ວັນອັງຄານ, ວັນທີ 14 ກໍລະກົດ 2026
ຍົກລະດັບຄວາມຮູ້ຄວາມສາມາດ ການນຳສົ່ງກຳລັງທາງອາກາດ ເຂົ້າຕີເປົ້າໝາຍ
ເວລາອອກຂ່າວ: 2026-06-17 09:07:51 | ຜູ້ຂຽນ : admin1 | ຈຳນວນຄົນເຂົ້າຊົມ: 168 | ຄວາມນິຍົມ: 
ການນຳສົ່ງກຳລັງພົນທາງອາກາດ ເພື່ອເຂົ້າບຸກຕີກຳລັງຜູ້ບໍ່ຫວັງດີ ແລະ ກຸ່ມກໍ່ການຮ້າຍຕ່າງໆ ທີ່ເຂົ້າມາຍຶດຕັ້ງຄ້າຍ ໃນຂອບເຂດຮັບຜິດຊອບຕາມຊາຍແດນ, ຕົວເມືອງ ກໍເປັນໜ້າທີ່ໜຶ່ງ ທີ່ສຳຄັນຂອງກອງທັບ ເພື່ອສ້າງທ່າໄດ້ປຽບ ແລະ ຄວາມໄວໃນ ການເຂົ້າບຸກຕີ, ຍຶດພື້ນທີ່ຈຸດໄດ້ ປຽບ. ດັ່ງນັ້ນ, ໃນການຫັດແອບ ເຝິກຊ້ອມຮົບຮ່ວມຕີພິເສດ “ໃຕ້ ຝຸ່ນ” ແລະ ຊ້ອມຮົບຮ່ວມລາວ- ຣັດເຊຍ “ລາໂຣດສ໌ 2026” ນາຍ ແລະ ພົນທະຫານກອງທັບ ປະຊາຊົນລາວ ກໍໄດ້ຮັບການອົບ ຮົມ-ຫັດແອບການນຳສົ່ງກຳລັງທາງອາກາດເຂົ້າຕີເປົ້າໝາຍ ເພື່ອສ້າງໃຫ້ນາຍ ແລະ ພົນທະຫານໃນກອງທັບ ມີຄວາມຮູ້ຄວາມສາມາດ, ຊຳນິຊຳນານໃນການນຳໃຊ້ພາຫະນະອາວຸດ ແລະ ຍຸດ ທະວິທີ ການໂດດຈ້ອງ, ການ ໂຢດພົນທາງອາກາດ ດ້ວຍເຮືອ ບິນຂຶ້ນຊື່ Mi 17.
ໃນການຫັດແອບ, ນາຍ ແລະ ພົນທະຫານ ກອງທັບປະຊາຊົນລາວ ໄດ້ຮຽນຮູ້ຂັ້ນຕອນການນຳ ໃຊ້ຈ້ອງ, ຂັ້ນຕອນ, ວິທີການໂດດ ຈ້ອງ ແລະ ໂຢດພົນລົງສູ່ຈຸດເປົ້າ ໝາຍດ້ວຍເຮືອບິນ, ກຳໄດ້ບາດ ກ້າວຂັ້ນຕອນໃນຄະນະທີ່ເຮືອບິນ ບິນໃນລະດັບສູງ ແລະ ລະດັບຕ່ຳ ເພື່ອເຂົ້າບຸກຕີເປົ້າໝາຍ, ເສີມກຳລັງດ້ວຍຄວາມວ່ອງໄວ ແລະ ຊຳນິຊຳນານ ໃນການນຳໃຊ້ອຸ ປະກອນ, ຍຸດທະວິທີ ເຊິ່ງຖືເປັນສ່ວນສຳຄັນ ໃນການວາງແຜນສູ້ຮົບ ຊ່ວຍໜູນດ້ານຕ່າງໆ ທີ່ເຂົ້າເຮັດໜ້າທີ່ສູ້ຮົບ ເພື່ອປັດເຂ່ຍກຸ່ມຄົນບໍ່ຫວັງດີ, ກຳລັງຜູ້ກໍ່ການຮ້າຍ ດ້ວຍການຂົນສົ່ງທາງອາກາດ. ການຫັດແອບຊ້ອມຮົບ ຕີພິເສດ “ໃຕ້ຝຸ່ນ” ແລະ ຊ້ອມຮົບຮ່ວມລາວ-ຣັດເຊຍ “ລາໂຣດສ໌ 2026” ໃນຄັ້ງນີ້ ກອງທັບປະຊາ ຊົນລາວ ຍັງໄດ້ຮັບການຖ່າຍທອດບົດຮຽນອັນສຳຄັນ ຈາກຄູເຝິກ ແລະ ຊ່ຽວຊານຈາກກອງ ທັບສະຫະພັນຣັດເຊຍ ໃນການນຳໃຊ້ໂດຣນເຂົ້າໃນການສອດແນມ, ການລາດຕະເວນ ລວມເຖິງການສູ້ຮົບ. ນອກນີ້, ຍັງໄດ້ຮັບການຖ່າຍຖອດການນຳໃຊ້ເຄື່ອງກວດ ຈັບໂດຣນ, ຕໍ່ຕ້ານສະກັດກັ້ນໂດຣນ ເພື່ອສ້າງຂີດຄວາມສາ ມາດ ໃຫ້ກອງທັບປະຊາຊົນລາວ ໃນການນຳເຮືອບິນໄຮ້ຄົນຂັບ (ໂດຣນ) ເຂົ້າໃນວຽກງານຂອງ ກອງທັບ, ເຊິ່ງເປັນການເສີມ ສ້າງຂີດຄວາມສາມາດ ແລະ ປະ ສິດທິພາບ ຂອງກອງທັບ ໃຫ້ນັບມື້ສູງຂຶ້ນ.
ໂດຍ: ພຸດທະພອນ ລັດດານາວ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
