ກອງທັບປະຊາຊົນລາວ
 
ວັນພຸດ, ວັນທີ 18 ພະຈິກ 2026

  

ໂຮງຮຽນ​ເຫຼົ່າ​ຮົບ​ຊ່າງ​ແສງ 506 ປາຖະກະຖາ​ມູນເຊື້ອ​ວັນ​ຄູ​ແຫ່ງ​ຊາດ ຄົບຮອບ 32 ປີ
ເວລາອອກຂ່າວ: 2026-10-15 09:21:20 | ຜູ້ຂຽນ : admin1 | ຈຳນວນຄົນເຂົ້າຊົມ: 175 | ຄວາມນິຍົມ:



ວັນ​ທີ 7 ຕຸລາ 2026, ໂຮງຮຽນ​ເຫຼົ່າ​ຮົບ​ຊ່າງ​ແສງ 506 ໄດ້​ປາຖະກະຖາ​ມູນເຊື້ອ​ວັນ​ຄູ​ແຫ່ງ​ຊາດ ຄົບຮອບ 32 ປີ (7 ຕຸລາ 1994-7 ຕຸລາ 2026), ໂດຍ​ການ​ເປັນ​ປະທານ​ຂອງ ສະຫາຍ ພັນ​ໂທ ອາ​ນຸ​ສັກ ພົມ​ວົງສາ ຫົວໜ້າ​ການ​ທະຫານ ໂຮງ​ຮຽນ​​ເຫຼົ່າ​ຮົບ​ຊ່າງ​ແສງ 506, ມີ​ຄະນະ​ພັກ-ຄະນະ​ອຳນວຍ​ການ, ຄະນະ​ບັນຊາພະແນກການ, ກອງພັນ, ພະນັກງານ ຄູ-ອາຈານ ແລະ ນັກຮຽນ ເຂົ້າ​ຮ່ວມ. ສະຫາຍ ພັນ​ໂທ ອາ​ນຸ​ສັກ ພົມ​ວົງສາ ຫົວໜ້າ​ການ​ທະຫານ ໂຮງຮຽນໄດ້​ເລົ່າ​ຫວນຄືນປະຫວັດ​ມູນເຊື້ອ​ຄວາມ​ເປັນ​ມາຂອງ​ວັນ​ຄູ​ແຫ່ງ​ຊາດ, ຍົກ​ໃຫ້​ເຫັນ​ຄວາມ​ໝາຍ ຄວາມ​ສຳຄັນຂອງ​ວັນ​ຄູ​ແຫ່ງ​ຊາດ​ຕະຫຼອດ​ໄລຍະ 32 ປີ ເພື່ອ​ເຮັດ​ໃຫ້​ພະນັກງານ ຄູ-ອາຈານ ໄດ້​ຮັບ​ຮູ້ ແລະ ເຂົ້າໃຈ, ເພື່ອ​ເປັນ​ການ​ລະນຶກ​ເຖິງ​ຜົນງານ, ຄຸນງາມຄວາມດີຄວາມ​ກະຕັນຍູ​ຮູ້​ບຸນຄຸນຕໍ່ ຄູ-ອາຈານ ທີ່​ຜ່ານ​ມາ​ໄດ້​ສິດສອນ​ໃຫ້​ກາຍເປັນ​ນັກ​ປັນຍາ​ຊົນ ຜູ້​ທີ່​ມີ​ຄວາມ​ຮູ້ ຄວາມ​ສາມາດ, ການຈັດຕັ້ງ​ໃຫ້​ມີ​ວັນ​ຄູ​ແຫ່ງ​ຊາດ ແມ່ນ​ການ​ເຊີດ​ຊູ​ ກຽດ​ສັກ​ສີ, ຖານະ​ບົດບາດຂອງ​ຄູ​ຕໍ່​ສັງຄົມ ແລະ ຄຸນງາມຄວາມດີຂອງ​ຄູ​ທີ່​ມີ​ຕໍ່​ປະເທດ​ຊາດ, ວັນ​ຄູ​ແຫ່ງ​ຊາດ ເປັນ​ວັນ​ໜຶ່ງ​ທີ່​ສຳ ຄັນ​ໃນ​ປະຫວັດສາດຂອງ​ຊາດ​ລາວ ເພາະວ່າຄູ​ບໍ່​ພຽງ​ແຕ່​ໄດ້​ປະກອບສ່ວນ​ເຂົ້າ​ໃນ​ວຽກ​ງານ​ການ​ສຶກ​ສາ​ເທົ່າ​ນັ້ນ ແຕ່​ຍັງ​ໄດ້​ປະກອບສ່ວນ​ຢ່າງ​ຕັ້ງໜ້າ​ເຂົ້າ​ໃນ​ພາລະກິດ​ແຫ່ງ​ການ​ຕໍ່ສູ້​ເພື່ອ​ຄວາມ​ເປັນ​ເອກະ​ພາບ, ຄວາມ​ວັດທະນາ​ຖາວອນ​ຂອງ​ຊາດ, ພ້ອມ​ທັງ​ເສີມ​ຂະຫຍາຍ​ມູນເຊື້ອ ຂອງ​ນາຍຄູ​ຄຳຜູ້​ທີ່​ມີ​ຄວາມ​ດຸໝັ່ນ​ຂະຫຍັນ​ພຽນ ແລະ ໄດ້​ອຸທິດ​ທຸກ​ສະຕິ​ປັນຍາ, ເລືອດ​ເນື້ອ ແລະ ເຫື່ອແຮງ​ຂອງ​ຕົນ ເພື່ອ​ພາລະກິດ​ການ​ສຶກ​ສາ​ແຫ່ງ​ຊາດ​ລາວ; ໃນ​ໂອກາດ​ດຽວ​ກັນ​ນີ້ຍັງ​ໄດ້​ຈັດ​ຕັ້ງ​ມອບ​ໃບ​ຍ້ອງຍໍ ຈຳນວນ 41 ໃບ ແລະ ໃບ​ຊົມເຊີຍ ຈຳນວນ 26 ໃບ​ໃຫ້​ແກ່​ ຄູ-ອາຈານ ຜູ້​ທີ່​ມີ​ຜົນງານ​ໃນ​ການ​ສອນ​ດີ-ສອນ​ເດັ່ນ ສົກຮຽນ 2025-2026 ແລະ ມອບ​ຂອງຂວັນ​ໃຫ້​ແກ່ ຄູ-ອາຈານ ເນື່ອງ​ໃນ​ໂອກາດ​ວັນ​ຄູ​ແຫ່ງ​ຊາດ ຕື່ມ​ອີກ. ສະຫາຍ ພັນ​ໂທ ອາ​ນຸ​ສັກ ພົມວົງສາ ໄດ້​ໂອ້​ລົມຊີ້​ນຳ​ຫຼາຍ​ບັນຫາ​ສຳຄັນຕໍ່ພະນັກງານ ຄູ-ອາຈານ ຈົ່ງ​ພ້ອມ​ກັນ​ຮ່ຳຮຽນ​ເອົາ​ແບບຢ່າງ​ການເຄື່ອນໄຫວ​ຂອງ​ນາຍຄູ​ຄຳມາ​ໝູນ​ໃຊ້​ເຂົ້າ​ໃນ​ວຽກ​ງານ ການ​ຮຽນ-ການ​ສອນ, ຊອກ​ຮູ້ຮ່ຳຮຽນ​ສິ່ງ​ໃໝ່ໆ ໃນ​ທຸກ​ດ້ານ ເພື່ອ​ພັດທະນາຊັບພະຍາກອນ​ມະນຸດ ເວົ້າ​ສະເພາະການ​ກໍ່ສ້າງ​ພະນັກງານ-ນັກຮົບ ໃນ​ທົ່ວ​ກອງທັບ ກໍ​ຄື ຢູ່​ໂຮງ​​ຮຽ​ເຫຼົ່າ​ຮົບ​ຊ່າງ​ແສງ 506 ໃຫ້​ເຕີບ​ໃຫຍ່​ເຂັ້ມແຂງ ແລະ ກ້າວໜ້າ ຢ່າງ​ບໍ່​ຢຸດ​ຢັ້ງ. ຂ່າວ: ສາ​ຄຳ ກອງ​ມະນີ​ເຄິງ ພາບ: ນຸ​ນາ ບົວ​ລະ​ໄພ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ