ວັນພຸດ, ວັນທີ 17 ມິຖຸນາ 2026
ໜ່ວຍຊາວໜຸ່ມ ຫໍພິພິທະພັນປະຫວັດສາດກອງທັບ ສະຫຼຸບຕີລາຄາການເຄື່ອນໄຫວວຽກງານ 6 ເດືອນຕົ້ນປີ 2026
ເວລາອອກຂ່າວ: 2026-05-21 08:52:00 | ຜູ້ຂຽນ : admin1 | ຈຳນວນຄົນເຂົ້າຊົມ: 128 | ຄວາມນິຍົມ: 
ໃນວັນທີ 18 ພຶດສະພາ 2026 ນີ້, ໜ່ວຍຊາວໜຸ່ມ ຫໍພິພິທະພັນ
ປະຫວັດສາດກອງທັບ (ຫພທ) ໄດ້ຈັດກອງປະຊຸມ ສະຫຼຸບຕີລາຄາການເຄື່ອນໄຫວວຽກງານ 6 ເດືອນຕົ້ນປີ 2026 ແລະ ທິດທາງແຜນການ 6 ເດືອນທ້າຍປີ 2026, ໂດຍການເປັນປະທານຂອງ ສະຫາຍ ພັນໂທ ວ່າຊົງ
ໄຟດໍ້ຊົວຕົງ ຫົວໜ້າພະແນກບໍລິຫານ ຫໍພິພິທະພັນປະຫວັດສາດກອງທັບ, ມີບັນດາສະມາຊິກຊາວໜຸ່ມທົ່ວຫໍພິພິທະພັນປະຫວັດສາດກອງທັບ ເຂົ້າຮ່ວມ.
ສະຫາຍ ຮ້ອຍເອກ ອຳນາຍ ເພັດລາວັນ ເລຂາໜ່ວຍຊາວໜຸ່ມ ຫພທ ໄດ້ຜ່ານບົດສະຫຼຸບຕີລາຄາການ ເຄື່ອນໄຫວວຽກງານຊາວໜຸ່ມ 6 ເດືອນຕົ້ນປີ 2026 ແລະ ທິດທາງແຜນການ 6 ເດືອນທ້າຍປີ 2026, ໂດຍໄດ້ຍົກໃຫ້ເຫັນດ້ານດີ, ດ້ານອ່ອນ ແລະ ບາງບົດຮຽນທີ່ສາມາດຖອດຖອນໄດ້ໃນໄລຍະຜ່ານມາ ເປັນຕົ້ນແມ່ນ ໃນຕະຫຼອດ 6 ເດືອນຜ່ານມາ ຄະນະຊາວໜຸ່ມໄດ້ເອົາໃຈໃສ່ສຶກສາອົບຮົມການເມືອງແນວຄິດ, ຜ່ານການລວມຈຸ ແລະ ລວມໜ່ວຍໃນແຕ່ລະເດືອນ ເຮັດໃຫ້ບັນດາສະມາຊິກມີແນວຄິດອຸ່ນອຽງທຸ່ນທຽງຕໍ່ໜ້າທີ່ວຽກງານທີ່ການຈັດຕັ້ງມອບໝາຍໃຫ້, ມີຄວາມຕື່ນຕົວຫ້າວຫັນ ເຮັດສຳເລັດໜ້າທີ່ຂອງຕົນຢ່າງມີປະສິດທິຜົນ ແລະ ຕໍ່ເນື່ອງ ໂດຍຖືເອົາຂໍ້ແຂງຂັນ 4 ບຸກຂອງຊາວໜຸ່ມມາຈັດຕັ້ງປະຕິບັດ. ນອກນີ້, ຍັງໄດ້ຜ່ານຂໍ້ຕົກລົງວ່າດ້ວຍ ການອະນຸມັດໃຫ້ສະມາຊິກພົ້ນກະສຽນອອກຈາກອົງການຈັດຕັ້ງຊາວໜຸ່ມປະຊາຊົນປະຕິວັດລາວຈຳນວນ 3 ສະຫາຍ ແລະ ໄດ້ມອບໃບຍ້ອງຍໍຈາກ ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ໃຫ້ກັບບັນດາສະຫາຍຜູ້ທີ່ມີຜົນງານດີເດັ່ນໃນການເຂົ້າຮ່ວມເປັນກ້ອງກຳລັງອວຍພອນຜົນສຳເລັດກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ IX ຂອງສູນກາງຊາວໜຸ່ມປະຊາຊົນປະຕິວັດລາວ.
ໂດຍ: ສີພອນ ພົມມະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
