ວັນສຸກ, ວັນທີ 07 ສິງຫາ 2026
ຫ້ອງເສນາທິການ ທະຫານແຂວງອຸດົມໄຊ ຈັດພິທີຮັບສະມາຊິກພັກໃໝ່
ເວລາອອກຂ່າວ: 2026-08-05 08:51:56 | ຜູ້ຂຽນ : admin1 | ຈຳນວນຄົນເຂົ້າຊົມ: 124 | ຄວາມນິຍົມ: 
ວັນທີ 28 ກໍລະກົດ 2026, ໜ່ວຍພັກຫ້ອງເສນາທິການ ກອງບັນຊາການທະຫານແຂວງອຸດົມໄຊ ໄດ້ຈັດພິທີ ຮັບສະມາຊິກພັກສະໄໝສຳຮອງຂຶ້ນເປັນສະມາຊິກພັກສົມບູນ ແລະ ຮັບມະຫາຊົນຜູ້ທີ່ກ້າວໜ້າເຂົ້າເປັນສະມາຊິກພັກສະໄໝສຳຮອງ, ໂດຍການເປັນປະທານຂອງ ສະຫາຍ ພັນເອກ ຄຳຜາຍ ໄຊປັນຍາ ກຳມະການຄະນະພັກກອງບັນຊາການ, ຫົວໜ້າຫ້ອງເສນາທິການ ກອງບັນຊາການທະຫານແຂວງອຸດົມ ໄຊ, ມີສະຫາຍ ພັນໂທ ບຸນທຳ ໄຊຍະຫຼວງ ກຳມະການຄະນະພັກກອງບັນຊາການ, ຮອງຫົວໜ້າຫ້ອງເສນາທິການກອງບັນຊາການທະຫານແຂວງອຸດົມໄຊ, ມີຄະນະພັກ-ຄະນະບັນຊາ ຕະຫຼອດຮອດ ພະນັກງານສະມາຊິກພັກສະໄໝສຳຮອງ-ສະມາຊິກພັກສົມບູນ ເຂົ້າຮ່ວມ.
ສະຫາຍ ພັນໂທ ຍວມມະນີ ແສນຄຳຮັກ ກຳມະການຄະນະໜ່ວຍພັກ ຫ້ອງເສນາທິການ ກອງບັນຊາການທະຫານແຂວງອຸດົມໄຊ ໄດ້ຜ່ານມະຕິຕົກລົງຂອງຄະນະປະຈຳພັກກອງບັນຊາການທະຫານແຂວງອຸດົມໄຊ ວ່າດ້ວຍການ ອະນຸມັດຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສະໄໝສຳຮອງ ແລະ ເລື່ອນສະມາຊິກພັກສະໄໝສຳຮອງຂຶ້ນເປັນສະມາຊິກພັກສົມບູນ; ອີງຕາມກົດລະບຽບຂອງພັກປະຊາຊົນປະຕິວັດລາວສະໄໝທີ XI ວ່າດ້ວຍການພິຈາລະນາເລື່ອນສະມາຊິກພັກສະໄໝສຳຮອງຂຶ້ນມາເປັນສະມາຊິກພັກສົມບູນ ຈຳນວນ 2 ສະຫາຍ ແລະ ຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສະໄໝສຳຮອງ ຈຳນວນ 6 ສະຫາຍ.
ສະຫາຍ ພັນເອກ ຄຳຜາຍ ໄຊປັນຍາ ໄດ້ເນັ້ນໜັກໃຫ້ ບັນດາສະມາຊິກພັກສະໄໝສຳຮອງ-ສະມາຊິກພັກສົມບູນ ໃໝ່ ຈົ່ງເຝິກຝົນຫຼໍ່ຫຼອມຕົນເອງ, ປະຕິບັດກົດລະບຽບຂອງພັກໃຫ້ເຂັ້ມງວດ, ຍົກສູງຄຸນທາດການເມືອງ, ຄຸນສົມບັດສິນທຳປະຕິວັດ, ເພີ່ມທະວີຄວາມສາມັກຄີໃຫ້ແໜ້ນແຟ້ນ, ພ້ອມກັນເຮັດສຳເລັດໜ້າທີ່ ທີ່ພັກ-ລັດຂັ້ນເທິງມອບໝາຍໃຫ້.
ໂດຍ: ນາງ ວິໄລພອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
