POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 14 ກໍລະກົດ 2026

ຄະນະປະຕິບັດງານພິເສດ ແຂວງອັດຕະປື ເຂົ້າຮ່ວມພິທີບັນຈຸອັດຖິ ທະຫານອາສາສະໝັກ ຫວຽດນາມ
ເວລາອອກຂ່າວ: 2026-06-16 08:45:23 | ຜູ້ຂຽນ : admin1 | ຈຳນວນຄົນເຂົ້າຊົມ: 133 | ຄວາມນິຍົມ:

ໃນລະຫວ່າງ ວັນທີ 4-5 ມິຖຸນາ 2026 ຜ່ານມານີ້, ຄະນະກຳມະການປະຕິບັດງານພິເສດ ແຂວງອັດຕະປື ເຂົ້າຮ່ວມພິທີບັນຈຸອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ 3 ແຂວງພາກໃຕ້ລາວ. ເພື່ອນຳເຂົ້າສຸສານນັກຮົບນິລະນາມ ຢູ່ທີ່ ຕາແສງງັອກໂຮ້ຍ, ແຂວງກວາງຫງ໋າຍ ສສ ຫວຽດນາມ, ເຊິ່ງນຳໂດຍ ສະຫາຍ ພັນເອກ ສີສົມໃຈ ມະໂນລາ ຄະນະປະຈຳພັກເເຂວງ, ຫົວໜ້າການເມືອງ ກອງບັນຊາການທະຫານເເຂວງອັດຕະປື, ຮອງຫົວໜ້າຄະນະປະຕິບັດງານພິເສດ ແຂວງອັດຕະປື, ໂດຍມີຄະນະປະຕິບັດງານພິເສດ, ຈາກແຂວງເຊກອງ, ຈຳປາສັກ ແຫ່ງ ສປປ ລາວ ແລະ ແຂວງຣັດຕະນະຄີຣີ, ແຫ່ງ ຣາຊະອານະຈັກກຳປູເຈຍ, ໂດຍການຕ້ອນຮັບຢ່າງສົມກຽດຂອງ ສະຫາຍ ນາງ ອີງັອກ, ຄະນະປະຈຳພັກແຂວງ, ຮອງປະທານຜູ້ປະຈຳການປະຊາຊົນແຂວງ, ປະທານຄະນະປະຕິບັດງານພິເສດ ແຂວງກວາງຫງ໋າຍ ສສ ຫວຽດນາມ, ມີບັນດາ ສະຫາຍ ຄະນະເລຂາທິການສູນ ກາງພັກ, ການນຳພັກ-ລັດ, ຄະນະພັກອຳນາດການປົກຄອງທ້ອງຖິ່ນ, ບັນດາພະແນກການທີ່ກ່ຽວຂ້ອງ, ຕະຫຼອດຮອດນາຍ ແລະ ພົນທະຫານ, ນາຍ ແລະ ພົນຕຳຫຼວດ, ນັກຮຽນ-ນັກສຶກສາ ຈາກແຂວງກວາງຫງ໋າຍ ເຂົ້າຮ່ວມ. ພິທີໄຫວ້ອາໄລ ບັນຈຸອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ເຂົ້າສຸສານນັກຮົບນິລະນາມ ຢູ່ທີ່ງັອກໂຫ້ຍ, ແຂວງກວາງຫງ໋າຍໃນຄັ້ງນີ້, ແມ່ນສຸດທີ່ມີຄວາມໝາຍ- ຄວາມສຳຄັນຢ່າງຍິ່ງ, ໂດຍປະຕິບັດນະໂຍບາຍ ແລະ ຄວາມເປັນທຳຂອງພັກ- ລັດຖະບານລາວ ທີ່ມີຕໍ່ພັກ-ເພື່ອນມິດຍຸດທະສາດ ແລະ ຄວາມເອົາໃຈໃສ່ແບບພິເສດຂອງຄະນະພັກ, ອຳນາດການ ປົກຄອງທ້ອງຖິ່ນ, ບວກກັບການຮ່ວມມືອຳນວຍຄວາມສະດວກ ຂອງປະຊາຊົນບັນດາເຜົ່າຊາວແຂວງອັດຕະປື, ແຂວງຈຳປາສັກ ແລະ ແຂວງເຊກອງ, ຕະຫຼອດໄລຍະການ ປະຕິບັດວຽກງານຊອກຫາຂຸດຄົ້ນອັດຖິ ໃນສົກປີ 2025-2026 ຜ່ານມາໜ່ວຍງານຂຸດຄົ້ນອັດຖິ ກອງ K53 ກອງທັບປະຊາຊົນຫວຽດນາມ ສາມາດຂຸດຄົ້ນໄດ້ຈາກແຂວງເຊກອງ ຈຳນວນ 3 ອັດຖິ, ແຂວງຈຳປາສັກ 1 ອັດຖິ ແລະ ແຂວງອັດຕະປື 6 ອັດຖິ, ແລະ ຈາກແຂວງ ຣັດຕະນະຄີຣີ, ແຫ່ງ ຣາຊະອານະຈັກກຳປູເຈຍ, 6 ອັດທິ, ລວມທັງໝົດ 16 ອັດທິ, ເຊິ່ງໃນພິທີດັ່ງກ່າວ ແຕ່ລະຄະນະໄດ້ເຂົ້າວາງພວງມາລາ ແລະ ກົ້ມຫົວໄຫວ້ອາໄລຢ່າງສົມກຽດ ເຖິງດວງວິນຍານຂອງພະນັກງານ-ນັກຮົບ ທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມ ຢູ່ໃນ 3 ແຂວງພາກໃຕ້ ລາວຢ່າງສົມກຽດ. ພາຍຫຼັງສຳເລັດພິທີອັນສົມກຽດດັ່ງກ່າວ ຫົວໜ້າຄະນະຝ່າຍຫວຽດນາມ, ລາວ ແລະ ກຳປູເຈຍ, ໄດ້ພ້ອມກັນຈັດຄູ່ເຄື່ອນຍ້າຍອັດຖິບັນຈຸເຂົ້າສຸສານນັກຮົບນິລະນາມ ທີ່ຕາແສງງັອກໂຮ້ຍ, ແຂວງກວາງຫງ໋າຍ ສສ ຫວຽດນາມ ໄປຕາມລຳດັບ. ໂດຍ: ສຸກສະໄໝ

news to day and hot news