POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 11 ກໍລະກົດ 2026

ກົມເຄມີສາດ ເປີດຂະບວນການແຂ່ງຂັນ ເພື່ອຂ່ຳນັບຮັບຕ້ອນ ວັນສ້າງຕັ້ງເຫຼົ່າຮົບເຄມີສາດ ຄົບຮອບ 60 ປີ
ເວລາອອກຂ່າວ: 2026-06-08 15:35:22 | ຜູ້ຂຽນ : admin3 | ຈຳນວນຄົນເຂົ້າຊົມ: 113 | ຄວາມນິຍົມ:

ວັນທີ 5 ມິຖຸນາ 2026 ນີ້, ກົມເຄມີສາດ ກົມໃຫຍ່ເສນາທິການກອງທັບ ໄດ້ເປີດຂະບວນການແຂ່ງຂັນ ວຽກງານຮອບດ້ານ ເພື່ອຂໍ່ານັບຮັບຕ້ອນ ວັນສ້າງຕັ້ງເຫຼົ່າຮົບເຄມີສາດ ຄົບຮອບ 60 ປີ (26 ຕຸລາ 1966-26 ຕຸລາ 2026), ໂດຍການເປັນປະທານຂອງສະຫາຍ ພັນເອກ ຄຳສະຫວັດ ໄຊຍະລາດ ຫົວໜ້າກົມເຄມີສາດ, ມີບັນດາຫົວໜ້າພະແນກ, ຮອງພະແນກທີ່ຂຶ້ນກັບກົມເຄມີສາດ, ຄະນະພັກ-ຄະນະບັນຊາ ກອງພັນເຄມີ 15, ສູນອົບຮົມວິໄຈເຄມີ, ແຂກຖືກເຊີນ, ພ້ອມດ້ວຍນາຍ ແລະ ພົນທະຫານ ເຂົ້າຮ່ວມ. ສະຫາຍ ພັນໂທ ຄຳແສນ ຕ່ອມທະນົງ ຮອງຫົວໜ້າກົມເຄມີສາດ ກົມໃຫຍ່ເສນາທິການກອງທັບ ໄດ້ຜ່ານແຜນການຈັດຕັ້ງເຄື່ອນໄຫວສ້າງຂະບວນການ ເພື່ອຂ່ຳນັບຮັບຕ້ອນວັນສຳຄັນຂອງຊາດ, ຂອງພັກ ແລະ ຂອງກອງ ທັບ ເວົ້າລວມ, ເວົ້າສະເພາະແມ່ນວັນສ້າງຕັ້ງເຫຼົ່າຮົບເຄມີສາດ ຄົບຮອບ 60 ປີ (26/10/1966-26/10/2026), ເພື່ອເປັນການປູກຈິດສຳນຶກ ແລະ ສຶກສາອົບຮົມ ໃຫ້ພະນັກງານ-ນັກຮົບ ໃນທົ່ວກອງທັບ ໄດ້ຮັບຮູ້ ແລະ ເຂົ້າໃຈເລິກເຊິ່ງເຖິງມູນເຊື້ອ, ທາດແທ້ແຫ່ງການເຕີບໃຫຍ່ຂະຫຍາຍຕົວ ຂອງເຫຼົ່າຮົບເຄມີສາດ ໃນແຕ່ລະໄລຍະຈົນເຖິງປັດຈຸບັນ ແລະ ເພື່ອເຮັດໃຫ້ບັນດາກົມກອງຖືເອົາການສ້າງຂະບວນການຄັ້ງນີ້ ຕິດພັນກັບການປັບປຸງກໍ່ສ້າງກົມກອງ ຕາມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ຮັບປະກັນເນື້ອໃນເຮັດໃຫ້ກົມກອງ ມີບັນຍາກາດຟົດຟື້ນ, ມີຂໍ້ແຂ່ງຂັນ ໂດຍເລີ່ມຈາກບຸກຄົນ ຕະຫຼອດຮອດກົມກອງ ໃຫ້ມີການເຄື່ອນໄຫວຢ່າງຕັ້ງໜ້າ ບົນພື້ນຖານການສືບຕໍ່ປັບປຸງກໍ່ສ້າງເຫຼົ່າຮົບເຄມີສາດ ໃຫ້ກາຍເປັນເຫຼົ່າຮົບ ທີ່ມີລະບຽບແບບແຜນ ແລະ ທັນສະໄໝ, ມີຄວາມບໍລິສຸດຜຸດຜ່ອງຕໍ່ພັກ, ຕໍ່ປະເທດຊາດ ແລະ ເຮັດສຳເລັດໜ້າທີ່ ທີ່ພັກ-ລັດ ແລະ ປະຊາຊົນມອບໝາຍໃຫ້ຢ່າງສົມກຽດ. ໂອກາດນີ້, ສະຫາຍ ພັນເອກ ຄຳສະຫວັດ ໄຊຍະລາດ ໄດ້ເນັ້ນໜັກບາງຈຸດທີ່ສຳຄັນຕື່ມ ຄື: ໃຫ້ສືບຕໍ່ສຶກສາອົບຮົມການເມືອງນຳພາແນວຄິດ ໃຫ້ພະນັກງານ-ນັກຮົບຢ່າງເລິກເຊິ່ງກວ່າເກົ່າ, ຖືເອົາວຽກງານນີ້ເປັນບັນຫາກົກ ເພື່ອສ້າງໃຫ້ເຂົາເຈົ້າມີມະນາຈິດປະຕິວັດ, ສາມາດຜ່ານຜ່າຄວາມຫຍຸ້ງຍາກ, ພ້ອມທັງແກ້ໄຂແນວຄິດແບບເກົ່າ ທີ່ບໍ່ສອດຄ່ອງກັບແນວທາງການປ່ຽນແປງໃໝ່ຂອງພັກ ເປັນຕົ້ນແມ່ນ: ແນວຄິດຄອງເດີມ, ຂີ້ຄ້ານມັກງ່າຍ, ບໍ່ຢາກຄົ້ນຄວ້າຮ່ຳຮຽນ, ແນວຄິດເອືອຍອີງ, ບໍ່ເປັນເຈົ້າຕົນເອງ ແລະ ບໍ່ຢາກພັດທະນາຕົນເອງ ກໍຄືພັດທະນາກົມກອງ. ນອກນັ້ນ, ຕ້ອງເພີ່ມທະວີປັບປຸງຄວາມສາມັກຄີພາຍໃນໝູ່ຄະນະ ແລະ ທົ່ວກົມກອງ ໃຫ້ເປັນປຶກແຜ່ນ, ເປັນເຈົ້າການຈັດຕັ້ງປະຕິບັດແຜນການນີ້ ໃຫ້ເກີດດອກອອກຜົນຕົວຈິງ, ເອົາໃຈໃສ່ປັບປຸງກົມກອງ ໃຫ້ເປັນກອງປອດໃສ, ເຂັ້ມແຂງ, ໜັກແໜ້ນ, ເປັນກອງປອດໄພ ແລະ ປອດຄະດີ, ເປັນເຈົ້າການປະຕິບັດບັນດາຂໍ້ກຳນົດກົດລະບຽບຂອງກອງທັບ, ກົດໝາຍຂອງລັດ ແລະ ທຸກມະຕິຄຳສັ່ງຂອງຂັ້ນເທິງຢ່າງເຂັ້ມງວດ, ພ້ອມກັນເປັນເຈົ້າການປົກປັກຮັກສາ ແລະ ເສີມຂະຫຍາຍທາດແທ້ມູນເຊື້ອພິລາດອາດຫານຂອງກອງທັບປະຊາຊົນລາວວິລະຊົນ, ຈົ່ງຮັກພັກດີຕໍ່ອຸດົມການຂອງພັກ, ຍົກສູງສະຕິລະວັງຕົວຕໍ່ທຸກກົນອຸບາຍມ້າງເພທຳລາຍຂອງອິດທິກຳລັງປໍລະປັກ ແລະ ສາມາດເຮັດສຳເລັດໜ້າທີ່ໃນທຸກກໍລະນີ ໂດຍເຄື່ອນໄຫວຕາມ 4 ໜ້າທີ່ໃຫຍ່ 26 ແຜນງານ ແລະ 5 ບຸກທະລຸ ທີ່ອົງຄະນະພັກກະຊວງປ້ອງກັນປະເທດວາງອອກ ໃຫ້ປະກົດຜົນເປັນຈິງ. ໂດຍ: ໄພລິນ ບຸນຍັງ

news to day and hot news