ວັນພຸດ, ວັນທີ 17 ມິຖຸນາ 2026
ໜ່ວຍພັກ ໂຮງພິມກອງທັບ ສະຫຼຸບວຽກງານ ຊີ້ນຳ-ນຳພາ ປະຈຳໄຕມາດ I
ເວລາອອກຂ່າວ: 2026-05-11 10:11:02 | ຜູ້ຂຽນ : admin3 | ຈຳນວນຄົນເຂົ້າຊົມ: 141 | ຄວາມນິຍົມ: 
ໃນວັນທີ 7 ພຶດສະພາ 2026ນີ້, ໜ່ວຍພັກ ໂຮງພິມກອງທັບ ໄດ້ຈັດຕັ້ງສະຫຼຸບວຽກງານການຊີ້ນຳ-ນຳພາ ປະຈຳໄຕມາດ I ແລະ ທິດທາງແຜນການໄຕມາດ II ປີ 2026, ໂດຍການເປັນປະທານຂອງສະຫາຍ ພັນເອກ ລະຄອນແກ້ວ ແກ້ວກິ່ນນາລີ ເລຂາໜ່ວຍພັກ, ຫົວໜ້າອຳນວຍການ ໂຮງພິມກອງທັບ, ມີຄະນະພັກ-ຄະນະອຳນວຍການ ແລະ ພະນັກງານ-ສະມາຊິກພັກ ເຂົ້າຮ່ວມ.
ສະຫາຍ ພັນໂທ ຂັນທອງ ສຸກວົງສາ ຮອງອຳນວຍການ ໂຮງພິມກອງທັບ ໄດ້ຜ່ານບົດສະຫຼຸບການຊີ້ນຳ-ນຳພາ ເຄື່ອນໄຫວວຽກງານ ປະຈຳໄຕມາດ I ຍົກໃຫ້ເຫັນວ່າ: ໜ່ວຍພັກໄດ້ຮັບການຊີ້ນຳ-ນຳພາ ຢ່າງໃກ້ຊິດ ຈາກຄະນະພັກຂັ້ນເທິງ, ພະນັກງານ-ສະມາຊິກພັກ ມີຄວາມສາມັກຄີເປັນຈິດໜຶ່ງໃຈດຽວ, ມີຄວາມເປັນເອກະພາບພາຍໃນ, ພ້ອມກັນຄິດ, ພ້ອມກັນເຮັດ, ພ້ອມກັນຮັບຜິດຊອບ, ສະມາຊິກພັກ ມີຄວາມບຸກບືນຫ້າວຫັນ ແລະ ເຫັນດີເປັນເອກະພາບຕໍ່ການນຳພາຂອງຄະນະພັກ. ດ້ານວຽກງານວິຊາສະເພາະໄດ້ສຳເລັດການຕິດຕັ້ງ ເຄື່ອງຈັກພິມລີໂອບີ 2 ສີ, ພິມໜັງສືພິມກອງທັບ 61 ຄັ້ງ ຈຳນວນ 35.380 ສະບັບ, ພິມໜັງສືພິມນັກຮົບເກົ່າ 1.500 ສະບັບ, ພິມເອກະສານປະເພດເປັນຫົວ 31.480 ຫົວ, ພິມເອກະສານປະເພດເປັນໃບ 50.800 ໃບ,ພິມບັດເລືອກຕັ້ງ
ຂອງຄະນະຈັດຕັ້ງສູນກາງພັກ 3.800 ບັດ, ແຟ້ມໃສ່ເອກະສານ 600 ອັນ,ຊອງໃສ່ເອກະສານ 2.500 ຊອງ, ຊອງ+ປະຫວັດພະນັກງານ 5.000 ຊຸດ ແລະ ພິມໃບຢັ້ງຢືນ 30 ຊຸດ. ນອກນັ້ນ, ຍັງໄດ້ຊຸກຍູ້ພະນັກງານ-ນັກຮົບ ສ້າງເສດຖະກິດຄອບຄົວ ຕາມເງື່ອນໄຂຕົວຈິງຂອງແຕ່ລະຄອບຄົວ ເພື່ອແກ້ໄຂຊີວິດການເປັນຢູ່ໃຫ້ນັບມື້ດີຂຶ້ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
