ວັນເສົາ, ວັນທີ 12 ກັນຍາ 2026
ປະກາດການເລື່ອນຊັ້ນ ແລະ ຍ້ອງຍໍຜົນງານ 5 ປີ ຢູ່ສາງ ອ 5
ເວລາອອກຂ່າວ: 2026-08-17 08:41:28 | ຜູ້ຂຽນ : admin1 | ຈຳນວນຄົນເຂົ້າຊົມ: 116 | ຄວາມນິຍົມ: 
ພິທີປະກາດການເລື່ອນຊັ້ນ ແລະ ຍ້ອງຍໍຜົນງານ 5 ປີ ໃຫ້ພະນັກງານ-ນັກຮົບຢູ່ສາງ ອ5 ທີ່ຂຶ້ນກັບກົມໃຫຍ່ເຕັກນິກກອງທັບ ໄດ້ຈັດຂຶ້ນໃນບໍ່ດົນຜ່ານມານີ້, ໂດຍການເປັນປະທານຂອງສະຫາຍ ພັນເອກ ວຽງທອງ ພັດທະສິດ ຫົວໜ້າຫ້ອງການເມືອງ ກົມໃຫຍ່ເຕັກນິກກອງທັບ, ມີຄະນະພັກ-ຄະນະບັນຊາ ຕະຫຼອດຮອດ ພະນັກງານ-ນັກຮົບ ທົ່ວສາງ ອ5 ເຂົ້າຮ່ວມ.
ສະຫາຍ ພັນໂທ ພອນ ຄຳຮຸ່ງ ຫົວໜ້າພະແນກນະໂຍບາຍ ຫ້ອງການເມືອງ ກົມໃຫຍ່ເຕັກນິກກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການເລື່ອນຊັ້ນໃຫ້ນາຍທະຫານ ຢູ່ສາງ ອ 5 ຈຳນວນ 6 ສະຫາຍ ໃນນີ້, ເລື່ອນຊັ້ນ ຮ້ອຍເອກ ຂຶ້ນ ພັນຕີ 2 ສະຫາຍ, ເລື່ອນຊັ້ນ ຮ້ອຍຕີ ຂຶ້ນຮ້ອຍໂທ 3 ສະຫາຍ ແລະ ເລື່ອນຊັ້ນ ວາທີ ຂຶ້ນຮ້ອຍຕີ 1 ສະຫາຍ. ພ້ອມກັນນີ້, ກໍໄດ້ຜ່ານລັດຖະດຳລັດຂອງນາຍົກລັດຖະ ມົນຕີ ວ່າດ້ວຍການປະດັບຫຼຽນກາແຮງງານໃຫ້ນາຍທະຫານທີ່ໄດ້ປະກອບສ່ວນເຫື່ອແຮງ, ສະຕິປັນຍາເຂົ້າໃນການປະຕິບັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບຕະຫຼອດໄລ ຍະ 5 ປີ ເນື່ອງໃນໂອກາດສະ ເຫຼີມສະຫຼອງວັນສ້າງຕັ້ງກອງ ທັບປະຊາຊົນລາວ ຄົບຮອບ 75 ປີ ຢູ່ສາງ ອ 5 ໃນນີ້, ປະດັບຫຼຽນກາແຮງງານ 45 ສະຫາຍ ແລະ ໃບຍ້ອງຍໍລັດຖະບານ 11 ສະຫາຍ.
ໂດຍ: ຫຼ້າ ສີແພງຫຼ້າ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
