POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 12 ຕຸລາ 2026

ການເຄື່ອນໄຫວຂອງກົມກອງຕ່າງໆ ໃນເດືອນສິງຫາຜ່ານມາ
ເວລາອອກຂ່າວ: 2026-09-08 11:56:40 | ຜູ້ຂຽນ : admin1 | ຈຳນວນຄົນເຂົ້າຊົມ: 132 | ຄວາມນິຍົມ:

ຫ້ອງການເມືອງ ກອງພົນ ທີ 2: ໄດ້ສະຫຼຸບການນຳພາຂອງຄະນະພັກຮາກຖານ ປະຈຳໄຕ ມາດ II ເຊິ່ງໄດ້ຍົກໃຫ້ເຫັນຜົນ ສຳເລັດດ້ານຕ່າງໆ ທີ່ຄະນະພັກຮາກຖານສ້າງມາໄດ້ ໃນໄລຍະຜ່ານມາ, ບົນພື້ນຖານ ໄດ້ເຮັດໃຫ້ກົມກອງມີຄວາມສະຫງົບ, ສະມາຊິກພັກ, ພະນັກງານ-ນັກ ຮົບ ມີແນວຄິດອຸ່ນອຽນທຸ່ນທ່ຽງ ແລະ ມີຄວາມຮັບຜິດຊອບສູງຕໍ່ໜ້າທີ່ການເມືອງຂອງຕົນ. ພ້ອມກັນນີ້, ຍັງໄດ້ຈັດຕັ້ງຍ້ອງຍໍຜົນງານ 5 ປີ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງ ທັບປະຊາຊົນລາວ ຄົບຮອບ 75 ປີ. ໃນນັ້ນ, ໄດ້ຮັບຫຼຽນໄຊແຮງງານ ຊັ້ນ II ຈຳນວນ 4 ສະຫາຍ, ຊັ້ນ III ຈຳນວນ 13 ສະຫາຍ, ຫຼຽນກາແຮງງານ 19 ສະຫາຍ ແລະ ໃບຍ້ອງຍໍ້ລັດຖະບານ 3 ສະຫາຍ. ກອງພົນທີ 3: ໄດ້ຈັດພິທີ ປະກາດການແຕ່ງຕັ້ງ ຂັ້ນນຳພາ-ບັນຊາ ກອງຮ້ອຍ, ໝວດ, ໝູ່ ແລະ ຊ່ວຍວຽກບັນດາອົງການກົມກອງ ທີ່ຂຶ້ນກັບ ກອງພົນທີ 3. ທັງນີ້, ກໍເພື່ອເປັນການປັບປຸງບູລະນະກົງຈັກການຈັດຕັ້ງນຳ ພາ-ບັນຊາ ຢູ່ກອງພົນທີ 3 ໃຫ້ມີຄວາມໜັກແໜ້ນ ເຂັ້ມແຂງໃນທຸກດ້ານ ເພື່ອກຽມພ້ອມເຮັດສຳເລັດໜ້າທີ່ການເມືອງຂອງກົມກອງ ໃນສະເພາະໜ້າ ແລະ ຍາວນານ ໃຫ້ໄດ້ຮັບໝາກຜົນສູງ. ວິທະຍາຄານເຕັກນິກການທະຫານ: ໄດ້ຈັດພິທີປະກາດການແຕ່ງຕັ້ງ ສະຫາຍ ພັນໂທ ອຸດົມ ພິດສະນຸກັນ ເປັນຮອງຫົວໜ້າຄະນະວິຊາ ຄູເສນາເຕັກນິກ, ສະຫາຍ ພັນຕີ ນາງ ລັດສະນີກອນ ພັນທະມິດ ເປັນຫົວໜ້າສາຂາວິຊາ ທິດສະດີມາກ-ເລນິນ, ສະ ຫາຍ ພັນໂທ ຈັນທະລາ ຈັນທະວົງ ເປັນຮອງຫົວໜ້າສາຂາ ວຽກງານພັກ-ວຽກງານການເມືອງ ແລະ ສະຫາຍ ພັນຕີ ນາງ ບຸນຜາສຸກ ນັນທະວົງ ເປັນຮອງຫົວໜ້າສາຂາ ທິດສະດີມາກ-ເລນິນ. ພ້ອມກັນນີ້, ກໍໄດ້ກາດການປະ ດັບທຽບຊັ້ນນາຍທະຫານ ໃຫ້ນັກຮຽນທີ່ຮຽນຈົບວິຊາສະເພາະຈາກສາຍລັດ ໃນນີ້, ປະດັບທຽບຊັ້ນຮ້ອຍໂທ ຈຳນວນ 8 ສະຫາຍ ແລະ ຮ້ອຍຕີ 1 ສະຫາຍ. ໃນພິທີ ຍັງໄດ້ຜ່ານແຈ້ງການຂອງກົມພະນັກງານ ກົມໃຫຍ່ການເມືອງກອງທັບ ວ່າດ້ວຍການສົ່ງພະ ນັກງານ-ນັກຮົບ ໄປຄົ້ນຄວ້າປະ ລິນຍາໂທ, ກໍ່ສ້າງປະລິນຍາຕີ, ກໍ່ສ້າງເລັ່ງລັດ ແລະ ບຳລຸງວິຊາສະເພາະຕ່າງໆ ຢູ່ບັນດາວິທະຍາ ຄານ ແລະ ໂຮງຮຽນຂອງກອງ ທັບປະຊາຊົນລາວ ສົກປີ 2026-2027. ກອງບັນຊາການທະຫານແຂວງຫົວພັນ: ໄດ້ເປີດຊຸດອົບວິຊາສະເພາະກົດລັບ ນຳໃຊ້ຈັກລະຫັດ M FAX ຊຸດທີ V ປະຈຳປີ 2026. ບັ້ນອົບຮົມຄັ້ງນີ້ ຈະໄດ້ອົບຮົມຄວາມຮູ້ເບື້ອງຕົ້ນກ່ຽວກັບ ຄອມພິວເຕີ, ຄວາມຮູ້ເບື້ອງຕົ້ນກ່ຽວກັບ ໄມໂຄຊອບເວີດ 2003, ການບັນທຶກ, ເປີດ ແລະ ລຶບເອກະສານ, ການເລືອກຟອນ ແລະ ຂະໜາດຕົວໜັງສື, ການຍ້າຍ, ການສຳເນົາຂໍ້ຄວາມ ແລະ ການກັບຄືນຫາຂັ້ນຕອນທີ່ຜ່ານມາ, ການສ້າງ ແລະ ການຈັດຮູບແບບຂອງຕາຕະລາງ, ການກຳ ນົດຂອບເຈ້ຍ ແລະ ການກຳນົດລວງພິມ, ພາກປະຕິບັດການເຂົ້າຫາ ໂປແກຼມ M fax-TWL, ການເລືອກຫ້ອງສາຍຕິດຕໍ່, ອ່ານ fax, ຂຽນໂທລະເລກ, ເຂົ້າ-ແກ້ລະຫັດ, ຮັບ-ສົ່ງໂທລະເລກ, ພິມເນື້ອໃນຟາຍໂທລະເລກ, ແນະນຳລະບົບຕໍ່ພວງ ແລະ ວິທີແກ້ໄຂກໍລະນີ, ການຄຸ້ມຄອງນຳໃຊ້, ການປົກປັກຮັກສາເຄື່ອງຈັກລະຫັດກົດລັບ ແລະ ແຜນ (CD key) ກຳນົດເວລາອົບຮົມ 45 ວັນ. ກອງພັນ 299 ກອງບັນຊາການທະຫານແຂວງຄຳມ່ວນ: ໄດ້ຈັດພິທີປະກາດການແຕ່ງຕັ້ງ ສະ ຫາຍ ພັນຕີ ບຸນສູງ ສີນວນສຸກ ເປັນຮັກສາການ ຮອງຫົວໜ້າການທະຫານ ທັງເປັນກຳມະການຄະນະພັກຮາກຖານ ກອງພັນ 299, ໂດຍການເປັນປະທານຂອງສະ ຫາຍ ພັນເອກ ສົມພານ ເມືອງຈັນ ຄະນະພັກກອງບັນຊາການ, ຫົວ ໜ້າຫ້ອງເສນາທິການ ກອງບັນ ຊາການທະຫານແຂວງຄຳມ່ວນ. ກອງພົນທີ 5: ອະນຸກຳມະ ການກວດກາ ໜ່ວຍພັກ ປອດໃສ ເຂັ້ມແຂງ ໜັກແໜ້ນ ຂອງກອງພົນ ໄດ້ລົງກວດກາ ແລະ ຊຸກຍູ້ການສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ຢູ່ກອງ ພັນໃຫຍ່ 502, ກອງພັນ 11, ກອງພັນ 12, ກອງພັນ 18 ແລະ ບັນດາກອງຮ້ອຍຂຶ້ນກັບ. ການລົງເຄື່ອນໄຫວຢູ່ແຕ່ລະກົມກອງ ໄດ້ຮັບຟັງລາຍງານກ່ຽວກັບການຈັດຕັ້ງປະຕິບັດວຽກງານກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ຕິດພັນກັບການສ້າງກອງ 3 ປອດ, ຍົກໃຫ້ເຫັນດ້ານດີ, ຂໍ້ຈຳກັດ ແລະ ບັນຫາທີ່ຈະຕ້ອງສຸມໃສ່ປັບປຸງແກ້ໄຂໃນຕໍ່ໜ້າ. ຈາກນັ້ນ, ຄະນະກວດກາໄດ້ມີຄຳເຫັນຊີ້ນຳ, ອະທິບາຍເພີ່ມຕື່ມ ກ່ຽວກັບຂັ້ນຕອນ ແລະ ວິທີການຈັດຕັ້ງປະຕິບັດ ວຽກງານດັ່ງກ່າວຢູ່ແຕ່ລະກົມກອງ. ກອງເລຂາໂຮງຮຽນກໍ່ສ້າງນາຍສິບ ເລກ 1: ໄດ້ຈັດກອງປະຊຸມ ຄົ້ນຄວ້າປັບປຸງຂໍ້ກຳນົດກົດລະບຽບການຄຸ້ມຄອງນັກຮຽນ, ເຊິ່ງປະກອບມີ 8 ໝວດ 44 ມາດ ຕາ. ຈຸດປະສົງ ກໍເພື່ອຄວາມເປັນເອກະພາບ ໃນການຈັດຕັ້ງປະຕິ ບັດໃຫ້ຖືກຕ້ອງສອດຄ່ອງ ຕາມຂໍ້ກຳນົດກົດລະບຽບຂອງກອງທັບ ກໍຄື ຂອງໂຮງຮຽນວາງອອກ, ເພື່ອຄຸ້ມຄອງນັກຮຽນ ໃນການປະຕິບັດຂໍ້ກຳນົດກົດລະບຽບ, ລະບຽບວິໄນຂອງໂຮງຮຽນ ໃຫ້ມີຄວາມເຂັ້ມງວດ, ເຂັ້ມແຂງ ແລະ ມີຄວາມເປັນລະບຽບຮຽບຮ້ອຍ. ກອງບັນຊາການທະຫານແຂວງຄຳມ່ວນ: ໄດ້ເປີດເຝິກອົບ ຮົມ ວິຊາສະເພາະກົດລັບ ແລະ ອົບຮົມປະສານພາກປະຕິບັດຕົວ ຈິງ ກັບວິຊາສະເພາະສື່ສານ ຊຸດທີ I ປະຈຳປີ 2026. ການອົບຮົມຄັ້ງນີ້ ຈະໄດ້ແບ່ງອອກເປັນ 3 ພາກ ຄື: ພາກທິດສະດີ, ພາກປະຕິບັດຕົວຈິງ ດ້ານວຽກງານວິຊາສະເພາະ ແລະ ພາກອອກສະໜາມຕົວຈິງ, ເຊິ່ງມີນັກເຝິກອົບຮົມເຂົ້າຮ່ວມທັງໝົດ 18 ສະຫາຍ. ທັງນີ້, ກໍເພື່ອເປັນຍົກລະດັບຄວາມຮູ້ຄວາມສາມາດ ໃຫ້ພະນັກງານວິຊາສະເພາະກົດລັບ ແລະ ວິຊາສະເພາະສື່ສານ ມີຄວາມຊຳນິຊຳນານທາງດ້ານຫຼັກວິຊາການ ເພື່ອກຽມພ້ອມເຮັດສຳເລັດໜ້າທີ່ການເມືອງ ຕາມການຈັດຕັ້ງຂັ້ນເທິງມອບໝາຍໃຫ້. ກອງພັນ 94 ກອງພົນທີ 4: ໄດ້ຈັດຕັ້ງເຜີຍແຜ່ກົດລະບຽບຂອງກອງທັບປະຊາຊົນລາວ, ກົດລະບຽບດັ່ງກ່າວ ປະກອບມີ XVI ພາກ, 299 ມາດຕາ. ທັງນີ້, ກໍເພື່ອເຮັດໃຫ້ພະນັກງານ-ນັກຮົບ ໄດ້ຮັບຮູ້ເຊື່ອມຊຶມ ແລະ ເຂົ້າໃຈແຈ້ງຕໍ່ບັນດາຂໍ້ກຳນົດ, ກົດລະ ບຽບຂອງກອງທັບ ແລະ ນຳໄປຈັດຕັ້ງປະຕິບັດໃຫ່ເຂັ້ມງວດ. ກອງພັນໃຫຍ່ 584: ໄດ້ບໍ ລິຈາກເລືອດເພື່ອຊ່ວຍເຫຼືອສັງ ຄົມ ໃຫ້ສູນບໍລິຈາກເລືອດ ອົງ ການກາແດງລາວ ແຂວງຊຽງຂວາງ, ເຊິ່ງມີພະນັກງານ-ນັກ ຮົບ ສະໝັກໃຈບໍລິຈາກເລືອດ ທັງໝົດ 20 ສະຫາຍ ໄດ້ເລືອດ 20 ຖົງ. ທັງນີ້, ກໍເພື່ອນຳໄປຊ່ວຍເຫຼືອ ແລະ ກອບກູ້ເອົາຊີວິດເພື່ອນມະນຸດດ້ວຍກັນ ກໍຄື ຄົນເຈັບທີ່ເປັນພະຍາດຂາດເລືອດ, ຄົນເຈັບເກີດອຸບັດຕິເຫດ ແລະ ອື່ນໆ ທີ່ນອນປິ່ນປົວຢູ່ໂຮງໝໍແຫ່ງຕ່າງໆ ໃຫ້ມີສຸຂະພາບແຂງແຮງ ແລະ ຫາຍດີເປັນປົກກະຕິ. ຊາວໜຸ່ມ-ແມ່ຍິງ ວິທະຍາຄານພະລາທິການກອງທັບ: ໄດ້ສ້າງຂະບວນການອອກແຮງງານລວມອະນາໄມບ່ອນຮົກເຮື້ອ ຕາມຂອບເຂດຫ້ອງການ, ຫໍພັກ, ບັນ ຫາຫ້ອງຮຽນ, ເກັບເສດຂີ້ເຫຍື້ອຕາມເສັ້ນທາງ ແລະ ຖາງຫຍ້າສອງຟາກທາງ ໃຫ້ເປີດແປນ ເພື່ອໃຫ້ບໍລິເວນຄ້າຍຄູ ມີຄວາມເປັນລະບຽບຮຽບຮ້ອຍ, ສະອາດຈົບ ງາມ ເພື່ອສ້າງຂະບວນການຂ່ຳ ນັບຮັບຕ້ອນວັນປະຫວັດສາດສຳຄັນຂອງຊາດ, ຂອງກອງທັບ, ໂດຍສະເພາະແມ່ນວັນສ້າງຕັ້ງວິທະຍາຄານພະລາທິການກອງ ທັບ ຄົບຮອບ 30 ປີ ໃຫ້ມີບັນຍາ ກາດຟົດຟື້ນ.

news to day and hot news