ວັນອັງຄານ, ວັນທີ 14 ກໍລະກົດ 2026
ຄະນະນາຍທະຫານໜຸ່ມແຂວງຈຳປາສັກ ແລະ ແຂວງອັດຕະປື ເຄື່ອນໄຫວ ແລກປ່ຽນບົດຮຽນ ຢູ່ກອງພັນໃຫຍ່ 739 ກອງບັນຊາການທະຫານແຂວງຢາລາຍ
ເວລາອອກຂ່າວ: 2026-06-16 08:54:32 | ຜູ້ຂຽນ : admin1 | ຈຳນວນຄົນເຂົ້າຊົມ: 166 | ຄວາມນິຍົມ: 
ໃນລະຫວ່າງວັນທີ 4-5 ມິຖຸນາ 2026 ນີ້, ຄະນະນາຍທະ ຫານໜຸ່ມກອງບັນຊາການທະ ຫານແຂວງຈຳປາສັກ ແລະ ອັດຕະປື ກອງທັບປະຊາຊົນລາວ ເຊິ່ງນຳພາໂດຍ ສະຫາຍ ພັນໂທ ຄາລົມ ຈັນທະວົງສາ ຮອງຫົວ ໜ້າກອງບັນຊາການ, ຫົວໜ້າຫ້ອງເຕັກນິກ ກອງບັນຊາການທະຫານແຂວງຈຳປາສັກ ໄດ້ເຄື່ອນໄຫວຢ້ຽມຢາມ ແລະ ພົບປະແລກປ່ຽນບົດຮຽນ ຢູ່ກອງພັນໃຫຍ່ 739 ກອງບັນຊາການທະຫານແຂວງ ຢາລາຍ ກອງທັບປະຊາຊົນຫວຽດນາມ, ໂດຍການ ຕ້ອນຮັບຂອງ ສະຫາຍ ພັນໂທ ເຈີນ ກວາງ ຈຸງ ຫົວໜ້າການ ເມືອງກອງພັນໃຫຍ່ 739 ກອງບັນຊາການທະຫານແຂວງຢາລາຍ ພ້ອມດ້ວຍຄະນະ.
ໂດຍປະຕິບັດຕາມການເຊື້ອເຊີນຂອງກອງບັນຊາການທະຫານແຂວງ ຢາລາຍ ກອງທັບປະຊາຊົນຫວຽດນາມ ສະບັບເລກທີ 1600/TM-BCH, ວ່າການເຊື້ອເຊີນຄະນະພະນັກງານທະ ຫານໜຸ່ມຂອງກອງບັນຊາການທະຫານແຂວງອັດຕະປື-ແຂວງຈຳປາສັກ ກອງທັບປະຊາຊົນລາວ ເດີນທາງມາພົບປະແລກບົດຮຽນ ທີ່ກອງບັນຊາການທະ ຫານແຂວງ ຢາລາຍ, ເຊິ່ງການພົບປະແລກປ່ຽນບົດຮຽນໃນຄັ້ງນີ້, ກໍເພື່ອເປັນການຫວນຄືນ ມູນເຊື້ອແຫ່ງການພົວພັນມິດ ຕະພາບ ແລະ ຄວາມສາມັກຄີ ລາວ-ຫວຽດນາມ ເຊິ່ງເປັນປັດໄຈສຳຄັນຕັດສິນໃຫ້ແກ່ໄຊ ຊະນະຂອງການປະຕິວັດ ໃນພາລະກິດຕໍ່ສູ້ປົດປ່ອຍຊາດ ກໍຄື ການສ້າງສາພັດທະນາປະເທດ ຊາດຂອງສອງປະເທດໃນປັດ ຈຸບັນ, ຖືເອົາໂອກາດນີ້ເປັນການ ເຄື່ອນໄຫວຢ້ຽມຢາມພົບປະ ແລກປ່ຽນບົດຮຽນ ແລະ ມິດຕະ ພາບລະຫວ່າງນາຍທະຫານໜຸ່ມ ແຂວງອັດຕະປື-ແຂວງຈຳປາສັກ ແລະ ແຂວງຢາລາຍ
ໃຫ້ມີເນື້ອໃນໜັກແໜ້ນ ແລະ ມີຄວາມໝາຍເລິກເຊິ່ງ. ການເຄື່ອນໄຫວຢ້ຽມຢາມໃນຄັ້ງນີ້, ແມ່ນຈະໄດ້ ພົບປະສົນທະນາແລກປ່ຽນບົດ ຮຽນເປັນຕົ້ນແມ່ນຮຽນ
ຮູ້ກ່ຽວ ກັບລະບຽບແບບແຜນ, ວິທະຍາ ສາດການທະຫານ ແລະ ປະສົບການໃນການສ້າງສາພັດທະນາ ກອງທັບຂອງເພື່ອນຫວຽດນາມ ທີ່ທັນສະໄໝ, ເພື່ອນຳເອົາບົດ ຮຽນທີ່ກົມກອງເພື່ອນຖ່າຍທອດໃຫ້ ກັບມາສ້າງສາພັດທະນາກົມກອງຂອງຕົນ ໃຫ້ມີຄວາມເຕີບໃຫຍ່ຂະຫຍາຍຕົວ, ເຂັ້ມແຂງ ຮອບດ້ານໃນຕໍ່ໜ້າ. ພາຍຫຼັງທີ່ເຄື່ອນໄຫວແລກປ່ຽນບົດຮຽນຢູ່ກອງພັນໃຫຍ່ 739 ສຳເລັດ, ຍັງໄດ້ຮ່ວມກິດຈະກຳ ແລກປ່ຽນກິລາມິດຕະພາບ ແລະ ຮ່ວມສະແດງສິລະປະ-ວັນນະຄະດີດ້ວຍບັນຍາກາດຟົດຟື້ນ ແລະ ເບິກບານມ່ວນຊື່ນ.
ໂດຍ: ສຸກສະໄໝ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
