ວັນອັງຄານ, ວັນທີ 16 ມິຖຸນາ 2026
ບົ່ງຕົວແຕ່ງຕັ້ງ ກຳມະການຄະນະພັກຮາກຖານຫ້ອງເຕັກນິກ ທະຫານແຂວງວຽງຈັນ
ເວລາອອກຂ່າວ: 2026-05-15 10:05:49 | ຜູ້ຂຽນ : admin3 | ຈຳນວນຄົນເຂົ້າຊົມ: 186 | ຄວາມນິຍົມ: 
ພິທີປະກາດບົ່ງຕົວແຕ່ງຕັ້ງກຳມະການຄະນະພັກຮາກຖານ ຫ້ອງເຕັກນິກ ກອງບັນຊາການທະຫານແຂວງວຽງຈັນ, ໄດ້ຈັດຂຶ້ນ ໃນວັນທີ 12 ພຶດສະພາ 2026 ນີ້, ໂດຍການເປັນປະທານຂອງ ສະຫາຍ ພັນເອກ ເອນວັນ ອິນມີໄຊ ຄະນະປະຈຳພັກກອງບັນຊາການ ຫົວໜ້າຫ້ອງການ ເມືອງ ກອງບັນຊາການທະຫານແຂວງວຽງຈັນ, ມີຄະນະພັກ-ຄະນະບັນຊາ, ຄະນະໜ່ວຍພັກ ແລະ ສະມາຊິກພັກ ເຂົ້າຮ່ວມ.
ສະຫາຍ ພັນໂທ ເສັງອຸທອນ ໄຊຍະລາດ ຫົວໜ້າພະແນກຈັດຕັ້ງພັກ ກອງບັນຊາການທະຫານແຂວງວຽງຈັນ ໄດ້ຜ່ານມະຕິຕົກລົງຂອງຄະນະພັກກອງບັນຊາການທະຫານແຂວງວຽງຈັນ ວ່າດ້ວຍການບົ່ງຕົວແຕ່ງຕັ້ງ ກຳມະການ ຄະນະພັກຮາກຖານຫ້ອງເຕັກນິກ, ອີງຕາມກົດລະບຽບຂອງພັກປະຊາຊົນປະຕິວັດລາວ ສະໄໝທີ XI ໝວດທີ II ມາດຕາ 13 ການບົ່ງ ຕົວແຕ່ງຕັ້ງ, ຍົກຍ້າຍ ແລະ ການສິ້ນສຸດ ເປັນກຳມະການຄະນະພັກ, ອີງຕາມ ການຕົກລົງເຫັນດີເປັນ
ເອກະພາບ ຂອງຄະນະພັກກອງບັນຊາການທະຫານແຂວງວຽງຈັນ, ຄັ້ງວັນທີ 31 ມີນາ 2026 ຄະນະພັກກອງບັນຊາການທະ ຫານແຂວງວຽງຈັນ ຕົກລົງ: ບົ່ງຕົວແຕ່ງຕັ້ງ ສະຫາຍ ພັນໂທ ບຸນຕຽງ ຫຼວງຜ່ານ ເປັນກຳມະການຄະນະພັກຮາກຖານ.
ໂອກາດນີ້, ສະຫາຍ ພັນເອກ ເອນວັນ ອິນມີໄຊ ໄດ້ສະແດງຄວາມຍ້ອງຍໍຊົມເຊີຍຕໍ່ສະຫາຍທີ່ໄດ້ຮັບໜ້າທີ່ໃໝ່ໃນຄັ້ງນີ້, ພ້ອມທັງເນັ້ນໜັກບາງບັນຫາທີ່ສຳຄັນເປັນຕົ້ນແມ່ນ ຕ້ອງເພີ່ມທະວີຍົກສູງໜ້າທີ່ການເມືອງໃຫ້ສູງຂຶ້ນກວ່າເກົ່າ, ຊອກຮູ້ຮ່ຳຮຽນ, ປັບປຸງລະບຽບແບບແຜນວິທີເຮັດວຽກ ໂດຍຍຶດໝັ້ນຫຼັກການລວມສູນປະຊາທິປະໄຕ ນຳພາເປັນໝູ່ຄະນະ, ເພີ່ມທະວີຄວາມສາມັກຄີ ເພື່ອນຳໄປຈັດຕັ້ງຜັນຂະຫຍາຍເຂົ້າສູ່ແບບແຜນດຳລົງຊີວິດ ແລະ ເຄື່ອນໄຫວນຳພາກົມກອງຂອງຕົນ ເພື່ອກ້າວຂຶ້ນຢ່າງບໍ່ຢຸດຢັ້ງ.
ໂດຍ: ສາຍຄຳ ພອນມະນີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
