POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 14 ກໍລະກົດ 2026

ປະກາດປັບປຸງການຈັດຕັ້ງ ພະນັກງານຂັ້ນ ນຳພາ-ບັນຊາ ຢູ່ກອງຮ້ອຍທະຫານຊາຍແດນ 312 ແຂວງຄຳມ່ວນ
ເວລາອອກຂ່າວ: 2026-06-17 09:00:54 | ຜູ້ຂຽນ : admin1 | ຈຳນວນຄົນເຂົ້າຊົມ: 183 | ຄວາມນິຍົມ:

ວັນທີ 11 ມິຖຸນາ 2026, ຢູ່ທີ່ ກອງຮ້ອຍທະຫານຊາຍແດນ 312 ກອງບັນຊາການທະຫານແຂວງຄຳມ່ວນ ໄດ້ປະກາດປັບປຸງການຈັດຕັ້ງ ພະນັກງານຂັ້ນ ນຳພາ-ບັນຊາ, ໂດຍການເປັນປະທານຂອງ ສະຫາຍ ພັນເອກ ສຸກກະສັນ ພຸດທະວົງ ຫົວໜ້າຫ້ອງເຕັກນິກ ກອງບັນຊາການທະຫານແຂວງຄຳມ່ວນ, ຄະນະພັກ-ຄະນະບັນຊາ ພະແນກການທີ່ກ່ຽວຂ້ອງ ພ້ອມດ້ວຍພະນັກງານ-ນັກ ຮົບ ເຂົ້າຮ່ວມ. ສະຫາຍ ພັນໂທ ເຂືອງຄຳ ສີດາຄຳ ຫົວໜ້າພະແນກພະນັກງານ ກອງບັນຊາການທະຫານແຂວງຄຳມ່ວນ ໄດ້ຜ່ານຂໍ້ຕົກລົງຂອງກອງບັນຊາການທະ ຫານແຂວງຄຳມ່ວນ ວ່າດ້ວຍການປັບປຸງການຈັດຕັ້ງທີ່ມີການປ່ຽນແປງຢູ່ ກອງຮ້ອຍທະຫານຊາຍແດນ 312, ອີງຕາມກົດໝາຍນາຍທະຫານກອງທັບປະ ຊາຊົນລາວ (ສະບັບປັບປຸງ) ວ່າດ້ວຍການແຕ່ງຕັ້ງ ແລະ ຍົກຍ້າຍນາຍທະຫານ ກອງບັນຊາການທະຫານແຂວງຄຳມ່ວນ ຕົກລົງແຕ່ງຕັ້ງ ສະຫາຍ ພັນໂທ ພົມມາ ແກ້ວມະນີ ເປັນຫົວໜ້າການເມືອງກອງຮ້ອຍ; ຈາກນັ້ນ, ໄດ້ຜ່ານມະຕິຕົກລົງ ວ່າດ້ວຍການບົ່ງຕົວແຕ່ງຕັ້ງ ເລຂາໜ່ວຍພັກກອງຮ້ອຍທະຫານຊາຍແດນ 312, ອີງຕາມກົດລະບຽບພັກຜະຊາຊົນປະຕິວັດລາວ ສະໄໝທີ XI ວ່າດ້ວຍການບົ່ງຕົວແຕ່ງຕັ້ງ ແລະ ຍົກຍ້າຍ; ການສິ້ນສຸດເປັນກຳມະການຄະນະພັກ ຕົກລົງແຕ່ງຕັ້ງ ສະຫາຍ ພັນໂທ ພົມມາ ແກ້ວມະນີ ເປັນເລຂາໜ່ວຍພັກ ກອງຮ້ອຍທະຫານຊາຍແດນ 312. ສະຫາຍ ພັນເອກ ສຸກກະສັນ ພຸດທະວົງ ໄດ້ຮຽກຮ້ອງມາຍັງຜູ້ ທີ່ໄດ້ຮັບໜ້າທີ່ໃໝ່ ຈົ່ງພ້ອມກັນເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບມອບໝາຍ, ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ນາຍ ແລະ ພົນທະຫານໃຫ້ເປັນປົກກະຕິ, ຕໍ່ເນື່ອງ ແລະ ເປັນປະຈຳ ເພື່ອເຮັດໃຫ້ພະນັກງານ-ນັກຮົບມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີແບບແຜນວິທີເຮັດວຽກທີ່ທັນສະໄໝ, ມີຄວາມສາມັກຄີ ແລະ ເປັນເອກະພາບພາຍໃນກົມກອງ, ເຊື່ອມຊຶມຕໍ່ແນວທາງນະໂຍບາຍຂອງພັກ, ກົດໝາຍຂອງລັດ, ເພີ່ມທະວີການຄົ້ນຄວ້າ ປັບປຸງແບບແຜນວິທີເຮັດວຽກໃຫ້ສອດຄ່ອງກັບສະ ພາບຕົວຈິງຂອງກົມກອງ, ເອົາໃຈໃສ່ປົກປັກຮັກສາເຂດຫຼັກໝາຍຊາຍແດນ ໃຫ້ມີຄວາມສະຫງົບປອດໄພ ແລະ ສ້າງຄວາມສາມັກຄີລະຫວ່າງຊາຍແດນ ລາວ-ຫວຽດນາມ ໃຫ້ແໜ້ນແຟ້ນຍິ່ງໆຂຶ້ນ. ໂດຍ: ຈັນທະວີສຸກ ພົງເຂັມທອງ

news to day and hot news