POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 07 ສິງຫາ 2026

ກອງພັນໃຫຍ່ຕີພິເສດ 497 ເປີດອົບຮົມກວດສອບເລຂາ-ຮອງເລຂາ ໜ່ວຍພັກ ຄັ້ງທີ III
ເວລາອອກຂ່າວ: 2026-07-10 09:07:51 | ຜູ້ຂຽນ : admin1 | ຈຳນວນຄົນເຂົ້າຊົມ: 166 | ຄວາມນິຍົມ:

ໃນວັນທີ 1 ມີຖຸນາ 2026 ທີ່ຜ່ານມາ, ຄະນະພັກ ກອງພັນໃຫຍ່ຕີພິເສດ 497 ໄດ້ເປີດເຝີກອົບຮົມກວດສອບເລຂາ-ຮອງເລຂາ ໜ່ວຍພັກ ຄັ້ງທີ III, ໂດຍການເປັນປະທານ ຂອງສະຫາຍ ພັນເອກ ພອນໄຊ ບໍລະດົມ ເລຂາຄະນະພັກ ຫົວໜ້າການເມືອງ ກອງພັນໃຫຍ່ 497, ມີສະຫາຍ ພັນເອກ ບຸນຍົງ ພົມມາລາ ຮອງຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ, ມີບັນດາສະຫາຍຄະນະຮັບຜິດຊອບເຝີກອົບຮົມ, ບັນດາສະຫາຍເລຂາ, ຮອງເລຂາ, ກຳມະການຄະນະພັກຮາກຖານ, ໜ່ວຍພັກທີ່ເຂົ້າເຝີກອົບຮົມເຂົ້າຮ່ວມ. ສະຫາຍ ພັນເອກ ບຸນຍົງ ພົມມາລາ ຮອງຫົວໜ້າກົມຈັດຕັ້ງພັກ; ໄດ້ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການອະນຸມັດ ການເປີດເຝີກອົບຮົມກວດສອບເລຂາຮອງເລຂາຮາກຖານພັກ ຢູ່ຄະນະພັກ ກອງພັນໃຫຍ່ 497 ວ່າດ້ວຍການຈັດຕັ້ງເຝີກອົບຮົມ ແລະ ກວດສອບເລຂາ, ຮອງເລຂາ ຮາກຖານພັກໃນທົ່ວກອງທັບ ເພື່ອເຮັດໃຫ້ການເຝິກອົບຮົມກວດສອບເລຂາ, ຮອງເລຂາພັກຮາກຖານພັກ ດຳເນີນໄປຕາມແຜນການ ແລະ ໄດ້ຮັບຜົນດີ. ຈາກນັ້ນ, ສະຫາຍ ພັນໂທ ບຸນທອນ ໝື່ນແກ້ວ ກຳມະການຄະນະພັກ ຮອງຫົວໜ້າພະ ແນກການເມືອງ ກອງພັນໃຫຍ່ 497 ກໍ່ໄດ້ຂຶ້ນຜ່ານແຜນການເຝີກອົບຮົມ, ຜ່ານມະຕິຕົກລົງຂອງຄະນະພັກ ກອງພັນໃຫຍ່ຕີພິເສດ 497 ພ້ອມທັງແຈ້ງລາຍຊື່ອະນຸກຳມະການກວດສອບ, ນັກກວດສອບແຕ່ລະໜ່ວຍ ແລະ ສະຖານທີ່ຄົ້ນຄວ້າກວດສອບ ເຊິ່ງເປົ້າໝາຍທີ່ເຂົ້າຮ່ວມເຝີກອົບຮົມໃນຄັ້ງນີ້, ແມ່ນມີບັນດາສະຫາຍເລຂາ, ຮອງເລຂາ, ກຳມະການຄະນະພັກຮາກຖານ-ຄະນະໜ່ວຍພັກ ລວມມີອະນຸກຳມະ ການກວດສອບ 18 ສະຫາຍ ແລະ ນັກກວດສອບ 103 ສະຫາຍ, ຍິງ 02 ສະຫາຍ, ແບ່ງອອກເປັນ 6 ຈຸຄົ້ນຄວ້າ. ສ່ວນເນື້ອໃນເອກະສານທີ່ນຳມາເຝີກອົບຮົມແບ່ງອອກເປັນ 02 ພາກ: ພາກທິດສະດີ ມີ 20 ຄຳຖາມ 20 ຄຳຕອບ ແລະ ພາກປະຕິບັດຕົວຈິງ ມີ 20 ຄຳຖາມ 20 ຄຳຕອບ. ຈຸດປະສົງ ຂອງການເຝີກອົບຮົມໃນຄັ້ງນີ້, ແມ່ນເພື່ອຍົກສູງລະດັບຄວາມສາມາດນຳພາຂອງການຈັດຕັ້ງຮາກຖານພັກ ໂດຍສະເພາະແມ່ນຖັນແຖວ ເລຂາ, ຮອງເລຂາໜ່ວຍພັກ ທົ່ວຄະນະພັກກອງພັນໃຫຍ່ ຕີພິເສດ 497 ແນໃສ່ປັບປຸງການຈັດຕັ້ງພັກຮາກຖານ ໃຫ້ໜັກແໜ້ນ, ເຂັ້ມແຂງ ສາມາດເສີມຂະຫຍາຍກຳລັງແຮງ, ຄວາມສາມາດສູ້ຮົບ ແລະ ເຮັດສຳເລັດໜ້າທີ່ການເມືອງໃນໄລຍະໃໝ່, ເປັນການຊຸກຍູ້, ປຸກລະດົມຂະບວນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃນທົ່ວ ຄະນະພັກ ກອງພັນໃຫຍ່ຕີພິເສດ 497 ໃຫ້ເປັນຂະບວນການຟົດຟື້ນ, ໂດຍຖືເອົາຄຸນນະພາບເປັນບັນຫາສຳຄັນ ຮັບປະກັນເຮັດໃຫ້ກົມກອງມີທ່ວງທ່າຂະຫຍາຍຕົວຂຶ້ນອີກດ້ວຍ. ໂດຍ: ເປິ້ນແສງຄຳມີ

news to day and hot news