POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 12 ກັນຍາ 2026

ກອງບັນຊາການທະຫານແຂວງສາລະວັນ ປາຖະກາຖາວັນສຳຄັນຕ່າງໆ ຂອງຊາດ
ເວລາອອກຂ່າວ: 2026-08-17 10:56:54 | ຜູ້ຂຽນ : admin2 | ຈຳນວນຄົນເຂົ້າຊົມ: 584 | ຄວາມນິຍົມ:

ຫວ່າງບໍ່ດົນມານີ້, ກອງບັນຊາການທະຫານແຂວງສາລະວັນ ໄດ້ປາຖະກາຖາວັນຄ້າຍວັນເກີດ ຂອງທ່ານ ສຸພາ ນຸວົງ ຄົບຮອບ 117 ປີ, ວັນເຊັນສົນທິສັນຍາຮ່ວມມື ລາວ-ຫວຽດນາມ ຄົບຮອບ 49 ປີ ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 64 ປີ, ໂດຍການເປັນປະທານ ຂອງສະຫາຍ ພັນເອກ ວິໄລ ພິມມະວົງ ຫົວໜ້າຫ້ອງການເມືອງ ກອງບັນຊາການທະຫານແຂວງສາລະວັນ, ມີຄະນະພັກ-ຄະນະບັນຊາ ກອງບັນຊາການ, ຄະນະພັກຮາກຖານ ແລະ ພະນັກງານ-ສະມາຊິກພັກ ເຂົ້າຮ່ວມ. ສະຫາຍ ພັນໂທ ຫຸມພັນ ທັກຂິນ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງສາລະວັນ ໄດ້ຍົກໃຫ້ເຫັນຜົນງານອັນຍິ່ງໃຫຍ່, ນ້ຳໃຈເສຍສະຫຼະ ແລະ ທາດແທ້ມູນເຊື້ອ-ຄຸນສົມບັດສິນທຳປະຕິວັດ, ຄວາມອົງອາດກ້າຫານ ທີ່ປະທານ ສຸພາ ນຸວົງ ໄດ້ສ້າງໄວ້ ເພື່ອໃຫ້ພະນັກງານ-ນັກຮົບຮຸ່ນຫຼັງ ໄດ້ນຳເອົາເປັນແບບແຜນໃນການປະຕິບັດໜ້າທີ່ວຽກງານ ແລະ ການດຳລົງຊີວິດ. ພ້ອມທັງ ຍົກໃຫ້ເຫັນຄວາມໝາຍ, ຄວາມສຳຄັນ ຂອງວັນເຊັນສົນທິສັນຍາຮ່ວມມື ລາວ-ຫວຽດນາມ ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ. ການປາຖະກາຖາຄັ້ງນີ້, ເພື່ອເຮັດໃຫ້ພະນັກງານ-ນັກຮົບ ໄດ້ຮັບຮູ້, ເຊື່ອມຊຶມ ແລະ ເຂົ້າໃຈ ເຖິງຄວາມອົງອາດກ້າຫານຜ່ານຜ່າທຸກຄວາມຫຍຸ້ງຍາກ, ນ້ຳໃຈຮັກຊາດ, ຮັກບ້ານເກີດເມືອງນອນ, ຕໍ່ສູ້ບໍ່ຍອມຈຳນົນ ເພື່ອພາລະກິດປະຕິວັດ ຂອງປະທານ ສຸພາ ນຸວົງ ກໍຄືປະຊາຊົນ ສອງຊາດ ລາວ-ຫວຽດນາມ ທີ່ຍາມໃດກໍຄຽງບ່າ-ຄຽງໄຫຼ່ກັນຕໍ່ສູ້ຕ້ານຈັກກະພັດລ່າເມືອງຂຶ້ນ ທັງແບບເກົ່າ ແລະ ແບບໃໝ່ ຈົນນຳມາສູ່ການປົດປ່ອຍຊາດ, ຍາດໄດ້ເອກະລາດເປັນຂອງຕົນເອງ. ໂອກາດນີ້, ສະຫາຍ ພັນເອກ ວິໄລ ພິມມະວົງ ໄດ້ເນັ້ນໜັກໃຫ້ພະນັກງານ-ນັກຮົບ ຕ້ອງເພີ່ມທະວີນ້ຳໃຈຮັກຊາດ, ຮັກລະບອບໃໝ່, ຍົກສູງດ້ານຄຸນທາດການເມືອງ, ມີຄຸນສົມບັດ-ສິນທຳປະຕິວັດ ພ້ອມກັນນຳເອົາບົດຮຽນ, ແບບແຜນການດຳລົງຊີວິດ ຂອງພະນັກງານຮຸ່ນກ່ອນມາໝູນໃຊ້ເຂົາໃນການປະຕິບັດໜ້າທີ່ວຽກງານຂອງຕົນ, ເປັນແບບຢ່າງທີ່ດີໃຫ້ແກ່ສັງຄົມ, ກົມກອງ ແລະ ໝູ່ເພື່ອນ ຄຽງຄູ່ກັບການສ້າງສາພັດທະນາເສດຖະກິດສັງຄົມ ໃຫ້ມີຄວາມສີວິໄລ, ຮັ່ງມີ ແລະ ເຂັ້ມແຂງຮອບດ້ານ. ໂດຍ: ສຸກັນ ວົງສະຫວັດ

news to day and hot news