃນນີ້, ມີສະມາຊິກກຳມະບານ ຈຳນວນ 400 ກວ່າຄົນ, ມີ 1 ຮາກຖານ, ແບ່ງເປັນ 10 ໜ່ວຍຂຶ້ນກັບ ພາຍໃຕ້ການຊີ້ນຳຂອງຄະ ນະອຳນວຍການໂຮງງານຕັດ ຫຍິບກອງທັບ. ສະຫາຍ ພັນໂທ ບຸນຕ້ອຍ ອຸທະວົງ ຮອງອຳນວຍການປະ ທານກຳມະ ບານຮາກຖານໂຮງ ງານຕັດຫຍິບກອງທັບ ໄດ້ໃຫ້ສຳພາດວ່າ: ໃນໄລຍະຜ່ານມາ ກຳມະບານຮາກຖານ ໂຮງງານຕັດຫຍິບກອງທັບ ໄດ້ເອົາໃຈໃສ່ຊີ້ນຳ-ນຳພາກຳມະກອນ ປະຕິບັດໜ້າທີ່ວິຊາສະເພາະຢ່າງຕັ້ງໜ້າ ຮັບໃຊ້ໄດ້ຕາມຄວາມຕ້ອງການ ຂອງຂັ້ນເທິງມອບໝາຍໃຫ້, ຜະລິດເຄື່ອງທັນຕາມເວລາເບີກຈ່າຍ, ອອກແບບເຄື່ອງຊະນິດຕ່າງໆ ທີ່ຂັ້ນເທິງຕ້ອງການຢ່າງປະດິດສ້າງ, ແຜນປະຈຳປີແມ່ນສຳເລັດທັນເວລາ ນອກນັ້ນ, ຍັງຜະລິດເຄື່ອງອອກສູ່ສັງຄົມ ເພື່ອສ້າງລາຍຮັບເຂົ້າສູ່ກົມກອງ 600 ລ້ານກວ່າກີບ, ທັງເປັນການຍົກລະດັບລາຍຮັບໃຫ້ພະນັກງານກຳມະກອນ ໃນນີ້, ຮາກຖານກຳ ມະບານ ຍັງໄດ້ສືບຕໍ່ສ້າງກອງທຶນປະຈຳ ມີເງິນ 75 ລ້ານກວ່າກີບ ເພື່ອນຳໃຊ້ເຂົ້າໃນວຽກງານນະໂຍບາຍຢ່າງຖືກຕ້ອງ, ສ້າງຄວາມໄວ້ວາງໃຈໃຫ້ສະມາຊິກກອງທຶນ ເປັນຢ່າງດີ, ໄດ້ປົກປ້ອງ ສິດຜົນປະໂຫຍດອັນຊອບທຳ ໃຫ້ກຳມະກອນ-ກຳມະບານ ດ້ວຍການປະຕິບັດລະບຽບວິໄນຂອງກອງທັບ ຂອງກົມກອງຢ່າງເຂັ້ມ ງວດ ຕິດພັນກັບເນື້ອໃນຂໍ້ແຂ່ງ ຂັນ 5 ເປັນເຈົ້າ ຂອງສະຫະພັນກຳມະບານລາວວາງອອກ, ໃນປີຜ່ານມາ ສາມາດປະເມີນຜົນສະມາຊິກກຳມະບານດີເດັ່ນ: ປະເພດ I ໄດ້ 350 ຄົນ, ປະເພດ 2 ໄດ້ 50 ກວ່າຄົນ, ຮາກຖານກຳມະ ບານ ເປັນເປັນຮາກຖານດີເດັ່ນ. ສະຫາຍ ພັນຕີ ນາງ ມີລີວັນ ທຳມະວົງ ຄຸມງານວຽກງານ ຕັດຫຍິບເຄື່ອງນຸ່ງຫົ່ມຮັບໃຊ້ກອງທັບ ໃຫ້ຮູ້ວ່າ: ໃນໄລຍະຜ່ານມາ ພວກເຮົາໄດ້ເອົາໃຈໃສ່ຜະລິດຕາມແຜນຂອງກົມອຸປະ ໂພກ-ບໍລິໂພກ ກໍຄືກະຊວງປ້ອງກັນປະເທດ ໃຫ້ທັນກັບຄວາມຮຽກຮ້ອງຕ້ອງການຂອງກອງ ທັບ ນອກນີ້, ຍັງໄດ້ສຸມໃສ່ວຽກງານການຜະລິດເຄື່ອງນຸ່ງຫົ່ມຕາມລະດູການ. ປັດຈຸບັນນີ້ ພວກເຮົາໄດ້ເລັ່ງໃສ່ການຜະລິດຊຸດລາຍສະໜາມ 4 ຖົງ (ແບບໃໝ່), ເພື່ອຕອບສະໜອງໃຫ້ແກ່ກອງທັບ ເພື່ອກະກຽມຊ້ອມຮົບຮ່ວມ ລາວ-ຣັດເຊຍ ລາໂຣສ. ນອກຈາກນີ້, ຍັງໄດ້ຜະລິດໝວກ ສະໜາມຊະນິດຕ່າງໆ ແລະ ຜະ ລິດບາແລັດບ່າ ເພື່ອສະໜອງໃຫ້ກອງທັບ ໃຫ້ສຳເລັດຕາມແຜນທີ່ວາງໄວ້. ສຳລັບທິດທາງແຜນການໃນຕໍ່ໜ້າຮາກຖານກຳມະບານ ໂຮງງານຕັດຫຍິບກອງທັບ ຈະສືບຕໍ່ຊີ້ນຳ-ນຳພາວຽກງານກຳ ມະບານ, ປະຕິບັດຄຳຂວັນຂໍ້ແຂ່ງ ຂັນ 5 ເປັນເຈົ້າ ໃຫ້ມີຄວາມເຂັ້ມແຂງ ເພື່ອປົກປ້ອງສິດ-ຜົນປະໂຫຍດອັນຊອບທຳ ຂອງກຳ ມະກອນຊາວຜູ້ອອກແຮງງານໃນກົມກອງ, ເອົາໃຈໃສ່ຕິດຕາມກວດກາ-ຄຸ້ມຄອງນຳໃຊ້ແຮງງານ ໃຫ້ຖືກຕ້ອງຕາມລະບຽບກົດໝາຍແຮງງານ ເປັນຕົ້ນແມ່ນຮັບປະກັນຄວາມປອດໄພແຮງງານການປ້ອງກັນສຸຂະພາບ, ສຸຂະອະນາໄມ ເພື່ອບໍ່ໃຫ້ເກີດພະຍາດ, ຊຸກຍູ້ໃຫ້ມີການກວດສຸຂະພາບປະຈຳປີ ໃຫ້ໄດ້ຢ່າງໜ້ອຍ 1 ຄັ້ງຕໍ່ປີ, ປົກປັກຮັກສາວັດຖຸພາຫະນະທຳການຜະລິດ ໃຫ້ມີສະພາບປົກກະຕິດີ ເພື່ອຮັບປະກັນໃຫ້ຜະລິດຕະພັນອອກມາດີ ມີຄຸນນະພາບສູງ ໃຫ້ໄດ້ທັງປະລິມານ ແລະ ຄຸນນະພາບ ໄປພ້ອມກັນໆ, ເອົາໃຈໃສ່ຊຸກຍູ້ ເບິ່ງແຍງຊີວິດການເປັນຢູ່ຂອງ ພະນັກງານສະມາຊິກກຳມະ ບານ-ກຳມະກອນ ໃຫ້ດີຂຶ້ນກວ່າເກົ່າ ເປັນຕົ້ນແມ່ນ ເວລາເຈັບເປັນນອນໂຮງໝໍ, ເສຍຊີວິດ, ອຸບັດຕິເຫດແຮງງານ, ສ້າງເງື່ອນໄຂອັນສະດວກ ໃຫ້ແກ່ການປະຕິບັດໜ້າທີ່ວຽກງານ ໄດ້ປົກກະຕິ ພ້ອມນີ້, ຈະສຸມໃສ່ຜະລິດເຄື່ອງນຸ່ງຫົ່ມ ອອກແບບເຄື່ອງຊະນິດໃໝ່ ທີ່ຂັ້ນເທິງຕ້ອງການ ໃຫ້ສຳເລັດຢ່າງມີປະສິດທິຜົນ, ສ້າງຂະບວນການແຂ່ງຂັນ ນັກຫຍິບເຄື່ອງເກັ່ງ ສີມືປານີດ ຕິດພັນກັບ ຂະບວນການອອກແຮງງານລວມໝູ່ພາຍໃນກົມກອງ. ໃນໂອກາດວັນກຳມະກອນສາກົນ ຄົບຮອບ 140 ປີ, ສະຫາຍ ພັນໂທ ບຸນຕ້ອຍ ອຸທະວົງ ຕາງໜ້າໃຫ້ຄະນະພັກ-ຄະນະອຳນວຍການ ໂຮງງານຕັດຫຍິບກອງທັບ ພ້ອມດ້ວຍພະນັກງານກຳມະກອນ ຂໍອວຍພອນໄຊອັນປະເສີດ ມາຍັງການນຳພັກ-ລັດ ການນຳກະຊວງປ້ອງກັນປະເທດ ແລະ ການຈັດຕັ້ງທຸກຂັ້ນ ຈົ່ງມີສຸຂະພາບເຂັ້ມແຂງ ມີຜົນສຳເລັດໃນໜ້າທີ່ອັນມີກຽດສະຫງ່າຂອງບັນດາທ່ານ. ໂດຍ: ຄຳໄຕ ຈັນນະຄອນ

news to day and hot news