ວັນເສົາ, ວັນທີ 07 ທັນວາ 2024
ກວດພົບ 18 ໂຄງການທີ່ມີມູນຄ່າສູງເກີນຄວາມເປັນຈິງ
ເວລາອອກຂ່າວ: 2019-11-15 11:32:52 | ຜູ້ຂຽນ : admin3 | ຈຳນວນຄົນເຂົ້າຊົມ: 176 | ຄວາມນິຍົມ: 
ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ຊີ້ແຈງຕໍ່ຄໍາຊັກຖາມຂອງ ສສຊ ກ່ຽວກັບການຈັດ
ຕັ້ງປະຕິບັດດຳລັດວ່າດ້ວຍການ ປະຢັດ ແລະ ຕ້ານການຟຸມເຟືອຍ, ພ້ອມໃຫ້ຮູ້ອີກວ່າ ໃນໄລຍະ 2 ປີຜ່ານມາຍັງມີ 18 ໂຄງການ ທີ່ມີມູນຄ່າສູງເກີນຄວາມຈຳເປັນ ແລະ ບໍ່ສອດຄ່ອງກັບດຳລັດວ່າດ້ວຍການ ປະຢັດ ແລະ ຕ້ານການຟຸມເຟືອຍ.
ທ່ານ ສົມດີ ດວງດີກ່າວວ່າ: ໃນໄລຍະຜ່ານມາສູນກາງພັກ
ແລະ ລັດຖະບານໄດ້ໃຫ້ຄວາມສຳຄັນ ແລະ ເອົາໃຈໃສ່ຊີ້ນຳ-ນຳ ພາທົ່ວພັກ-ລັດ ແລະ ທົ່ວປວງຊົນໃຫ້ມີການປະຢັດ ໂດຍໄດ້ອອກ ນະໂຍບາຍ, ມະຕິ-ຄໍາສັ່ງ ແລະ ດໍາລັດຫຼາຍສະບັບໃນນີ້ສຳລັບຂະແໜງການເງິນທົ່ວປະເທດກ່ຽວ ກັບນໍ້າມັນເຊື້ອໄຟ, ນໍ້າປະປາ, ໄຟ
ຟ້າ, ໂທລະສັບ ແລະ ເຄື່ອງໃຊ້ຫ້ອງ
ການອື່ນໆເຫັນວ່າສາມາດປະຢັດ ລາຍຈ່າຍງົບປະມານບໍລິຫານ
ໂດຍສະເພາະຄ່າໄຟຟ້າສາມາດຫຼຸດ ຜ່ອນລາຍຈ່າຍໄດ້ຈໍານວນໜຶ່ງ ຖ້າທຽບລາຍຈ່າຍຄ່າໄຟຟ້າ ໃນປີ 2019 ສົກ ຜ່ານມາເຫັນວ່າລາຍ ຈ່າຍໄດ້ຫຼຸດລົງໄດ້ປະມານ 20 ກວ່າລ້ານກີບຕໍ່ເດືອນ ນອກນັ້ນຍັງ ປະຢັດງົບປະມານຮ່ວງຊື້ພາຫະ ນະໃໝ່ປະມານ 53 ຕື້ກີບ (ແຜນ ງົບປະມານຮ່ວງຊື້ພາຫະ ນະໃໝ່ ປີ 2019 ມີຈໍານວນ 61 ຕື້ກີບ) ເນື່ອງຈາກໄດ້ຈັດຊື້ລົດຈິບໃຫ້ແກ່ການນໍາລະດັບສູງ ຈໍານວນ 1 ຄັນ,
ການນໍາຕໍາແໜ່ງປະເພດ IV ຈໍານວນ 16 ຄັນ ແລະ ອົງການພຸດ
ທະສາດສະໜາສຳພັນລາວ ຈຳນວນ 3 ຄັນ. ນອກນັ້ນກະຊວງ ການ
ເງິນໄດ້ສົມທັບກັບບັນດາກະ ຊວງ,ຂະແໜງການດໍາເນີນການກວດກາການສ້າງ ແລະ ການຈັດຕັ້ງປະຕິບັດແຜນລາຍຈ່າຍງົບ ປະມານແຫ່ງລັດຢ່າງຮັດກຸມ
ຂຶ້ນກວ່າເກົ່າ ເພື່ອໃຫ້ການສ້າງ ແຜນງົບປະມານ ມີລັກສະນະປະ ຢັດ ແລະ ສອດຄ່ອງກັບແຜນວຽກ ບູລິມະສິດຂອງແຕ່ລະພາກສ່ວນຢ່າງແທ້ຈິງ, ປະຕິບັດການເບີກຈ່າຍເງິນເດືອນຕາມຈໍານວນພະນັກງານ-ລັດຖະກອນຕົວຈິງ, ຈໍາກັດການຊື້ພາຫະນະໃໝ່. ພ້ອມ ນັ້ນ, ຍັງໄດ້ດໍາເນີນການກວດກາ
ຫຼັງການຈ່າຍງົບປະມານ, ໄດ້ປະສານສົມທົບ ແລະ ເຮັດວຽກຮ່ວມ ກັບບັນດາກະ ຊວງ, ຂະແໜງການຈຳນວນໜຶ່ງເພື່ອປຶກສາຫາລື ແລະ ແລກປ່ຽນບົດຮຽນກ່ຽວກັບວິທີການຈັດຕັ້ງປະຕິບັດບາງ ຮ່ວງລາຍຈ່າຍງົບປະມານບໍລິ ຫານ ເຊິ່ງເຫັນໄດ້ວ່າ ບາງກະຊວງ ກໍໄດ້ລິເລິ່ມກົນໄກການຈັດຕັ້ງປະຕິບັດ ເພື່ອເປັນການປະຢັດງົບປະ ມານຂອງລັດເປັນຕົ້ນແມ່ນການ
ຈັດຊື້ເຄື່ອງໃຊ້ຫ້ອງການ, ການຈັດຊື້ປີ້ຍົນ, ການເຊົ່າຈັກສຳເນົາເອກະສານ, ການບຳລຸງຮັກສາແອເຢັນ ແລະ ການສ້ອມແປງພາຫະນະ ໂດຍມີການປະມູນລາຄາຫົວໜ່ວຍ ແລະ ເຮັດສັນ
ຍາກັບບໍລິສັດ ຫຼື ຮ້ານຄ້າທີ່ໃຫ້ການບໍລິຫານໃນຮູບແບບມອບ ເໝົາເປັນປີ ແລະ ອື່ນໆ, ໄດ້ສໍາ ເລັດເບື້ອງຕົ້ນການຄົ້ນຄວ້າຮ່າງ ຄໍາແນະນໍາກ່ຽວກັບການປະຢັດ ລາຍຈ່າຍງົບປະມານຂອງລັດເພື່ອກໍານົດກົນໄກ ແລະ ວິທີການ ຈັດຕັ້ງປະຕິບັດໃຫ້ເປັນເອກະພາບໃນຂອບເຂດທົ່ວປະເທດເພື່ອເປັນ ພື້ນຖານບ່ອນອີງໃຫ້ບັນດາຫົວໜ່ວຍງົບປະມານແຕ່ລະຂັ້ນນໍາ ໄປຈັດຕັ້ງປະຕິບັດການປະມູນຕາມທີ່ໄດ້ກໍານົດໄວ້ໃນກົດໝາຍ ວ່າດ້ວຍການຈັດຊື້-ຈັດຈ້າງດ້ວຍທຶນຂອງລັດ ແລະ ລະບຽບການ
ທີ່ກ່ຽວຂ້ອງ. ເຖິງຢ່າງໃດກໍຕາມການຜັນຂະຫຍາຍ ແລະ ຈັດຕັ້ງ ປະຕິບັດນະໂຍບາຍ ແລະ ນິຕິກຳກ່ຽວກັບການປະຢັດ ແລະ ຕ້ານການຟູມເຟືອຍ ໃນໄລຍະຜ່ານມາຢູ່ຫຼາຍບ່ອນຍັງເຮັດບໍ່ທັນເລິກເຊິ່ງທົ່ວເຖິງ ແລະ ຕໍ່ເນື່ອງການປະຢັດ ຍັງບໍ່ທັນກາຍເປັນສະຕິຕື່ນຕົວ ແລະ ຄວາມຮັບຜິດຊອບຂອງແຕ່ລະບຸກຄົນເຊັ່ນຍັງມີບາງໂຄງການລົງທຶນຂອງລັດທີ່ເຫັນວ່າ ມູນຄ່າສູງຜິດປົກກະຕິເປັນຕົ້ນ ໃນປີ 2017 ທີ່ຜ່ານມາສາມາດ ພົບເຫັນໂຄງການທີ່ມີມູນຄ່າສູງ ທັງໝົດ 18 ໂຄງການ ແລະ ສາມາດກວດກາຕັດມູນຄ່າລົງປະ ຢັດງົບປະມານຂອງລັດໄດ້ລວມ
ເປັນເງິນປະມານ 1.616,96 ຕື້ກີບ ຫຼື ປະມານ 200 ລ້ານໂດລາ ສະຫະລັດ ແລະ ໃນປີ 2018 ເຖິງທ້າຍເດືອນ ຕຸລາ ມີທັງໝົດ 12 ໂຄງການສາມາດປະຢັດງົບປະ ມານຂອງລັດໄດ້ຕື່ມຈໍານວນ 1.943,89 ຕື້ກີບ ຫຼື ປະມານ 219 ລ້ານໂດລາສະຫະລັດ ປັດ ຈຸບັນລັດຖະບານໄດ້ຕົກລົງແຕ່ງ ຕັ້ງຄະນະສະເພາະກິດໜຶ່ງຂຶ້ນ ເພື່ອດໍາເນີນການກວດກາບັນດາ
ໂຄງການລົງທຶນຂອງລັດ ໂດຍການຊີ້ນໍາຂອງທ່ານຮອງນາຍົກລັດຖະມົນຕີ, ປະທານອົງການ ກວດກາລັດຖະບານພວມດໍາເນີນການຢູ່.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
