ວັນຈັນ, ວັນທີ 12 ຕຸລາ 2026
ກອງພັນ 263 ມອບໃບຢັ້ງຢືນໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2025
ເວລາອອກຂ່າວ: 2026-09-11 09:35:51 | ຜູ້ຂຽນ : admin1 | ຈຳນວນຄົນເຂົ້າຊົມ: 220 | ຄວາມນິຍົມ: 
ວັນທີ 3 ກັນຍາ 2026, ກອງພັນ 263 ກອງພົນທີ 2 ໄດ້ຈັດພິທີມອບໃບຢັ້ງຍືນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2025 ແລະ ມອບໃບຢັ້ງຍືນ 4 ບຸກ ໃຫ້ສະມາຊິກຊາວໜຸ່ມ, ໂດຍການເປັນປະທານຂອງ ສະຫາຍ ພັນໂທ ວິລະກຸນ ບຸນມາກ ຮອງຫົວໜ້າພະແນກປ້ອງກັນອາກາດ ກອງພົນທີ 2,
ມີຄະນະພັກ-ຄະນະບັນຊາ ກອງ ພັນ, ກອງຮ້ອຍ ຕະຫຼອດຮອດ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ທອງຂັນ ຍິນນະຄຸນ ຮອງຫົວໜ້າການ ເມືອງ ກອງພັນ 263 ໄດ້ຜ່ານບົດຫຼຸບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ; ຕະຫຼອດໄລຍະ 1 ປີຜ່ານມາ ຄະນະພັກໄດ້ເອົາໃຈໃສ່ປະຕິບັດຕາມຄຳສັ່ງຂອງຄະນະພັກຂັ້ນເທິງ, ຄົ້ນຄວ້າປືກສາຫາລືສ້າງແຜນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ; ໂດຍຖືເອົາການສຶກສາອົບຮົມການເມືອງ-ນຳພາແນວຄິດເປັນໃຈກາງໃນການປັບປຸງກໍ່ສ້າງພັກໃຫ້ມີຄວາມເຕີບໃຫຍ່ເຂັ້ມແຂງ, ສາມາດຮັບປະກັນທາງດ້ານຄຸນນະພາບ ເຊິ່ງໄດ້ນຳເອົາແນວທາງ, ແຜນນະໂຍບາຍ, ມະຕິ, ຄຳສັ່ງຂອງຂັ້ນເທິງ ຈັດຕັ້ງເຜີຍແຜ່ໃຫ້ຄະນະພັກ, ໜ່ວຍພັກ ແລະ ສະມາຊິກພັກ ໄດ້ຮັບຮູ້ ແລະ ກຳແໜ້ນຕໍ່ແນວທາງ, ອຸດົມການຂອງພັກ ມີທັດສະນະຫຼັກໝັ້ນປະຕິວັດ ເປັນເຈົ້າຕົນເອງ, ມີສະຕິລະວັງຕົວສູງ ຮູ້ຈຳແນກມິດ ແລະ ສັດຕູຢ່າງຈະແຈ້ງ, ມີນ້ຳໃຈເສຍສະຫຼະອັນສູງສົ່ງ ເພື່ອຜົນປະໂຫຍດສ່ວນລວມ; ປັດຈຸບັນຄະນະພັກຮາກຖານກອງພັນ 263, ມີໝ່ວຍພັກຖືກຮັບຮອງເປັນໜ່ວຍພັກປອດໃສ ເຂັ້ມແຂງ ໜັກແໜ້ນ 4 ໜ່ວຍ, ມີສະມາຊິກແຂງ 68 ສະຫາຍ ແລະ ມີສະມາຊິກຊາວໜຸ່ມ 4 ບຸກ 55 ສະຫາຍ.
ໂດຍ: ສຸວັນໂນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
