POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 17 ມິຖຸນາ 2026

ຮອງຫົວໜ້າກົມກວດກາ ເຄື່ອນໄຫວເຮັດວຽກ ຢູ່ກອງບັນຊາການທະຫານນະຄອນຫຼວງວຽງຈັນ
ເວລາອອກຂ່າວ: 2026-05-14 14:18:48 | ຜູ້ຂຽນ : admin2 | ຈຳນວນຄົນເຂົ້າຊົມ: 527 | ຄວາມນິຍົມ:

ໃນວັນທີ 13 ພຶດສະພາ 2026 ນີ້, ສະຫາຍ ພັນເອກ ດາວປະເສີດ ທິພົມມະຈັນ ຮອງຫົວໜ້າກົມກວດກາ ກະຊວງປ້ອງກັນປະເທດ ພ້ອມດ້ວຍຄະນະ ໄດ້ລົງເຄື່ອນໄຫວ ຕິດຕາມຊຸກຍູ້ວຽກງານກວດກາປົກກະຕິ ຢູ່ກອງບັນຊາການທະຫານນະຄອນຫຼວງວຽງຈັນ ປະຈໍາປີ 2026, ໃຫ້ກຽດຕ້ອນຮັບໂດຍ ສະຫາຍ ພົນຈັດຕະວາ ໂສພາວັນ ທໍາມະເທວາ ຫົວໜ້າການເມືອງ ກອງບັນຊາການທະຫານນະຄອນຫຼວງວຽງຈັນ, ມີຄະນະພັກ-ຄະນະບັນຊາກອງບັນຊາການ ພ້ອມດ້ວຍພະນັກງານ-ວິຊາການທີ່ກ່ຽວຂ້ອງ ເຂົ້າຮ່ວມ. ສະຫາຍ ພັນໂທ ສຸລິເດດ ດວງມະນີ ຮອງຫົວໜ້າຫ້ອງການເມືອງ ກອງບັນຊາການທະຫານນະຄອນຫຼວງວຽງຈັນ ໄດ້ລາຍງານໂດຍຫຍໍ້ ການເຄື່ອນໄຫວຈັດຕັ້ງປະຕິບັດ ວຽກງານກວດກາພັກ-ລັດ ທົ່ວກອງບັນຊາການທະຫານນະຄອນຫຼວງວຽງຈັນ ໃນໄລຍະ 1 ປີຜ່ານມາ, ເຊິ່ງໄດ້ຍົກໃຫ້ເຫັນ ຜົນງານການຊີ້ນໍາ-ນໍາພາ ຂອງຄະນະພັກ-ຄະນະບັນຊາທີ່ສ້າງມາໄດ້ ໃນໄລຍະຜ່ານມາ. ຈາກນັ້ນ, ສະຫາຍ ພັນເອກ ດາວປະເສີດ ທິພົມມະຈັນ ໄດ້ມີຄໍາເຫັນເຈາະຈີ້ມບາງບັນຫາ ຕໍ່ຄະນະພັກ-ຄະນະບັນຊາແຕ່ລະຂັ້ນ ກ່ຽວກັບເນື້ອໃນວຽກງານກວດກາພັກ, ວຽກງານກວດກາລັດ, ວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ, ວຽກງານຄົ້ນຄວ້າຄໍາຮ້ອງ-ຄໍາສະເໜີ. ທັ້ງນີ້, ກໍເພື່ອເປັນການກະຕຸກຊຸກຍູ້ ຂະບວນການຜັນຂະຫຍາຍ ຈັດຕັ້ງປະຕິບັດ ແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກຳນົດກົດລະບຽບຂອງກອງທັບ, ແຜນການວຽກງານຂອງກະຊວງປ້ອງກັນປະເທດ, ໜ້າທີ່ການເມືອງຂອງກົມກອງ ໃຫ້ຖືກຕ້ອງ ແລະ ມີຜົນສໍາເລັດ, ເປັນການຕິດຕາມ, ກວດກາການຈັດຕັ້ງປະຕິບັດ ຄໍາສັ່ງແນະນໍາ ຂອງກະຊວງປ້ອງກັນປະເທດ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນໃນກອງທັບ, ຕິດຕາມກວດກາເກັບກໍາສະພາບການເຄື່ອນໄຫວ ວຽກງານກວດກາພັກ-ລັດ, ວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ, ວຽກງານຄົ້ນຄວ້າແກ້ໄຂຄໍາຮ້ອງ-ຄໍາສະເໜີ ເພື່ອຊອກໃຫ້ເຫັນດ້ານຕັ້ງໜ້າ ທີ່ເປັນປັດໄຈໃໝ່, ແກ້ໄຂປະກົດການຫຍໍ້ທໍ້ໃຫ້ທັນເວລາ, ເປັນການປັບປຸງການຈັດຕັ້ງ ແລະ ແບບແຜນວິທີເຮັດວຽກງານວິຊາສະເພາະ ຂອງພະນັກງານກວດກາ ຢູ່ກອງບັນຊາການທະຫານນະຄອນຫຼວງວຽງຈັນ ໃຫ້ມີຄວາມເຂັ້ມແຂງ ສາມາດເປັນເສນາທິການ ໃຫ້ຄະນະພັກ-ຄະນະບັນຊາຂັ້ນຂອງຕົນ ແລະ ຍັງເປັນການກະຕຸກຊຸກຍູ້ ຄະນະພັກ-ຄະນະບັນຊາ ໃຫ້ເອົາໃຈໃສ່ໃນການຊີ້ນໍາ-ນໍາພາວຽກງານຕິດຕາມ, ກວດກາຂັ້ນຂອງຕົນ ເຄື່ອນໄຫວໃຫ້ມີຄວາມສະດວກ, ຊອກໃຫ້ເຫັນບັນຫາທີ່ພົ້ນເດັ່ນ, ບັນຫາທີ່ຄົງຄ້າງ ເພື່ອແກ້ໄຂໃຫ້ຖືກຕ້ອງ ແລະ ທັນເວລາ. ໂດຍ: ແສງດາລາ ໄຊຍະລາດ

news to day and hot news