ວັນເສົາ, ວັນທີ 17 ຕຸລາ 2026
ປຶກສາຫາລືການເຝິກຊ້ອມຊ່ວຍເຫຼືອມະນຸດສະທໍາ ແລະ ບໍລິການການແພດ ລະຫວ່າງ ກອງທັບ ລາວ-ຈີນ
ເວລາອອກຂ່າວ: 2026-09-04 15:17:30 | ຜູ້ຂຽນ : admin2 | ຈຳນວນຄົນເຂົ້າຊົມ: 1130 | ຄວາມນິຍົມ: 
ວັນທີ 3 ກັນຍາ 2026 ນີ້, ທີ່ກະຊວງປ້ອງກັນປະເທດ, ຄະນະຜູ້ແທນກອງທັບ ລາວ-ຈີນ ໄດ້ພົບປະປຶກສາຫາລື ກ່ຽວກັບການຈັດຕັ້ງຫັດແອບເຝິກຊ້ອມຊ່ວຍເຫຼືອມະນຸດສະທຳ ແລະ ການບໍລິການການແພດ ລະຫວ່າງ ກອງທັບ ລາວ-ຈີນ ພາຍໃຕ້ຫົວຂໍ້: "ຂະບວນລົດໄຟສັນຕິພາບ-2026”, ເຊິ່ງຝ່າຍລາວ ນຳໂດຍ ສະຫາຍ ພົນຈັດຕະວາ ຄໍາແພງ ພູມມາແກ້ວ ຫົວໜ້າກົມເສນາຮັກ ກົມໃຫຍ່ພະລາທິການ ກອງທັບປະຊາຊົນລາວ ພ້ອມດ້ວຍຄະນະ ແລະ ຝ່າຍຈີນ ນຳໂດຍ ສະຫາຍ ພັນເອກ ນາງ ໂຈວນ້າ ຫົວໜ້າພະແນກສັງລວມເສນາຮັກ ກົມຮັບປະກັນພະລາທິການທະຫານສູນກາງ ກອງທັບປົດປ່ອຍປະຊາຊົນ ຈີນ ພ້ອມດ້ວຍຄະນະ.
ຜ່ານການປຶກສາຫາລື, ສອງຝ່າຍໄດ້ຕົກລົງເຫັນດີເປັນເອກະພາບບັນດາເນື້ອໃນ, ຂັ້ນຕອນບາດກ້າວການຫັດແອບ, ສະຖານທີ່ເຝິກຊ້ອມຮ່ວມກັນຢ່າງລະອຽດ ພ້ອມທັງແບ່ງປັນຄວາມຮັບຜິດຊອບ, ມອບໝາຍໜ້າທີ່ໃຫ້ພາກສ່ວນທີ່ກ່ຽວຂ້ອງ, ເອກະພາບດ້ານລະບຽບ ຫຼັກການ ເພື່ອຮັບປະກັນໃຫ້ການເຝິກຊ້ອມຮ່ວມໃນຄັ້ງນີ້ ສຳເລັດຢ່າງຈົບງາມ ແລະ ຮັບປະກັນມີຄວາມປອດໄພ 100%.
ຈຸດປະສົງໃນການເຝິກຊ້ອມຄັ້ງນີ້ ເພື່ອສືບຕໍ່ແຜນການຈັດຕັ້ງປະຕິບັດຮ່ວມມືດ້ານການທະຫານ ກອງທັບ ລາວ-ຈີນ ໂດຍສະເພາະດ້ານການແພດ ໃຫ້ປະກົດຜົນເປັນຈິງ, ທັງເປັນການຍົກລະດັບຂີດຄວາມສາມາດໃນການຮ່ວມບັນຊາວຽກງານດ້ານການແພດ, ຄວາມສາມາດໃນການຮ່ວມກອບກູ້ຊ່ວຍເຫຼືອ, ສ້າງຂີດໝາຍ ແລະ ການແລກປ່ຽນການຮ່ວມມືດ້ານການແພດທະຫານ ແລະ ສືບຕໍ່ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອລະຫວ່າງ ກອງທັບ ລາວ-ຈີນ, ຊຸກຍູ້ການພົວພັນມິດຕະພາບທີ່ເປັນມູນເຊື້ອ ຂອງສອງປະເທດ, ສອງກອງທັບ ໃຫ້ກ້າວສູ່ລວງເລິກໝັ້ນຄົງຍາວນານ.
ໂດຍ: ສຸເວດ ສີດາຄຳ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
