ວັນເສົາ, ວັນທີ 07 ທັນວາ 2024
ສະຫາຍ ບຸນຍັງ ວໍລະຈິດ ຕ້ອນຮັບລັດຖະມົນຕີກະຊວງປ້ອງກັນປະເທດ ແຫ່ງ ສປ ຈີນ ເຂົ້າຢ້ຽມຂ່ຳນັບ
ເວລາອອກຂ່າວ: 2019-11-15 11:41:54 | ຜູ້ຂຽນ : admin3 | ຈຳນວນຄົນເຂົ້າຊົມ: 167 | ຄວາມນິຍົມ: 
ໃນວັນທີ 14 ພະຈິກ ນີ້, ສະຫາຍ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງສະຫາຍ ພົນເອກ ເຫວີ້ຍ ເຟິງເຫີ ທີ່ປຶກສາແຫ່ງລັດ,ລັດຖະມົນຕີກະຊວງປ້ອງກັນປະເທດແຫ່ງ ສປ ຈີນ ພ້ອມຄະນະໃນໂອກາດທີ່ເດີນທາງມາ ຢ້ຽມຢາມ ແລະ ເຮັດວຽກຮ່ວມກັບກະຊວງປ້ອງກັນປະເທດແຫ່ງ ສປປ ລາວ ລະຫວ່າງ ວັນທີ 13-15 ພະຈິກ ນີ້.
ສະຫາຍ ບຸນຍັງ ວໍລະຈິດ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການເດີນທາງມາຢ້ຽມຢາມ ສປປ ລາວ ຢ່າງເປັນທາງການຂອງສະຫາຍ ພົນເອກ ເຫວີ້ຍ ເຟິງເຫີ ໃນຄັ້ງນີ້, ເຊິ່ງ ເປັນ
ການຢ້ຽມຢາມຄັ້ງທຳອິດໃນຕຳແໜ່ງເປັນລັດຖະມົນຕີກະຊວງປ້ອງກັນປະເທດ ແຫ່ງ ສປ ຈີນ ແລະ ຖືວ່າການຢ້ຽມຢາມຄັ້ງນີ້ເປັນການປະກອບສ່ວນອັນສຳຄັນເຂົ້າໃນການເພີ່ມທະວີສາຍພົວພັນ ມິດຕະພາບ ທີ່ດີງາມ, ທັງເປັນ ການປະກອບສ່ວນສຳຄັນເຂົ້າໃນການເສີມຂະຫຍາຍມູນເຊື້ອ
ຄວາມສາມັກຄີ ແລະ ການພົວພັນຮ່ວມມືລະຫວ່າງສອງພັກ, ສອງລັດ ແລະ ປະຊາຊົນສອງຊາດກໍຄື ສອງກະຊວງປ້ອງກັນ ປະ ເທດ ລາວ-ຈີນ , ຈີນ-ລາວ ໃຫ້ແຕກດອກອອກຜົນຈະເລີນງອກງາມຍິ່ງຂຶ້ນເລື້ອຍໆ.
ສະຫາຍ ພົນເອກ ເຫວິ້ຍ ເຟິງເຫີ ກໍໄດ້ສະແດງຄວາມຂອບໃຈຕໍ່ ສະຫາຍ ບຸນຍັງ ວໍລະຈິດ ທີ່ໄດ້ໃຫ້ການຕ້ອນຮັບຢ່າງອົບອຸ່ນ. ພ້ອມທັງໄດ້ແຈ້ງສະພາບຂອງ ການເດີນທາງມາຢ້ຽມຢາມ ແລະ
ເຮັດວຽກ ໃນການສືບຕໍ່ການຮ່ວມມືວຽກງານຫຼາຍດ້ານເຊິ່ງກັນ ແລະ ກັນລະຫວ່າງກອງທັບ ຈີນ-ລາວ,ລາວ-ຈີນ ແມ່ນ ໄດ້ຮັບຜົນສໍາເລັດຢ່າງຈົບງາມ.
ໃນການເດີນທາງຢ້ຽມຢາມ ແລະ ເຮັດວຽກ ຢູ່ ສປປ ລາວ ຂອງ
ຄະນະຜູ້ແທນການທະຫານຂັ້ນສູງ ສປ ຈີນ ຄັ້ງນີ້ຍັງໄດ້ເຂົ້າຮ່ວມ ຮັບຊົມການສະແດງຫັດແອບການທະຫານຍິງລູກປືນແທ້ຂອງ
ກອງພັນໃຫຍ່ 11 ຢູ່ ວິທະຍາຄານກົມມະດໍາ, ຢ້ຽມຢາມວິທະຍາຄານປ້ອງກັນຊາດ ໄກສອນ ພົມວິຫານ ແລະ ເຄື່ອນໄຫວຢ້ຽມຢາມໂຮງໝໍສູນກາງ 103 ກອງທັບ.
ໂດຍ: ໂຊເລ້
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
