ວັນອັງຄານ, ວັນທີ 16 ມິຖຸນາ 2026
ຫ້ອງການເມືອງກອງພົນທີ 3 ລົງເຄື່ອນໄຫວເຜີຍແຜ່ເອກະສານສຶກສາອົບຮົມ ການເມືອງນຳພາແນວຄິດໃຫ້ພະນັກງານ-ນັກຮົບ ກອງພັນໃຫຍ່ 301
ເວລາອອກຂ່າວ: 2026-05-20 09:14:08 | ຜູ້ຂຽນ : admin1 | ຈຳນວນຄົນເຂົ້າຊົມ: 129 | ຄວາມນິຍົມ: 
ໃນວັນທີ 14 ພຶດສະພາ 2026 ນີ້, ສະຫາຍ ພັນເອກ ຄຳຕັນ ແສງມາລາພອນ ຫົວໜ້າຫ້ອງການເມືອງ ກອງພົນທີ 3 ພ້ອມດ້ວຍຄະນະ, ໄດ້ລົງເຄື່ອນໄຫວເຜີຍແຜ່ເອກກະສານສຶກສາອົບຮົມການເມືອງນຳພາ-ແນວຄິດໃຫ້ພະນັກ ງານ-ນັກຮົບ ຢູ່ກອງພັນໃຫຍ່ 301 ທີ່ຂຶ້ນກັບກອງພົນທີ 3, ມີ ສະຫາຍ ພັນເອກ
ຄຳຫຼ້າ ພັນທະຈັກ ຫົວໜ້າການເມືອງ ກອງພັນໃຫຍ່ 301, ມີຄະນະພັກ-ຄະນະບັນຊາ 5 ພະແນກການ, ກົມກອງອ້ອມຂ້າງ ແລະ ຫົວໜ້າຂະແໜງ ທົ່ວກອງພັນໃຫຍ່ 301 ເຂົ້າຮ່ວມ.
ໃນພິທີ ສະຫາຍ ພັນເອກ ຄຳຕັນ ແສງມາລາພອນ ຫົວໜ້າຫ້ອງການເມືອງ ກອງພົນທີ 3 ແລະ ສະຫາຍ ພັນໂທ ຄຳໄຊ ວິໄລຫົງ ຫົວໜ້າພະແນກປ້ອງກັນພາຍໃນ ກໍໄດ້ຜັດປ່ຽນກັນຂຶ້ນບັນລະຍາຍເອກກະສານວຽກງານສຶກສາອົບຮົມການເມືອງ-ແນວຄິດ, ໃນນີ້ມີ ເອກະສານສິດໜ້າ ທີ່ຂອງພະນັກງານກອງພັນ, ກອງຮ້ອຍ ແລະ ໝວດ, ເອກະສານ ວຽກງານການສຶກສາອົບ
ຮົມການເມືອງ-ແນວຄິດໃຫ້ແກ່ ພະນັກງານ-ນັກຮົບ, ເອກກະສານ ວຽກງານພັກ - ວຽກງານການເມືອງໃນການເບິ່ງແຍງຊີວິດການເປັນຢູ່ຂອງນາຍ ແລະ ພົນທະ ຫານໃນກອງທັບ, ເອກະສານ ວຽກງານໂຄສະນາຂ່າວສານໜັງສືພິມ, ວັດ
ທະນະທຳ-ວັນນະຄະດີ ແລະ ກິລາຢູ່ພາຍໃນກົມກອງ, ເອກກະສານ ເພີ່ມທະວີການປະຫຍັດ ແລະ ຕ້ານການຟູມເຟືອຍ, ເອກະສານ ການເພີ່ມທະວີຄວາມສາມັກຄີລະຫວ່າງກອງທັບ ແລະ ວຽກງານກໍ່ສ້າງຮາກຖານການເມືອງ, ເອກກະສານ ກໍ່ສ້າງສະພາບແວດລ້ອມວັດທະນະທຳຢູ່ໃນກອງທັບປະຊາຊົນລາວ, ເອກະສານ ຍຸດທະສາດຕ້ານການຫັນປ່ຽນໂດຍສັນຕິ ແລະ ຕ້ານປະກົດການຫຍໍ້ທໍ້ພາຍໃນກອງທັບ, ພ້ອມນີ້ ຍັງໄດ້ຜ່ານໜັງສືແຈ້ງການ ຂອງກົມໃຫຍ່ການເມືອງກອງທັບ ວ່າດ້ວຍການລົງວິໄນນາຍທະຫານຜູ້ທີກະທຳຜິດຕໍ່ສິງເສບຕິດຕ່າງໆຕື່ມອີກ, ທັງນີ້ ກໍເພື່ອສຶກສາອົບຮົມການເມືອງ ນຳພາ-ແນວຄິດ ໃຫ້ພະນັກງານ-ສະມາຊິກພັກ ແລະ ນັກຮົບເຊື່ອມຊຶມ, ກຳແໜ້ນແນວທາງນະໂຍບາຍມະຕິຄຳສັ່ງຕ່າງໆຂອງພັກ, ຂໍ້ກຳນົດກົດລະບຽບຂອງກອງທັບ, ກົດໝາຍຂອງລັດ, ມູນເຊືອຂອງຊາດ, ຂອງພັກ, ຂອງກອງທັບ, ຂອງກົມກອງຢ່າງທົ່ວເຖິງ ເປັນເຈົ້າການຕອບຕ້ານກົນອຸບາຍຂອງບັນດາອິດທິກຳລັງປໍລະປັກ ແລະ ການໂຄສະນາບິດເບືອນໃສ່ຮ້າຍປ້າຍສີຂອງກຸ່ມຄົນບໍ່ຫວັງດີໃຫ້ທັນການ, ພ້ອມທັງເປັນການປົກປັກຮັກສາ ແລະ ເສີມຂະຫຍາຍທາດແທ້ມູນເຊື້ອພິລະອາດຫານຂອງກອງທັບ ໃຫ້ເຕີບໃຫຍ່ເຂັ້ມແຂງກ້າວຂຶ້ນຢ່າງບໍ່ຢຸດຢັ້ງ.
ໂດຍ: ອຸ່ນເຮືອນ ດວງດາລາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
