POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 12 ກັນຍາ 2026

ວຽກງານກໍ່ສ້າງຮາກຖານການເມືອງ ແມ່ນກຸນແຈສຳຄັນ ເພື່ອພັດທະນາຊົນນະບົດ ໃຫ້ມີຄວາມຍືນຍົງ
ເວລາອອກຂ່າວ: 2026-08-17 08:45:33 | ຜູ້ຂຽນ : admin1 | ຈຳນວນຄົນເຂົ້າຊົມ: 113 | ຄວາມນິຍົມ:

ວຽກງານກໍ່ສ້າງຮາກຖານການເມືອງ ພັດທະນາຊົນລະບົດ ແມ່ນວຽກຍຸດທະສາດໜຶ່ງຂອງການພັດທະນາປະເທດຊາດ. ໃນໄລຍະຜ່ານມາ, ໂດຍໄດ້ຮັບການຊີ້ນຳ-ນຳພາຈາກຄະນະພັກ-ຄະນະບັນຊາກອງພົນທີ 5, ກອງພັນໃຫຍ່ 502 ໄດ້ຈັດຕັ້ງ ກຳລັງ ລົງກໍ່ສ້າງຮາກຖານການ ເມືອງພັດທະນາຊົນລະບົດຕາມມູນເຊື້ອຂອງກອງທັບ ໃນຂອບເຂດກົມກອງຮັບຜິດຊອບ ໂດຍມີພະນັກງານກໍ່ສ້າງຮາກຖານ 56 ສະຫາຍ ລົງໃນ 3 ເມືອງ, 1 ເຂດ, 17 ບ້ານ ໃນນີ້, ມີ 09 ບ້ານ ຂອງເມືອງປາກຊ່ອງ ແຂວງຈຳປາສັກ, 02 ບ້ານ ຂອງເມືອງເລົ່າງາມ ແຂວງສາລະວັນ ແລະ 06 ບ້ານ ຂອງເມືອງທ່າແຕງ ແຂວງເຊກອງ. ສະຫາຍ ພັນເອກ ເພັດລວງຄຳ ວິໄລທອນ ຫົວໜ້າການເມືອງ ກອງພັນໃຫຍ່ 502 ໃຫ້ຮູ້ວ່າ: ບົນພື້ນຖານການຈັດຕັ້ງປະຕິບັດຕາມ 4 ເນື້ອໃນ 4 ຄາດໝາຍ, ກົມກອງໄດ້ປະສານສົມທົບກັບອົງການປົກຄອງທ້ອງຖິ່ນ ຕິດຕາມກຳແໜ້ນ ສະພາບການເມືອງ-ແນວຄິດ, ຫາງສຽງສັງຄົມ ແລະ ບັນ ດາປະກົດການຫຍໍ້ທໍ້ຕ່າງໆ ຂອງພະນັກງານ-ນັກຮົບ ແລະ ພໍ່ແມ່ປະຊາຊົນ, ຈັດຕັ້ງເຜີຍແຜ່ເຊື່ອມຊຶມແນວທາງນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມແຫ່ງລັດ 5 ປີ ຄັ້ງທີ IX, ແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານຂອງພັກ, ເອກະສານ ການສ້າງບ້ານປ້ອງກັນຊາດເຂັ້ມແຂງ ແລະ ເອກະສານ ຕ້ານການຫັນປ່ຽນໂດຍສັນຕິ ຕິດພັນກັບລະບອບດຳເນີນຊີວິດປະຈຳເດືອນ, ປະຈຳໄຕມາດ ແລະ ປະ ຈຳປີ. ພ້ອມດຽວກັນນັ້ນ, ໄດ້ກຳ ສະພາບການເຄື່ອນໄຫວຂອງ ກຸ່ມຄົນບໍ່ຫວັງດີ ຢູ່ພາຍໃນ ແລະ ພາຍນອກ ທີ່ເຄື່ອນໄຫວຜິດຕໍ່ແນວທາງ ເພື່ອຊອກວິທີການແກ້ໄຂໃຫ້ທັນເວລາ; ຈັດຕັ້ງກຳລັງປ້ອງກັນເວນຍາມ ໃນໂອກາດກອງປະຊຸມຂັ້ນຕ່າງໆ, ງານບຸນປະເພນີ, ການນຳພັກ-ລັດ ທີ່ມາເຮັດວຽກ, ແຂກພາຍໃນ ແລະ ຕ່າງປະເທດ ທີ່ມາທ່ອງທ່ຽວໃຫ້ມີຄວາມສະຫງົບປອດໄພ 100%; ມີລະບົບປະຈຳການ, ມີແຜນການປ້ອງກັນຂັ້ນບ້ານ ແລະ ແລກປ່ຽນສະພາບຮອບດ້ານຮ່ວມກັນໃນແຕ່ລະເດືອນ. ນອກຈາກນີ້, ຍັງໄດ້ປະສານສົມທົບ ໃນການຄຸ້ມຄອງກຳແໜ້ນ ຈຳນວນພົນຂອງບ້ານ, ຄົນພາຍໃນ ແລະ ຕ່າງປະເທດ ທີ່ມາພັກເຊົາ, ຄົນຕ່າງປະເທດທີ່ມາສ້າງຄອບຄົວ ແລະ ມາດຳເນີນທຸລະກິດ. ພ້ອມກັນນີ້, ກົມກອງໄດ້ປະສານສົມທົບກັບບ້ານ ກໍຄື ນຳພາພໍ່ແມ່ປະຊາຊົນ ແລະ ພະນັກງານ-ນັກຮົບ ພາຍໃນກົມກອງ ປະຕິບັດແຜນພັດທະນາເສດຖະກິດແຫ່ງລັດ ກໍຄື ທິດນຳຂອງກອງທັບ ວ່າດ້ວຍ “ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ” ຕາມເງື່ອນໄຂ ແລະ ທ່າແຮງຂອງທ້ອງຖິ່ນ ຕົ້ນຕໍ ແມ່ນການຜະລິດກະສິກຳ (ການລ້ຽງສັດ-ປູກຝັງ) ແລະ ການບໍລິການຈຳນວນໜຶ່ງ, ຊຸກຍູ້ຫົວໜ່ວຍຄອບຄົວ ສ້າງເສດຖະກິດຜະລິດເປັນສິນຄ້າ ໃຫ້ຖືກຕ້ອງຕາມລະບຽບກົດໝາຍ ພົ້ນເດັ່ນ ແມ່ນມີຫຼາຍຄອບຄົວ ເປັນຕົວແບບໃນການປູກກາເຟ ແລະ ປຸງແຕ່ງຜະລິດຕະພັນກາເຟສົດ ຈຳໜ່າຍຢູ່ພາຍໃນ ແລະ ຕ່າງປະເທດ ຈົນສາມາດລຶບລ້າງຄອບຄົວທຸກຍາກໄດ້ 100%. ດ້ານການສຶກສາ ແລະ ສາທາ ລະນະສຸກ, ໄດ້ສົມທົບກັບອົງການປົກຄອງບ້ານ ແລະ ຂະແໜງການທີ່ກ່ຽວຂ້ອງ ປະຕິບັດແຜນພັດ ທະນາການສຶກສາ, ເອົາໃຈໃສ່ຊຸກຍູ້ພໍ່ແມ່ຜູ້ປົກຄອງສົ່ງເສີມລູກຫຼານເຂົ້າໂຮງຮຽນ ໃນເກນອາຍຸໄວຮຽນກວມ 80%. ປະຊາຊົນໄດ້ປະກອບສ່ວນດ້ານທຶນຮອນ ເຂົ້າໃນການປັບປຸງກໍ່ສ້າງໂຄງລ່າງພື້ນຖານ ແລະ ສິ່ງອຳນວຍຄວາມສະດວກຕ່າງໆ ໃຫ້ແກ່ການຮຽນ-ການສອນ, ບັນດາໜ່ວຍງານທີ່ກ່ຽວຂ້ອງຂອງທ້ອງຖິ່ນ ໄດ້ລົງໂຄສະນາສຸຂະສຶກສາ ຕ້ານພະຍາດລະບາດຕາມລະດູການ, ບ້ານມີສຸກສາລາ, ມີແພດປະຈຳບ້ານ, ມີນ້ຳສະອາດຊົມໃຊ້ ແລະ ມີວິດຖ່າຍ 100%. ພໍ່ແມ່ປະຊາຊົນ ຍັງຮັກສາໄດ້ວັດທະນະທຳ ແລະ ຮີດຄອງປະ ເພນີອັນດີງາມຂອງຊາດ ຕາມຮີດ 12 ຄອງ 14, ປະຊາຊົນຖືສາດສະໜາພຸດ ກວມ 70%, ມີຄອບຄົວປະຕິວັດ 968 ຄອບຄົວ, ບ້ານພື້ນຖານ 17 ບ້ານ, ຄອບຄົວພື້ນຖານ 568 ຄອບຄົວ, ບ້ານປ້ອງກັນຊາດເຂັ້ມແຂງ 3 ບ້ານ, ຄອບຄົວປ້ອງກັນຊາດເຂັ້ມແຂງ 1.093 ຄອບຄົວ ແລະ ບ້ານວັດທະນະທຳ 13 ບ້ານ. ພ້ອມນັ້ນ, ຍັງໄດ້ປະສານສົມທົບແໜ້ນ ລະຫວ່າງກົມກອງກັບຄະນະ ພັກ-ອົງການປົກຄອງບ້ານ ເພື່ອ ປັບປຸງແບບແຜນວິທີເຮັດວຽກ ຕາມຫຼັກການລວມສູນປະຊາທິ ປະໄຕ, ປະຕິບັດລະບອບປະຊຸມສ່ອງແສງລາຍງານຕາມລະບຽບຫຼັກການ. ຈາກຜົນສຳເລັດທີ່ຍາດມາໄດ້ນັ້ນ, ເຫັນວ່າຍັງມີດ້ານຄົງ ຄ້າງຈຳນວນໜຶ່ງທີ່ຈະຕ້ອງໄດ້ ປັບປຸງແກ້ໄຂເປັນຕົ້ນແມ່ນວຽກ ງານສຶກສາອົບຮົມການເມືອງ-ນຳພາແນວຄິດ ເຮັດຍັງບໍ່ທັນໄດ້ເລິກເຊິ່ງ ເຮັດໃຫ້ປະຊາຊົນຈຳນວນໜຶ່ງ ບໍ່ທັນເຂົ້າໃຈແຈ້ງຕໍ່ແນວທາງຂອງພັກ ແລະ ກົດ ໝາຍຂອງລັດ; ການປະສານສົມ ທົບຂອງບັນດາຂະແໜງການທີ່ກ່ຽວຂ້ອງ ຍັງບໍ່ທັນມີຄວາມເປັນເອກະພາບກັນດີ. ຜ່ານການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ ໃນໄລຍະຜ່ານມາ ສາມາດເຮັດໃຫ້ພໍ່ແມ່ປະຊາຊົນ ມີຄວາມຮັບຮູ້ເຂົ້າໃຈຢ່າງເລິກເຊິ່ງ ຕໍ່ກັບແນວ ທາງຂອງພັກ-ລັດ ໃນການປົກ ປັກຮັກສາ ແລະ ສ້າງສາພັດທະ ນາປະເທດຊາດ, ເວົ້າສະເພາະແມ່ນວຽກງານປ້ອງກັນຊາດ-ປ້ອງກັນຄວາມສະຫງົບ, ພາຍໃນບ້ານມີຄວາມສະຫງົບໂດຍພື້ນຖານ, ແຕ່ລະຄອບຄົວມີການ ພັດທະນາຊີວິດການເປັນຢູ່ນັບມື້ດີຂຶ້ນ. ສະຫາຍ ພັນເອກ ເພັດລວງຄຳ ວິໄລທອນ ໃຫ້ຮູ້ຕື່ມວ່າ: ແຜນການວຽກງານຈຸດສຸມ 6 ເດືອນທ້າຍປີ 2026 ນີ້, ກອງພັນໃຫຍ່ 502 ຈະສຸມໃສ່ເພີ່ມທະວີການສຶກສາ ອົບຮົມການເມືອງ-ແນວຄິດ ເພື່ອເຮັດໃຫ້ພະນັກງານ-ນັກຮົບ ແລະ ປະຊາຊົນ ເຊື່ອມຊຶມແນວທາງ ປ່ຽນແປງໃໝ່ຂອງພັກ-ລັດ ຢ່າງ ເລິກເຊິ່ງ, ມີສະຕິລະວັງຕົວ, ຈຳ ແນກມິດ-ສັດຕູຢ່າງຈະແຈ້ງ, ເດັດດ່ຽວທັບມ້າງກົນອຸບາຍຫັນ ປ່ຽນໂດຍສັນຕິ, ເພີ່ມທະວີວຽກ ງານ ປກຊ-ປກສ ທົ່ວປວງຊົນ, ປັບປຸງກຳລັງ ປກຊ-ປກສ ຮາກຖານໃຫ້ເຂັ້ມແຂງ, ຕອບຕ້ານປະກົດການຫຍໍ້ທໍ້ໃຫ້ທັນເວລາ, ປ້ອງກັນເປົ້າໝາຍຍຸດທະສາດສຳ ຄັນຕ່າງໆ ໃຫ້ມີຄວາມສະຫງົບ-ປອດໄພ 100%, ຊຸກຍູ້ການພັດ ທະນາເສດຖະກິດ-ສັງຄົມ, ນຳ ພາປະຊາຊົນ ສ້າງເສດຖະກິດເອກະລາດເປັນເຈົ້າຕົນເອງ, ສົ່ງ ເສີມການປູກ-ການລ້ຽງ, ຫັດຖະ ກຳຈັກສານ, ສົ່ງເສີມການສຶກສາ, ວຽກງານ 3 ສະອາດ ແລະ ຮັກສາວັດທະນະທຳອັນດີງາມ, ເພີ່ມທະວີບົດບາດການນຳພາຂອງພັກ, ປັບປຸງແບບແຜນວິທີເຮັດວຽກຕາມຫຼັກການລວມສູນ ປະຊາທິປະໄຕ, ຄຸ້ມຄອງປະຊາ ກອນ ແລະ ຄົນຕ່າງປະເທດ ໃຫ້ເຄື່ອນໄຫວຖືກຕ້ອງຕາມກົດໝາຍຢ່າງເຂັ້ມງວດ. ສັງລວມແລ້ວວຽກງານກໍ່ສ້າງຮາກຖານການເມືອງ ຕິດພັນກັບ ການຮັກສາຄວາມສະຫງົບ ແມ່ນ ກຸນແຈສຳຄັນ ທີ່ເຮັດໃຫ້ປະຊາຊົນ ມີຄວາມເຊື່ອໝັ້ນຕໍ່ການນຳພາຂອງພັກ-ລັດ, ເມື່ອຮາກຖານມີຄວາມສະຫງົບ, ປະຊາຊົນກໍມີຄວາມອົບອຸ່ນ ແລະ ສຸມໃສ່ການພັດທະນາຊີວິດການເປັນຢູ່ ໃຫ້ດີຂຶ້ນເລື້ອຍໆ.

news to day and hot news