POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 17 ມິຖຸນາ 2026

ເປີດຊຸດອົບຮົມ-ຫັດແອບ ວຽກງານແຜນທີ່ການທະຫານໄລຍະສັ້ນ ໃຫ້ພະນັກງານ-ວິຊາການ ກຳລັງຫຼວງ ແລະ ກຳລັງທ້ອງຖິ່ນ
ເວລາອອກຂ່າວ: 2026-05-20 09:18:25 | ຜູ້ຂຽນ : admin1 | ຈຳນວນຄົນເຂົ້າຊົມ: 178 | ຄວາມນິຍົມ:

ໃນວັນທີ 18 ພຶດສະພາ 2026 ນີ້, ຢູ່ທີ່ສູນເຝິກອົບຮົມໂຮງງານແຜນທີ່ກອງທັບ ໄດ້ຈັດພິທີ ເປີດຊຸດອົບຮົມ-ຫັດແອບວຽກງານແຜນທີ່ການທະຫານໄລຍະສັ້ນໃຫ້ພະນັກງານ-ວິຊາການ ກຳລັງຫຼວງ ແລະ ກຳລັງທ້ອງຖິ່ນ ຂຶ້ນ, ໂດຍການເປັນປະທານຂອງ ສະຫາຍ ພັນເອກ ສຸດໃຈ ດວງໃຈ ຫົວໜ້າກົມແຜນທີ່ ກົມໃຫຍ່ເສນາທິການກອງທັບ, ມີຄະນະກົມ, ຄະນະພັກ-ຄະນະບັນຊາກຳລັງຫຼວງ ແລະ ກຳລັງທ້ອງຖິ່ນ, ຄະນະຮັບຜິດຊອບ ແລະ ນັກເຝິກ ອົບຮົມເຂົ້າຮ່ວມ. ສະຫາຍ ພັນເອກ ໄອ່ສຳລານ ຄຳມາວົງ ຮອງຫົວໜ້າກົມແຜນທີ່ ກົມໃຫຍ່ເສນາທິການກອງທັບ ໄດ້ຂຶ້ນຜ່ານແຜນການອົບຮົມ-ຫັດແອບ ແລະ ຂໍ້ຕົກລົງແຕ່ງຕັ້ງຄະນະຮັບຜິດຊອບ ໃນການອົບຮົມ-ຫັດແອບ, ເຊິ່ງການອົບຮົມ-ຫັດແອບໃນຄັ້ງນີ້ແມ່ນເພື່ອຈັດຕັ້ງອົບຮົມ-ຫັດແອບວຽກງານແຜນທີ່ການທະຫານ, ການສ້າງເອກະສານສູ້ຮົບ, ການຄຸ້ມຄອງ-ການນຳໃຊ້ແຜນທີ່ການທະຫານ, ເຄື່ອງຮັບສັນຍານດາວທຽມ ຈີພີເອສ໌ (GPS) ແບບມືຖື, ການສ້າງຮູບປັ້ນຈຳລອງພູມີປະເທດ ແລະ ແຜນທີ່ລະບົບຕົວເລກ (ແຜນທີ່ຄອມພິວເຕີ) ໃຫ້ແກ່ບັນດາເປົ້າໝາຍທີ່ເຮັດໜ້າທີ່ວຽກງານເສນາທິການ ໃຫ້ມີຄວາມເປັນເອກະພາບໃນທົ່ວກອງທັບ, ເພື່ອຍົກລະດັບຄວາມຮູ້-ຄວາມສາມາດ, ຄວາມເຂົ້າໃຈເລີກເຊິ່ງ ຕໍ່ກັບວຽກງານແຜນທີ່ການທະຫານ, ກຳແໜ້ນທາງດ້ານທິດສະດີ, ພາກປະຕິບັດຕົວຈິງ ແລະ ການຄຸ້ມຄອງ-ນຳໃຊ້ໃນໜ້າທີ່ວຽກງານສະເພາະໜ້າ ແລະ ຍາວນານໃຫ້ມີຄຸນນະພາບດີຂຶ້ນເປັນກ້າວໆ, ເປັນພື້ນຖານໃຫ້ແກ່ການຮຽນ-ການສອນ, ກະກຽມວຽກງານຮັບປະກັນດ້ານຕ່າງໆ ເພື່ອຮອງຮັບການຍົກຍ້າຍການຮຽນ-ການສອນນາຍສິບແຜນທີ່ ຢູ່ວິທະຍາຄານນາຍທະຫານບົກກົມມະດຳ ມາຈັດຕັ້ງປະຕິບັດຢູ່ໂຮງງານແຜນທີ່ກອງທັບ ແລະ ເພື່ອແນະນຳຄວາມຮູ້ພື້ນຖານການຄຸ້ມຄອງ-ນຳໃຊ້ບັນດາຈຸດຕາໜ່າງເຄົ້າພິກັດທາງຮາບ-ທາງຕັ້ງ, ຈຸດສະຖານີອ້າງອີງວັດແທກແບບຕໍ່ເນື່ອງ (Cors), ວຽກງານສຳຫຼວດ ແລະ ປັກຫຼັກໝາຍຊາຍແດນລະຫວ່າງປະເທດ. ໂອກາດນີ້, ສະຫາຍ ພັນເອກ ສຸດໃຈ ດວງໃຈ ໄດ້ເນັ້ນໜັກໃຫ້ ຄະນະພັກ-ຄະນະບັນຊາ, ຄະນະຮັບຜິດຊອບ, ພະນັກງານ-ນັກຮົບ ຈົ່ງເອົາໃຈປະຕິບັດໜ້າທີ່ການເມືອງຂອງຕົນ, ຕັ້ງໜ້າເຝິກຝົນຫຼໍ່ຫຼອມຮ່ຳຮຽນກຳແໜ້ນເນື້ອໃນທິດສະດີ, ຫຼັກການ, ບາດກ້າວພິທີການໃຫ້ມີຄວາມຊຳນິຊຳນານ ສາມາດປະກອບນຳໃຊ້ໃນວຽກງານຕົວຈິງ ຈັດຕັ້ງຜັນຂະຫຍາຍເຂົ້າໃນໜ້າທີ່ວິຊາສະເພາະ ໃຫ້ໄດ້ຮັບໝາກຜົນ ໃນສະເພາະໜ້າ ແລະ ຍາວນານ.

news to day and hot news