POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 19 ສິງຫາ 2026

ດ້ຽນບຽນ ກຳນົດຕົ້ນກາເຟມູນຄ່າສູງ ມຸ່ງໄປເຖິງ ການສ້າງກາໝາຍສິນຄ້າ ແລະ ສົ່ງອອກທົ່ວໂລກ
ເວລາອອກຂ່າວ: 2026-08-05 09:24:35 | ຜູ້ຂຽນ : admin3 | ຈຳນວນຄົນເຂົ້າຊົມ: 174 | ຄວາມນິຍົມ:

ຕາມແຫຼ່ງຂ່າວ ຫວຽດ ນາມ (VOVWORLD), ດ້ຽນບຽນ ມີເງື່ອນໄຂທຳມະຊາດທີ່ເອື້ອອຳນວຍເພື່ອພັດທະນາຕົ້ນກາເຟ ອະຣາບີກາ (Arabica). ພືດອຸດສາຫະກຳຊະນິດນີ້ ປະກອບສ່ວນສຳຄັນຕໍ່ການພັດທະນາເສດຖະກິດກະສິກຳ, ຍົກສູງລາຍຮັບໃຫ້ແກ່ປະຊາຊົນ, ພິເສດ ແມ່ນພໍ່ແມ່ປະຊາຊົນບັນດາເຜົ່າສ່ວນໜ້ອຍ. ບໍ່ພຽງແຕ່ຊ່ວຍພໍ່ແມ່ປະຊາຊົນບັນດາເຜົ່າສ່ວນໜ້ອຍຫຼຸດພົ້ນອອກຈາກຄວາມທຸກຍາກ, ຕົ້ນກາເຟ ພວມຢັ້ງຢືນຖານະບົດບາດເປັນຕົ້ນໄມ້ອຸດສາຫະກຳຫຼັກ ຂອງແຂວງ ດ້ຽນບຽນ ເທື່ອລະກ້າວ, ນຳມາເຊິ່ງມູນຄ່າເສດ ຖະກິດສູງເມື່ອທຽບໃສ່ຕົ້ນໄມ້ອຸດສາຫະກຳຫຼາຍຊະນິດ. ປັດຈຸບັນ, ແຂວງພວມມຸ່ງໄປເຖິງເປົ້າໝາຍກາຍເປັນໜຶ່ງໃນບັນດາເຂດປູກຕົ້ນກາເຟໃຫຍ່ຂອງ ຫວຽດນາມ, ພ້ອມທັງຍູ້ແຮງການສ້າງເຄື່ອງໝາຍການຄ້າທີ່ໝັ້ນແກ່ນ ມຸ່ງໄປເຖິງການສົ່ງອອກຕະຫຼາດສາກົນຈຸດສຸມ. ຕາມການສະຖິຕິຂອງແຂວງ ປີ 2025, ລາຄາກາເຟສະເລ່ຍໃນເນື້ອທີ່ 1 ເຮັກຕາ ແມ່ນປະມານ 300 ລ້ານດົ່ງ. ສິ່ງເປັນໜ້າເອົາໃຈໃສ່ນັ້ນແມ່ນ, ໃນ 1 ປີ, ສະມາຊິກສະຫະກອນ ຟາດິນ ຜູ້ໜຶ່ງ (ຕາແສງ ຕວນຢາວ) ສາມາດສ້າງລາຍຮັບໄດ້ເກືອບ 5 ຕື້ດົ່ງ (ປະມານ 190.255 ໂດລາ) ໃນເນື້ອທີ່ປູກກາເຟ 6-7 ເຮັກຕາ. ທ່ານ ຫງວຽນແອັງຫວຽດ ປະທານສະພາບໍລິຫານບໍລິສັດຫຸ້ນສ່ວນກາເຟ ຮົ່ງກີ ສາກົນ ໃຫ້ຮູ້ວ່າ:“ສ່ວນຫຼາຍແມ່ນພໍ່ແມ່ປະ ຊາຊົນເຜົ່າມົ້ງ ພວມປູກ ແລະ ບົວລະບັດຕົ້ນກາເຟ. ຢູ່ເຂດພື້ນທີ່ຕ່ຳຈຳນວນໜຶ່ງຊາວເຜົ່າຜູ້ໄທ ກໍພວມພັດທະນາຕົ້ນກາເຟ. ບໍລິສັດມຸ່ງໄປເຖິງຕົ້ນກາເຟທີ່ເປັນພະລິດຕະພັນພິເສດເປັນຕົ້ນ ແລະ ນັ້ນແມ່ນ ກາເຟ Arabica. ກາເຟຢູ່ທີ່ນີ້ ມີລະດັບສານສະກັດຕ່າງກັບກາເຟຢູ່ບ່ອນອື່ນ. ເຮົາຈະມຸ່ງໄປເຖິງການເຮັດແນວໃດເພື່ອໃຫ້ລົດຊາດກາເຟຂອງ ຕວັນຢາວ ມີຄວາມແຕກຕ່າງກັບກາເຟທີ່ປູກຢູ່ເຂດອື່ນໆ”. ກາເຟ Arabica ພວມພັດທະ ນາແບບລວມສູນຢູ່ບັນດາເຂດທີ່ມີດິນຟ້າອາກາດ ແລະ ດິນປູກຝັງທີ່ເໝາະສົມຄື: ເມື່ອງອ້າງ, ກວ່າຍເຕີ, ຕວັນຢາວ. ໃນນັ້ນ, ເມື່ອງອ໋າງ ໄດ້ຮັບການຢັ້ງຢືນຈົດທະບຽນບົ່ງຊີ້ທາງພູມສາດໃຫ້ຜະລິດຕະພັນກາເຟພິເສດ ດ້ຽນບຽນ. ໃນເມື່ອກ່ອນ, ສ່ວນຫຼາຍກາເຟໄດ້ນຳໄປຂາຍໃຫ້ບັນດາບໍລິສັດສົ່ງອອກຢູ່ນອກແຂວງ ພາຍໃຕ້ຮູບແບບກາເຟປຸງແຕ່ງເບື້ອງຕົ້ນ. ເຖິງຢ່າງໃດກໍຕາມ, ປັດຈຸບັນ, ບັນດາຮາກຖານພວມຫັນໄປສູ່ການປຸງແຕ່ງເລິກດ້ວຍຜະລິດຕະພັນກາເຟຫຼາຍຊະນິດທີ່ມີຫຼາຍຮູບຫຼາຍແບບ, ພ້ອມທັງລົງທຶນກໍ່ສ້າງເຄື່ອງໝາຍການຄ້າຍົກສູງມູນຄ່າກາເຟ. ມາຮອດປັດຈຸບັນ, ດ້ຽນບຽນ ມີຜະລິດຕະພັນກາເຟ 5 ຊະນິດໄດ້ຮັບໃບຢັ້ງຢືນວ່າ ໜຶ່ງຕາແສງ ໜຶ່ງຜະລິດຕະພັນ (OCOP). ທ່ານ ນາງ ເຈິ່ນທິທູຫ໋າຍ ບໍລິສັດ ຫ໋າຍອານ ຈຳກັດ, ຫົວໜ່ວຍທີ່ມີຜະລິດຕະພັນກາເຟເກືອ ໄດ້ຮັບໃບຢັ້ງຢືນ OCOP 3 ດາວ ໃຫ້ຮູ້ວ່າ:“ກາເຟ Arabica ມີລົດຊາດພິເສດແມ່ນສົ້ມ, ກົມກ່ອມນົວ, ຫວານ. ຜະລິດຕະພັນ ເພື່ອນຳເຂົ້າຕະຫຼາດຈຳໜ່າຍຂອງພວກຂ້າພະເຈົ້າແມ່ນ ກາເຟເມັດ ເພື່ອຊົງດ້ວຍເຄື່ອງຈັກ, ກາເຟຜົງຊົງດ້ວຍເຄື່ອງຕອງ ແລະ ກາເຟເກືອ ເພື່ອໃຫ້ລູກຄ້າສາມາດໄດ້ດື່ມຢູ່ກັບທີ່ ແລະ ຊື້ເປັນຂອງຕ້ອນ. ຕະຫຼາດຈຳໜ່າຍໃນປັດຈຸບັນຂອງພວກຂ້າພະເຈົ້າແມ່ນຢູ່ໃນແຂວງ ແລະ ນອກແຂວງ ຄື: ຮ່າໂນ້ຍ, ກວ໋າງຫງາຍ ຫຼື ໄຊງ່ອນ, ຝູກວັກ”. ການພັດທະນາຫຼັງຈາກ ໄຕຫງວຽນ, ເຊີນລາ, ດ້ຽນບຽນ ໄດ້ກຳນົດພັດທະນາກາເຟ ເປັນພືດຫຼັກເທື່ອລະກ້າວ ແຕ່ໝັ້ນຄົງ. ນັບແຕ່ຕົ້ນປີມາຮອດປັດຈຸບັນ, ດ້ຽນບຽນ ໄດ້ປູກໃໝ່ຕົ້ນກາເຟໃນເນື້ອທີ່ກວ່າ 607 ເຮັກຕາ ແລະ ພວມມຸ່ງໄປເຖິງປີ 2030 ຈະປູກໃນເນື້ອທີກວ່າ 20.000 ເຮັກຕາ. ເປົ້າໝາຍແມ່ນເພື່ອໃຫ້ກາຍເປັນແຂວງທີ່ມີເນື້ອທີ່ປູກກາເຟໃຫຍ່ລະດັບປະເທດ ຫວຽດນາມ. ແຂວງດ້ຽນບຽນ ພວມພັດທະນາເສດຖະກິດກະສິກຳ “ສີຂຽວ, ອັດສະລິຍະ, ຍືນຍົງ” ດ້ວຍບັນດາຄຳໝັ້ນສັນຍາສາກົນມຸ່ງໄປເຖິງການສົ່ງອອກກາເຟເປັນປົກກະຕິ. ຕົ້ນກາເຟ ຈະໄດ້ຮັບການຄວບຄຸມຢ່າງເຄັ່ງຄັດ ນັບແຕ່ການຄັດເລືອກແນວພັນ ຕະຫຼອດຮອດການຕິດລະຫັດ ຄິວອາ QR ເຂດປູກເພື່ອຄວາມໂປ່ງໃສນັບແຕ່ການໂຄສະນາ ຕະ ຫຼອດຮອດການສົ່ງອອກສູ່ໂລກ. ທ່ານ ນາງ ລໍ່ຫ໋າຍຢິງ ຮອງຫົວໜ້າກົມກະສິກຳສາຂາແຂວງ ດ້ຽນບຽນ ໃຫ້ຮູ້ວ່າ:“ທາງແຂວງກໍສຸມໃສ່ພັດທະນາບັນດາລະບົບເຊື່ອມຕໍ່ລະຫວ່າງປະຊາຊົນ, ສະຫະກອນ ແລະ ວິສາຫະກິດ. ພ້ອມທັງເພີ່ມທະວີການໝູນໃຊ້ບັນດາມາດຕະຖານຜະລິດແບບຍືນຍົງ, ປະຕິບັດການຄົ້ນຫາຕົ້ນກຳເນີດ, ຕອບສະໜອງຄຳຮຽກຮ້ອງຂອງບັນດາຕະຫຼາດສົ່ງອອກ, ພິເສດແມ່ນບັນດາຂໍ້ກຳນົດໃໝ່ຂອງສະຫະພາບ ເອີຣົບ ກ່ຽວກັບການຕ້ານການທຳລາຍປ່າ (ENDR). ໄປຄຽງຄູ່ກັນນັ້ນ, ທາງແຂວງຈະສືບຕໍ່ດຶງດູດວິສາຫະກິດລົງທຶນເຂົ້າໃນການປຸງແຕ່ງທາງເລິກ, ສ້າງລະບົບເຊື່ອມຕໍ່ນັບແຕ່ການຜະລິດ ເຖິງການຈຳໜ່າຍ, ພັດທະນາເຄື່ອງໝາຍກາເຟ ດ້ຽນບຽນ ຕິດພັນກັບການບົ່ງຊີ້ທາງພູມສາດ ແລະ ສົ່ງເສີມການຄ້າຢູ່ພາຍໃນປະເທດ ແລະ ສາກົນ”. ການກຳນົດທິດທາງທີ່ຖືກ ຕ້ອງ ແລະ ຍຸດທະສາດທີ່ມີແບບມີແຜນ ບໍ່ພຽງແຕ່ຊ່ວຍແຂວງດ້ຽນບຽນ ຍົກສູງມູນຄ່າຕົ້ນປູກທີ່ເປັນຕົ້ນຕໍເທົ່ານັ້ນ ຫາກຍັງຄ່ອຍໆຢັ້ງຢືນເຄື່ອງໝາຍກາເຟ ດ້ຽນບຽນ ໃນແຜນທີ່ກາເຟພາຍໃນປະເທດຫວຽດນາມ ແລະ ສູ່ສາຍຕາສາກົນ ອີກດ້ວຍ.

news to day and hot news