POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 10 ກັນຍາ 2026

ໂຮງຮຽນເຫຼົ່າຮົບກົດລັບ 307 ສຸມໃສ່ສ້າງນາຍທະຫານກົດລັບ ໃຫ້ມີຄຸນນະພາບ
ເວລາອອກຂ່າວ: 2026-08-07 09:14:12 | ຜູ້ຂຽນ : admin1 | ຈຳນວນຄົນເຂົ້າຊົມ: 205 | ຄວາມນິຍົມ:

ສະຫາຍ ພັນເອກ ບຸນສະຫຼອງ ວິໄລຫານ ຫົວໜ້າການທະຫານ ໂຮງຮຽນເຫຼົ່າຮົບກົດລັບ 307 ໃຫ້ຮູ້ວ່າ: ໂຮງຮຽນເຫຼົ່າຮົບກົດ ລັບ 307 ແມ່ນຫົວໜ່ວຍການ ຈັດຕັ້ງໜຶ່ງໃນບັນດາໂຮງຮຽນເຫຼົ່າຮົບ ທີ່ນອນຢູ່ໃນໂຄງປະກອບກອງທັບປະຊາຊົນລາວ, ພາຍໃຕ້ການຊີ້ນຳ-ບັນຊາໂດຍກົງ ແລະ ຮອບດ້ານຂອງ ກົມໃຫຍ່ເສນາທິການກອງທັບ, ເຮັດໜ້າທີ່ກໍ່ສ້າງນາຍທະຫານວິຊາສະເພາະເຕັກ ນິກກົດລັບໃນລະບົບກໍ່ສ້າງຊັ້ນກາງ ລະບົບ 2 ປີ, ກໍ່ສ້າງເລັ່ງລັດຊັ້ນກາງລະບົບ 1 ປີ ແລະ ກໍ່ສ້າງຊັ້ນຕົ້ນລະບົບ 1 ປີເພື່ອສະໜອງໃຫ້ກຳລັງຫຼວງ-ກຳລັງທ້ອງຖິ່ນ ແລະ ກຳລັງປ້ອງກັນຄວາມສະ ຫງົບ. ເວົ້າສະເພາະໃນສົກຮຽນ 2025-2026 ນີ້, ການຈັດຕັ້ງປະ ຕິບັດວຽກງານການຮຽນ-ການ ສອນຂອງໂຮງຮຽນເຫຼົ່າຮົບກົດລັບ 307 ແມ່ນມີຜົນສຳເລັດໃນ ການກໍ່ສ້າງນັກຮຽນເຕັກນິກກົດ ລັບລະບົບຊັ້ນກາງ ຊຸດທີ 9, ນັກຮຽນກໍ່ສ້າງເລັ່ງລັດເຕັກນິກກົດລັບລະບົບຊັ້ນກາງ ຊຸດທີ 6 ແລະ ນັກຮຽນກໍ່ສ້າງເຕັກນິກກົດລັບລະບົບຊັ້ນຕົ້ນຊຸດທີ 27 ອັນເນື່ອງມາຈາກ ຄະນະພັກ-ຄະນະອຳນວຍການໂຮງຮຽນເຫຼົ່າຮົບ 307 ຂອງພວກເຮົາໄດ້ຮັບການຊີ້ນຳຢ່າງໃກ້ຊິດຕິດແທດຈາກຄະນະພັກຂັ້ນເທິງຢ່າງເປັນປົກກະຕິ, ມີການຈັດຕັ້ງນຳພາ-ບັນຊາເປັນລະບົບຄົບຊຸດ, ມີພື້ນ ຖານໂຄງລ່າງ, ງົບປະມານການເງິນ, ພາຫະນະວັດຖຸຈຳນວນໜຶ່ງ ສາມາດຮັບປະກັນເຮັດໃຫ້ການດຳເນີນໂຄງການຫຼັກສູດການຮຽນ-ການສອນສຳເລັດຕາມແຜນການ. ສຳລັບຫຼັກສູດການກໍ່ສ້າງນັກ ຮຽນເຕັກນິກກົດລັບລະບົບຊັ້ນກາງ ຊຸດທີ 9 ຈຳນວນ 50 ສະ ຫາຍ ກຳນົດເວລາ 2 ປີ ເທົ່າກັບ 730 ວັນ 5.110 ຊົ່ວໂມງ ເວລາຮຽນຕົວຈິງ 430 ວັນ ເທົ່າກັບ 3.010 ຊົ່ວໂມງ ຜົນໄດ້ຮັບໃນການຮ່ຳຮຽນປະເພດດີເລີດມີ 1 ສະຫາຍ ເທົ່າກັບ 2.00%, ດີຫຼາຍ 46 ສະຫາຍ ເທົ່າກັບ 92.00%, ດີ 3 ສະຫາຍ ເທົ່າກັບ 6.00%; ສຳລັບຫຼັກສູດກໍ່ສ້າງ ນັກຮຽນເລັ່ງລັດເຕັກນິກກົດລັບລະບົບຊັ້ນກາງ ຊຸດທີ 6 ຈຳນວນ 49 ສະຫາຍ ກຳນົດເວລາຮຽນໄລຍະ 1 ປີ ມີ 365 ວັນ ເທົ່າກັບ 2.555 ຊົ່ວໂມງ ວັນເວລາຮຽນ ຕົວຈິງ 205 ວັນ ເທົ່າກັບ 1.435 ຊົ່ວໂມງ ຜົນໄດ້ຮັບໃນການຮ່ຳ ຮຽນປະເພດດີເລີດ 2 ສະຫາຍ ເທົ່າກັບ 4.08%, ດີຫຼາຍ 43 ສະຫາຍ ເທົ່າກັບ 87.76%, ດີ 4 ສະຫາຍ ເທົ່າກັບ 8.16% ແລະ ສຳລັບຫຼັກສູດການກໍ່ສ້າງນັກ ຮຽນເຕັກນິກກົດລັບລະບົບຊັ້ນຕົ້ນ ຊຸດທີ 27 ມີຈຳນວນ 40 ສະຫາຍ ກຳນົດເວລາຮຽນ 1 ປີ ມີ 365 ວັນ ເທົ່າກັບ 2.555 ຊົ່ວໂມງ ວັນເວລາຮຽນຕົວຈິງ 205 ວັນ ເທົ່າກັບ 1.435 ຊົ່ວໂມງ ຜົນໄດ້ຮັບໃນການຈຮຽນປະເພດ ດີຫຼາຍມີ 21 ສະຫາຍ ເທົ່າກັບ 52.50%, ດີ 19 ສະຫາຍ ເທົ່າກັບ 47.50%. ສະຫາຍ ພັນເອກ ບຸນສະຫຼອງ ວິໄລຫານ ຍັງໄດ້ກ່າວຕື່ມອີກວ່າ: ຈາກຜົນສຳເລັດໃນການກໍ່ສ້າງນາຍທະຫານກົດລັບຊັ້ນກາງ ແລະ ຊັ້ນຕົ້ນ ທີ່ກ່າວມານັ້ນ, ກໍຍ້ອນໄດ້ຮັບການຊີ້ນຳຢ່າງໃກ້ຊິດຈາກກົມກົດລັບ ກົມໃຫຍ່ເສນາທິການກອງທັບ ບວກກັບຄະນະພັກ-ຄະນະອຳນວຍການ ແລະ ຄະນະບັນຊາທຸກຂັ້ນ ຈຶ່ງເຮັດໃຫ້ການກໍ່ສ້າງນາຍທະຫານກົດລັບອອກຮັບໃຊ້ກຳລັງຫຼວງ-ກຳ ລັງທ້ອງຖິ່ນ ແລະ ກຳລັງປ້ອງກັນ ຄວາມສະຫງົບ ມີຄຸນນະພາບ; ສະເພາະໃນສົກຮຽນຕໍ່ໜ້າແມ່ນຈະສືບຕໍ່ເຮັດວຽກງານສຶກສາອົບຮົມການເມືອງ-ນຳພາແນວຄິດໃຫ້ພະນັກງານ, ຄູ-ອາຈານ, ນັກຮຽນຢ່າງຕໍ່ເນື່ອງ ແລະ ຊີ້ນຳຄູ-ອາຈານ ໃນການຄົ້ນຄວ້າ, ຍົກສູງວຽກງານວິຊາສະເພາະຂອງຕົນໃນການແຕ່ງບົດສອນເພື່ອຖ່າຍທອດຄວາມຮູ້ໃຫ້ນັກຮຽນ, ສ່ວນນັກຮຽນກໍຕ້ອງຕັ້ງໃຈນຳເອົາຄວາມຮູ້, ຄວາມສາມາດທີ່ ຄູ-ອາຈານສິດສອນໃຫ້ເພື່ອໄປ ໝູນໃຊ້ເຂົ້າໃນໜ້າທີ່ວຽກງານວິຊາສະເພາະກົດລັບໃຫ້ມີບາດ ກ້າວອັນໃໝ່ ແລະ ມີຄວາມຮັບປະ ກັນປິດລັບ. ໂດຍ: ວັນໄຊ ໄຊສະຫວັດ

news to day and hot news