ວັນຈັນ, ວັນທີ 12 ຕຸລາ 2026
ການນຳແຂວງຫຼວງນ້ຳທາ ລົງຊຸກຍູ້ຊ່ວຍເຫຼືອປະຊາຊົນ ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ
ເວລາອອກຂ່າວ: 2026-09-11 09:47:40 | ຜູ້ຂຽນ : admin1 | ຈຳນວນຄົນເຂົ້າຊົມ: 202 | ຄວາມນິຍົມ: 
ຈາກສະພາບການໄພພິບັດນ້ຳຖ້ວມ ຢູ່ແຂວງຫຼວງນໍ້າທາ ໃນທ້າຍເດືອນສິງຫາຜ່ານມາ, ໃນຕົ້ນເດືອນກັນຍານີ້, ທ່ານ ອ່ອນຈັນ ຄຳພາວົງ ຮອງເລຂາພັກ ແຂວງຫຼວງນໍ້າທາ ພ້ອມດ້ວຍຄະນະໄດ້ລົງພື້ນທີ່ ແລະ ນຳເອົາເຄື່ອງອຸປະໂພກ-ບໍລິໂພກ ໄປມອບຊຸກຍູ້ຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພພິບັດນໍ້າຖ້ວມ ຢູ່ 3 ບ້ານ ໃນເມືອງຫຼວງນໍ້າທາ ຄື: ບ້ານນໍ້າທຸງ, ບ້ານຫ້ວຍຂີງ ແລະ ບ້ານທົ່ງຂວາ, ເຊິ່ງມີປະຊາຊົນທີ່ໄດ້ຮັບຜົນກະທົບ 149 ຄອບຄົວ. ສຳລັບເຄື່ອງທີ່ນຳໄປມອບໃນຄັ້ງນີ້ ປະກອບມີ: ເຂົ້າສານ, ປ໋ອງປາ, ນ້ຳດື່ມ ປະເພດອາຫານແຫ້ງ ແລະ ອາຫານສຳເລັດຮູບ.
ໂອກາດນີ້, ທ່ານ ອ່ອນຈັນ ຄຳພາວົງ ຕາງໜ້າໃຫ້ການນຳຂອງແຂວງ ສະແດງຄວາມເຫັນ ໃຈ ແລະ ມີຄວາມເປັນຫ່ວງເປັນ ໃຍຕໍ່ປະຊາຊົນ ທີ່ໄດ້ຮັບຜົນກະ ທົບຈາກໄພພິບັດນໍ້າຖ້ວມໃນຄັ້ງນີ້, ພ້ອມທັງໄດ້ໃຫ້ກຳລັງໃຈ ແລະ ເນັ້ນໃຫ້ແຕ່ລະຄອບຄົວ ພ້ອມ ກັນເອົາໃຈໃສ່ປັບປຸງ, ຟື້ນຟູສະ ຖານທີ່ພັກອາໄສ, ເຮືອນຊານບ້ານຊ່ອງໃຫ້ກັບຄືນສູ່ສະພາບປົກກະຕິໂດຍໄວ.
ໂດຍ: ບຸນປັນ ປັນຍາລິນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
