ວັນເສົາ, ວັນທີ 07 ທັນວາ 2024
ສະຫຼຸບວຽກງານປ້ອງກັນພາຍໃນທົ່ວກົມໃຫຍ່ເຕັກນິກ
ເວລາອອກຂ່າວ: 2019-11-15 11:27:31 | ຜູ້ຂຽນ : admin3 | ຈຳນວນຄົນເຂົ້າຊົມ: 190 | ຄວາມນິຍົມ: 
ກົມໃຫຍ່ເຕັກນິກກອງທັບໄດ້ສະຫຼຸບຖອດຖອນບົດຮຽນວຽກງານປ້ອງກັນພາຍໃນ ຄັ້ງທີ I ຂຶ້ນໃນ ວັນທີ 13 ພະຈິກ ໂດຍການເປັນປະທານຂອງສະຫາຍ ພົນຕີ ກິລາກອນ ບຸນນະພົນ ກຳມະ
ການຄະນະພັກກະຊວງ, ຫົວໜ້າກົມໃຫຍ່ເຕັກນິກກອງທັບ, ມີຄະນະພັກ-ຄະນະບັນຊາ, ກົມ, ຫ້ອງ ການ, ບັນດາກົມກອງຮາກຖານ ຂຶ້ນກັບ ແລະ ພະນັກງານ-ນັກຮົບທົ່ວກົມໃຫຍ່ເຕັກນິກເຂົ້າຮ່ວມ.
ສະຫາຍ ພັນໂທ ພອນສີ ທອງ ສິງຄຳ ຫົວໜ້າພະແນກປ້ອງກັນ ພາຍໃນກົມໃຫຍ່ເຕັກນິກໄດ້ສະຫຼຸບຕີລາຄາຄືນໃນຂົງເຂດວຽກ
ງານປ້ອງກັນພາຍໃນໃນໄລຍະ ຜ່ານມາຄະນະພັກໄດ້ຊີ້ນຳ-ນຳພາພະນັກງານ-ນັກຮົບຈັດຕັ້ງປະຕິບັດຕາມແນວທາງນະໂຍ ບາຍຂອງພັກ, ລັດໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກຢ່າງເຂັ້ມງວດ, ພ້ອມທັງເຄື່ອນໄຫວຊີ້ນໍາ-ນໍາພາບັນດາພະແນກການ, ຂະແໜງການ, ກົມກອງເຄື່ອນໄຫວຈັດ ຕັ້ງປະຕິບັດວຽກງານປ້ອງກັນພາຍໃນ ແລະ ການກໍ່ສ້າງກອງສາມປອດ, ຕິດພັນກັບການກໍ່ສ້າງກອງວັດທະນະທໍາ-ນັກຮົບ ວັດທະນະທໍາ ເພື່ອສ້າງອົງການ ກົມກອງໃຫ້ມີຄວາມສະຫງົບ ປອດໄພ 100%, ພ້ອມນັ້ນຍັງ ໄດ້ເອົາໃຈໃສ່ປ້ອງກັນຄວາມ ປອດໄພໃຫ້ແກ່ການນຳແຂກພາຍ
ໃນ ແລະ ຕ່າງປະເທດ, ກອງປະ ຊຸມ, ງານບຸນວັນປະຫວັດສາດ ສຳຄັນຕ່າງໆຂອງຊາດຂອງພັກ ຂອງກອງທັບ ທີ່ຢູ່ໃນຄວາມຮັບ ຜິດຊອບຂອງຕົນໃຫ້ມີຄວາມສະ ຫງົບປອດໄພໂດຍພື້ນຖານ ຕິດພັນ
ກັບການສ້າງໜ່ວຍ ພັກປອດໃສ ເຂັ້ມແຂງ ໜັກແໜ້ນ ຢ່າງເປັນຂະ ບວນການກວ້າງຂວາງ, ຜ່ານການຈັດຕັ້ງປະຕິບັດວຽກງານ ປ້ອງກັນພາຍໃນ ແລະ ການກໍ່ ສ້າງກົມກອງປອດໃສ ປອດໄພ ປອດຄະດີ ໃນ 5 ປີຜ່ານມາທົ່ວກົມ ໃຫຍ່ເຕັກນິກກອງທັບ ມີ 6 ກົມ 3 ຫ້ອງ ມີ 22 ກົມກອງຂຶ້ນກັບ ໄດ້
ເປັນກອງປອດໃສ, ປອດໄພ, ປອດຄະດີ 4 ປີຊ້ອນ ມີ 15 ກົມກອງ, 3
ປີຊ້ອນ ມີ 8 ກົມກອງ, 2 ປີຊ້ອນ ມີ 2 ກົມກອງ, 1 ປີ ມີ 2 ກົມກອງ.
ສະຫາຍ ພົນຕີ ກິລາກອນ ບຸນນະພົນ ກໍໄດ້ກ່າວສະແດງຄວາມ
ຍ້ອງຍໍຊົມເຊີຍຕໍ່ບັນດາຜົນງານ ທີ່ບັນດາກົມກອງຍາດມາໄດ້ນັ້ນ ແລະ ພ້ອມທັງຮຽກຮ້ອງໃຫ້ຄະ ນະພັກ-ຄະນະບັນຊາ, ຄະນະກົມ, ຫ້ອງການ, ພະນັກງານ-ນັກຮົບຜູ້ທີ່ເຮັດວຽກງານປ້ອງກັນພາຍໃນຈົ່ງສືບຕໍ່ເອົາໃຈໃສ່ເປັນເຈົ້າການສຶກສາອົບຮົມການເມືອງນຳພາແນວຄິດໃຫ້ນາຍ ແລະ ພົນ ທະຫານມີຄຸນທາດການເມືອງ ໜັກແໜ້ນ, ຍຶດໝັັ້ນອຸດົມການ ຂອງພັກ, ຍົກສູງສະຕິລະວັງຕົວເປັນເຈົ້າການປ້ອງກັນຕົນເອງ, ປ້ອງກັນກົມກອງກໍຄືກອງທັບ ແລະ ປ້ອງກັນແນວທາງແຜນ ນະໂຍບາຍຂອງພັກ, ກົດໝາຍ ຂອງລັດ, ລະບຽບຂອງພັກ, ກໍ່ ສ້າງພັກໃຫ້ເຂັ້ມແຂງປອດໃສ, ຮັກສາຄຸນສົມບັດສິນທໍາປະຕິວັດ, ແບບແຜນດໍາລົງຊີວິດໃຫ້ປອດ ໃສ ໜັກແໜ້ນ ພະນັກງານ-ສະ ມາຊິກພັກເປັນເຈົ້າການສ້າງ ໜ່ວຍພັກ, ຮາກຖານພັກ ແລະ ອົງ
ການຈັດຕັ້ງມະຫາຊົນຂອງພັກໃຫ້
ມີຄວາມເຂັ້ມແຂງໜັກແໜ້ນດ້ານການເມືອງ-ແນວຄິດ ແລະ ທາງ
ດ້ານການຈັດຕັ້ງເອົາໃຈໃສ່ຕໍ່ການ
ບໍາລຸງຍົກລະດັບ, ນຳໃຊ້ ແລະ ປະ
ຕິບັດນະໂຍບາຍຕໍ່ພາກສ່ວນເຮັດ ວຽກງານປ້ອງກັນພາຍໃນໃຫ້ດີ, ຮັບປະກັນວຽກງານປ້ອງກັນ
ພາຍໃນໃຫ້ແຕ່ລະຂັ້ນມີຄວາມສະຫງົບປອດໄພ 100%.
ໂດຍ: ນາລີ ທະວີພອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
