POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 20 ກໍລະກົດ 2026

ສຳເລັດການເປັນປະທານຮ່ວມກັບ ຣັດເຊຍ ໃນການຈັດກອງປະຊຸມ ໜ່ວຍງານຜູ້ຊ່ຽວຊານດ້ານການເກັບກູ້ລະເບີດເພື່ອມະນຸດສະທຳ
ເວລາອອກຂ່າວ: 2026-06-05 08:50:44 | ຜູ້ຂຽນ : admin1 | ຈຳນວນຄົນເຂົ້າຊົມ: 226 | ຄວາມນິຍົມ:

ໃນລະຫວ່າງວັນທີ 21 ພຶດສະພາ-1 ມິຖຸນາ 2026 ນີ້, ຄະນະຜູ້ແທນກະຊວງປ້ອງກັນປະເທດ ນຳໂດຍສະຫາຍ ພັນເອກ ເຟືອງໄຊ ມິລາກົງ ຮອງຫົວໜ້າກົມພົວພັນຕ່າງປະເທດ, ຫົວໜ້າໜ່ວຍງານວິຊາການເຈົ້າໜ້າທີ່ອາວຸໂສປ້ອງກັນປະເທດອາຊຽນ ແຫ່ງ ສປປ ລາວ ພ້ອມດ້ວຍຄະນະຜູ້ແທນຈາກ ຫ້ອງການກົມໃຫຍ່ເສນາທິການກອງທັບ, ກົມຊ່າງແສງ, ສູນ 523, ຫ້ອງການ ຄຊກລ ແລະ ກົມອົງການຈັດຕັ້ງສາກົນ ກະຊວງການຕ່າງປະເທດ ໄດ້ສຳເລັດການເດີນທາງໄປ ເປັນປະທານຮ່ວມກັບ ຣັດເຊຍ ຈັດຕັ້ງກອງປະຊຸມໜ່ວຍງານຜູ້ຊ່ຽວ ຊານດ້ານການເກັບກູ້ລະເບີດເພື່ອມະນຸດສະທຳ ຄັ້ງທີ 17 ແລະ ກອງປະຊຸມວາງແຜນຂັ້ນສຸດທ້າຍ ຂອງການເຝິກຊ້ອມຮ່ວມພາກສະໜາມຫຼາຍຝ່າຍ ທີ່ ເມືອງ ນິສນີ ໂນບໂກຣອດ ຣັດເຊຍ, ມີຄະນະຜູ້ແທນຈາກບັນດາປະເທດສະມາຊິກອາຊຽນ, ອາຊຽນ-ບວກ, ກອງເລຂາອາຊຽນ ແລະ ສູນເກັບກູ້ລະເບີດເພື່ອມະນຸດສະທຳອາຊຽນ ທັງໝົດ 17 ພາກສ່ວນ ເຂົ້າຮ່ວມ ແລະ ເປັນກຽດໃຫ້ກອງປະຊຸມໃນຄັ້ງນີ້, ມີສະຫາຍ ອັງເຣ ຈີຊຊູບ ວ່າການ ເຈົ້າເແຂວງ ນິສນີ ໂນບໂກຣອດ ແລະ ສະຫາຍ ພົນໂທ ອີວານ ໂພເຕບ ຮອງຜູ້ບັນຊາການເຫຼົ່າຮົບຊ່າງແສງ ສ ຣັດເຊຍ ໄດ້ໃຫ້ກຽດເຂົ້າຮ່ວມເປັນແຂກກິດຕິມະສັກ ກ່າວຕ້ອນຮັບບັນດາຄະນະຜູ້ແທນ ດັ່ງກ່າວ. ໃນກອງປະຊຸມ ໄດ້ຮັບຟັງການລາຍງານ ຂອງປະທານຮ່ວມ ລາວ ແລະ ຣັດເຊຍ ກ່ຽວກັບຜົນຂອງກອງປະຊຸມໜ່ວຍງານຜູ້ຊ່ຽວຊານ ດ້ານການເກັບກູ້ລະເບີດ ເພື່ອມະນຸດສະທຳ ຄັ້ງທີ 16 ແລະ ກອງປະຊຸມວາງແຜນຂັ້ນຕົ້ນ ທີ່ຈັດຂຶ້ນ ໃນລະຫວ່າງວັນທີ 5-14 ທັນວາ 2025 ທີ່ ແຂວງຫົວພັນ ແລະ ແລກປ່ຽນ ໃນຫົວຂໍ້: ການຮ່ວມມືທີ່ເປັນຮູບປະທຳ ແລະ ບົດຮຽນທີ່ດີທີ່ສຸດ ຂອງວຽກງານການແພດ ໃນຂົງເຂດວຽກງານເກັບກູ້ລະເບີດ ເພື່ອມະນຸດສະທຳ ແລະ ຈັດຕັ້ງກອງປະຊຸມວາງແຜນຂັ້ນສຸດທ້າຍ ເພື່ອເປັນເອກະພາບຕໍ່ບົດ ຂອງການເຝີກຊ້ອມຮ່ວມພາກສະໜາມຫຼາຍຝ່າຍ ທີ່ຈະໄດ້ຈັດຂຶ້ນ ໃນລະຫວ່າງວັນທີ 3-14 ກັນຍາ 2026 ນີ້, ທີ່ສະໜາມເຝິກຊ້ອມ ຂອງວິທະຍາຄານຊ່າງແສງ ຂອງ ຣັດເຊຍ ທີ່ ເມືອງ ນິສນີ ໂນບໂກຣອດ. ເນື່ອງໃນໂອກາດເຂົ້າຮ່ວມ ເປັນປະທານຮ່ວມ ໃນຄັ້ງນີ້, ຄະ ນະປະທານຮ່ວມຝ່າຍລາວ ຍັງໄດ້ເດີນທາງໄປຢ້ຽມຢາມ ແລະ ເຮັດວຽກ ກັບ ວິທະຍາຄານຊ່າງແສງ ຂອງກອງທັບສະຫະພັນ ຣັດເຊຍ ປະຈຳເມືອງ ນິສນີ ໂນບໂກຣອດ ແລະ ເຂົ້າຢ້ຽມຢາມບັນດາຫ້ອງຮຽນຕ່າງໆ ລວມທັງຫ້ອງຮຽນຜະລິດເຮືອບິນບໍ່ມີຄົນຂັບ (ໂດຣນ) ແລະ ຫ້ອງຮຽນເຝິກຊ້ອມການກວດກູ້ລະເບີດຕ່າງໆ ຕື່ມອີກ.

news to day and hot news