ວັນພຸດ, ວັນທີ 19 ສິງຫາ 2026
ສະເຫຼີມສະຫຼອງວັນປ່ຽນຊື່ “ກອງທັບປະຊາຊົນລາວ” ຄົບຮອບ 44 ປີ (16 ກໍລະກົດ 1982-16 ກໍລະກົດ 2026)
ເວລາອອກຂ່າວ: 2026-07-24 09:01:01 | ຜູ້ຂຽນ : admin1 | ຈຳນວນຄົນເຂົ້າຊົມ: 756 | ຄວາມນິຍົມ: 
ຈາກຄວາມມຸ່ງໝັ້ນໃນອະ ດີດ ສູ່ຄວາມທັນສະໄໝເພື່ອປະ ຊາຊົນ ຖ້າເວົ້າເຖິງ “ທະຫານລາວ” ເຮົາຄົງຈະນຶກເຖິງພາບຂອງອ້າຍນ້ອງນັກຮົບໃນຊຸດຂຽວ ກັບຜ້າໃບສີຂຽວ ທີ່ພ້ອມຈະຢູ່ຄຽງຂ້າງປະຊາຊົນໃນທຸກວິກິດ ບໍ່ວ່າຈະເປັນຍາມເກີດໄພພິບັດ, ຍາມພັດທະນາທ້ອງຖິ່ນ ຫຼື ຍາມປົກປັກຮັກສາຄວາມສະຫງົບສຸກຂອງບ້ານເມືອງ.
ແຕ່ຮູ້ບໍ່ວ່າ ວັນທີ 16 ກໍ ລະກົດນີ້ ມີຄວາມໝາຍທີ່ເລິກ ເຊິ່ງ ແລະ ເປັນກ້າວກະໂດດຄັ້ງ ສຳຄັນໃນປະຫວັດສາດຂອງກອງທັບລາວເຮົາ, ຍ້ອນຮອຍອະດີດ ເປັນຫຍັງຕ້ອງແມ່ນ 16 ກໍລະກົດ, ຫາກຍ້ອນເວລາກັບໄປໃນປີ 1982, ເຊິ່ງເປັນໄລຍະທີ່ປະເທດຊາດຂອງເຮົາ ພວມກ້າວເຂົ້າສູ່ຍຸກສະໄໝໃໝ່-ຍຸກແຫ່ງການປົກປັກຮັກສາ ແລະ ສ້າງ ສາພັດທະນາ. ເພື່ອໃຫ້ສອດຄ່ອງກັບໜ້າທີ່ການເມືອງໃນໄລຍະໃໝ່ ທີ່ບໍ່ແມ່ນພຽງແຕ່ການຕໍ່ສູ້ປົດປ່ອຍຄືແຕ່ກ່ອນ, ສະພາລັດ ຖະມົນຕີ ໃນເວລານັ້ນ ຈຶ່ງໄດ້ມີມະຕິປ່ຽນຊື່ຈາກ “ກອງທັບປົດ ປ່ອຍປະຊາຊົນລາວ” ມາເປັນ “ກອງທັບປະຊາຊົນລາວ” ຢ່າງ ເປັນທາງການ ໃນວັນທີ 16 ກໍ ລະກົດ 1982. ຄວາມໝາຍທີ່ຊັດເຈນໃນຊື່ໃໝ່: ຄຳວ່າ “ປະ ຊາຊົນລາວ” ທີ່ຖືກປັກປ່ຽນໃສ່ ນັ້ນ ບໍ່ແມ່ນພຽງແຕ່ຊື່ຮຽກເທົ່າ ນັ້ນ, ແຕ່ມັນຄືຄຳໝັ້ນສັນຍາວ່າ: “ກອງທັບນີ້ເກີດມາຈາກປະຊາ ຊົນ, ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນລາວທຸກໆຄົນ”.
44 ປີແຫ່ງການເຕີບໃຫຍ່ ຈາກກອງທັບຈັບປືນ ສູ່ກອງທັບທີ່ທັນສະໄໝ, ຕະຫຼອດໄລຍະ 44 ປີ (1982-2026), ກອງທັບປະຊາຊົນລາວ ບໍ່ເຄີຍຢຸດນິ້ງ. ຈາກກອງທັບທີ່ເລີ່ມຕົ້ນດ້ວຍຄວາມຂາດເຂີນໃນອະດີດ, ມາຮອດປັດຈຸບັນ ກອງທັບເຮົາໄດ້ຫັນປ່ຽນໄປສູ່ຄວາມທັນສະໄໝໃນຫຼາຍດ້ານ ເປັນຕົ້ນແມ່ນ ດ້ານບຸກຄະລາກອນທີ່ມີຄຸນນະພາບ ອ້າຍນ້ອງທະຫານຍຸກໃໝ່ ບໍ່ໄດ້ມີພຽງຄວາມກ້າຫານ, ແຕ່ຍັງໄດ້ຮັບການສຶກສາ, ເຝິກອົບຮົມດ້ານວິທະຍາສາດ-ເຕັກໂນໂລຊີ, ການທະຫານ ແລະ ພາສາຕ່າງປະເທດ ເພື່ອໃຫ້ກ້າວທັນກັບລະດັບສາກົນ; ເຄື່ອງມື ແລະ ເຕັກໂນໂລຊີ ການນຳໃຊ້ຍຸດໂທປະກອນທີ່ທັນສະໄໝຂຶ້ນ ເພື່ອເພີ່ມສະມັດຖະພາບໃນການປ້ອງກັນຊາດ ແລະ ຊ່ວຍເຫຼືອສັງຄົມ; ພາລະກິດເພື່ອມະນຸດສະທຳຂອງ ກອງທັບເຮົາຈະເຫັນພາບກອງ ທັບລາວໂດດເດັ່ນໃນເວທີສາກົນ ບໍ່ວ່າຈະເປັນການຮ່ວມມືກັບຕ່າງ ປະເທດໃນການກວດກູ້ລະເບີດ (UXO) ເພື່ອຄວາມປອດໄພຂອງປະຊາຊົນ ຫຼື ການສົ່ງກຳ ລັງພົນ ໄປຮ່ວມຊ່ວຍເຫຼືອດ້ານ ມະນຸດສະທຳຕ່າງໆ.
ບໍ່ວ່າຈະຍຸກໃໝ່ ຫຼື ຍຸກໃດ “ທະຫານ ກັບ ປະຊາຊົນ” ຄືຄົນ ຄອບຄົວດຽວກັນ ສິ່ງໜຶ່ງທີ່ບໍ່ ເຄີຍປ່ຽນແປງເລີຍຕະຫຼອດ 44 ປີ ທີ່ຜ່ານມາ ຄື “ຄວາມຜູກພັນອັນແໜ້ນແຟ້ນລະຫວ່າງກອງ ທັບກັບປະຊາຊົນ”, ຍາມມີເສິກແມ່ນປົກປັກຮັກສາຜືນແຜ່ນດິນ, ຍາມມີໄພ ບໍ່ວ່າຈະເປັນນໍ້າຖ້ວມ, ດິນເຈື່ອນ ຫຼື ວິກິດໃດໆ, ອ້າຍ ນ້ອງທະຫານຈະ ເປັນກຸ່ມທຳອິດທີ່ລຸຍນໍ້າ, ແບກເຄື່ອງ, ເຂົ້າໄປຊ່ວຍເຫຼືອ ແລະ ປອບໂຍນປະຊາຊົນໃນພື້ນທີ່ຫ່າງໄກສອກ ຫຼີກສະເໝ, ຍາມສະຫງົບແມ່ນຮ່ວມມືກັບປະຊາຊົນສ້າງສາພັດທະນາ, ປູກຝັງ-ລ້ຽງສັດ ແລະ ສ້າງເສດຖະກິດຮາກຖານໃຫ້ເຂັ້ມແຂງ.
ໃນໂອກາດອັນມີຄວາມໝາຍ ປະຫວັດສາດ ຄົບຮອບ 44 ປີ ແຫ່ງການປ່ຽນຊື່ມາເປັນ “ກອງ ທັບປະຊາຊົນລາວ” ນີ້, ພວກເຮົາໃນນາມປະຊາຊົນລາວທຸກ ເພດທຸກໄວ ທັງຄົນຮຸ້ນເກົ່າ ແລະ ໄວໜຸ່ມຮຸ້ນໃໝ່, ຂໍສົ່ງຄວາມເຄົາ ລົບ, ຄວາມຮັກແພງ ແລະ ຄຳຂອບໃຈຢ່າງສຸດຊຶ້ງ ມາຍັງອ້າຍ ນ້ອງນັກຮົບ, ນາຍ ແລະ ພົນ ທະຫານທຸກໆທ່ານ ທີ່ໄດ້ເສຍ ສະຫຼະຄວາມສຸກສ່ວນຕົວ ເພື່ອຄວາມສຸກສ່ວນລວມ ແລະ ຄວາມສະຫງົບຮົ່ມເຢັນຂອງປະ ເທດຊາດ” ຂໍອວຍພອນໃຫ້ກອງ ທັບປະຊາຊົນລາວເຕີບໃຫຍ່ຂະ ຫຍາຍຕົວ, ເຂັ້ມແຂງ ແລະ ທັນ ສະໄໝໝັ້ນຄົງທະນົງແກ່ນຢູ່ ຄຽງຂ້າງປະຊາຊົນລາວຕະຫຼອດໄປ.
ໂດຍ: ໄພລິນ ບຸນຍັງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
