ວັນອັງຄານ, ວັນທີ 18 ສິງຫາ 2026
ຫ້ອງການເມືອງກອງພົນທີ 4 ເລີ່ມລົງມື ສຸມໃສ່ການປັກດຳເຂົ້ານາປີໃຫ້ທ່ວງທັນກັບລະດູການ
ເວລາອອກຂ່າວ: 2026-07-17 08:58:59 | ຜູ້ຂຽນ : admin1 | ຈຳນວນຄົນເຂົ້າຊົມ: 241 | ຄວາມນິຍົມ: 
ໃນວັນທີ 6 ກໍລະກົດ 2026 ນີ້, ສະຫາຍ ພັນເອກ ຈັນທຸມມາ ນໍອາ ມາດ ຫົວໜ້າຫ້ອງການເມືອງກອງພົນທີ 4 ພ້ອມດ້ວຍ ຄະນະພັກ-ຄະນະຫ້ອງ, ຫົວໜ້າພະແນກ, ຮອງພະແນກ, ຕະຫຼອດຮອດພະນັກງານ-ນັກຮົບ ພາຍໃນ
ກົມກອງ ໄດ້ພ້ອມກັນເລີ່ມຕົ້ນລົງມື ສຸມໃສ່ການປັກດຳເຂົ້ານາປີ 2026 ໃຫ້ທ່ວງທັນກັບລະດູການ .
ສະຫາຍ ພັນເອກ ຈັນທຸມມາ ນໍອາມາດ ໄດ້ໃຫ້ທັດສະນະວ່າ: ກ່ອນອື່ນຕ້ອງສະແດງຄວາມຍ້ອງຍໍຊົມເຊີຍຕໍ່ພະນັກງານ-ນັກຮົບ ທົ່ວຫ້ອງການເມືອງທີ່ໄດ້ພ້ອມພຽງຮຽງໜ້າກັນ ໃນການສຸມໃສ່ຂະບວນການດັ່ງກ່າວຢ່າງເຕັມສ່ວນ ບົນພື້ນຖານຄວາມສາມັກຄີຢ່າງເປັນແກ່ນສານ. ຂະບວນການຜະລິດຜົນປັກດຳເຂົ້ານາປີ 2026 ນີ້, ຈະໃຫ້ໄດ້ຮັບໝາກຜົນສູງ ແມ່ນຮຽກຮ້ອງໃຫ້ ພະນັກງານ - ນັກຮົບ ທົ່ວຫ້ອງການເມືອງຕ້ອງພ້ອມໃຈກັນສຸມທຸກເຫື່ອແຮງ, ກຳລັງວັງຊາຂອງແຕ່ລະສະຫາຍ ໃຫ້ເຕັມສ່ວນ, ເອົາຈິງເອົາຈັງ, ບໍ່ວ່າຈະແດດ ຫຼື ຝົນເຮົາກໍ່ຕ້ອງກ້າວຂ້າມຜ່ານມາໄປໃຫ້ໄດ້, ທັງເຄື່ອນໄຫວໜ້າທີ່ວິຊາສະເພາະຂອງຕົນ ທີ່ຂັ້ນເທິ່ງມອບໝາຍໃຫ້ແລ້ວ ກໍ່ຕ້ອງສຸມໃສ່ການຜະລິດເຂົ້ານາປີໃຫ້ທ່ວງທັນກັບລະດູການເພື່ອພ້ອມກັນຍົກສູງ "ນ້ຳໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ" ຕາມທ່າແຮງບົ່ມຊ້ອນຂອງກົມກອງ ເຮັດໃຫ້ກົມກອງນັບມື້ມີຢູ່ມີກິນໂດຍບໍ່ອີງໃສ່ແຕ່ເບ້ຍລ້ຽງຂອງຂັ້ນເທິງຕອບສະໜອງໃຫ້ພຽງແຕ່ດ້ານດຽວ ເຮັດໃຫ້ກົມກອງນັບມື້ມີຢູ່ມີກິນຂຶ້ນໄປເລີຍໆ.
ຂ່າວ: ສາຍນ້ຳ ເຊຈຳພອນ
ພາບ: ພອນເທບ ຈອມມະນີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
