POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ທັນວາ 2024

ຄະນະພັກຮາກຖານຫ້ອງການເມືອງທະຫານແຂວງສະຫວັນນະເຂດ ສຳເລັດກອງປະຊຸມໃຫຍ່ຄັ້ງທີ VI
ເວລາອອກຂ່າວ: 2019-11-19 08:51:03 | ຜູ້ຂຽນ : admin3 | ຈຳນວນຄົນເຂົ້າຊົມ: 176 | ຄວາມນິຍົມ:

ໃນວັນທີ 13 ພະຈິກ ນີ້, ຄະນະພັກຮາກຖານຫ້ອງການເມືອງທະຫານແຂວງສະຫວັນນະເຂດ ໄດ້ເປີດກອງປະ ຊຸມໃຫຍ່ຄັ້ງທີ VI ຂຶ້ນໂດຍການເປັນປະທານຂອງ ສະຫາຍ ພົນຈັດຕະວາ ຈະເລີນ ວົງວິໄຊ ເລຂາຄະນະພັກ, ຫົວໜ້າການເມືອງກອງບັນຊາການທະຫານແຂວງ, ມີເລຂາຄະນະພັກຮາກຖານ, ສະມາຊິກພັກສົມບູນ-ສຳຮອງເຂົ້າຮ່ວມ. ສະຫາຍ ພັນໂທ ຄຳຜົງ ພັດທະນາ ເລຂາຄະນະພັກຮາກຖານຫົວໜ້າຫ້ອງການເມືອງໄດ້ຂຶ້ນຜ່ານບົດລາຍງານການເມືອງທັງສອງພາກໃນການເຄື່ອນໄຫວຊີ້ນຳ-ນຳພາຂອງຄະນະພັກຮາກຖານໃນໄລຍະຜ່ານມາຕໍ່ກອງປະຊຸມເຊິ່ງຄະນະພັກຮາກຖານປະກອບມີ 4 ໜ່ວຍພັກຂຶ້ນກັບ, ມີສະມາຊິກພັກທັງໝົດ 91 ສະຫາຍ, ຍິງ 28 ສະຫາຍ ແລະ ສະມາຊິກພັກສຳຮອງ 1 ສະຫາຍ, ຂະຫຍາຍເຂົ້າໃໝ່ມີ 4 ສະຫາຍ, ໂດຍປະຕິ ບັດຕາມ 5 ຫຼັກການ 3 ທິດນຳ ຂອງພັກວາງອອກໃນການສ້າງ ໜ່ວຍພັກປອດໃສ ເຂັ້ມແຂງ ໜັກແໜ້ນ, ຄະນະພັກ-ຄະນະບັນຊາພວກເຮົາໄດ້ຖືເອົາວຽກງານສຶກສາອົບຮົມການເມືອງ-ນຳພາແນວຄິດເປັນສຳຄັນ, ເຮັດໃຫ້ພະນັກງານ-ນັກຮົບມີແນວຄິດຫຼັກໝັ້ນຄຸນທາດການເມືອງໜັກແໜ້ນຕໍ່ແນວທາງນະໂຍບາຍຂອງພັກ-ລັດວາງອອກໄດ້ດີ, ໄປຄວບຄູ່ກັບການນຳເອົາເອກະສານມາຈັດຕັ້ງເຊື່ອມຊຶມເຮັດໃຫ້ພະນັກງານສະມາຊິກພັກ-ຮູ້ແຈ້ງຕໍ່ແນວທາງນະໂຍບາຍປ່ຽນແປງໃໝ່ຂອງພັກພ້ອມນັ້ນຍັງໄດ້ກະຕຸກຊຸກຍູ້ຊາວໜຸ່ມ-ແມ່ຍິງເຄື່ອນໄຫວຕາມ ພາລະບົດບາດຂອງຕົນຢ່າງແຂງ ແຮງທາງດ້ານສິລະປະ-ວັນນະ ຄະດີທີ່ກົມກອງຈັດຂຶ້ນ ກໍຄືຂັ້ນເທິງຍາດໄດ້ບັນຍາກາດຟົດຟື້ນກວ້າງຂວາງ, ນອກນັ້ນຍັງໄດ້ ມອບໃບ ຢັ້ງຢືນຊາວໜຸ່ມ 4 ບຸກ ຄັ້ງທີ 2ໃຫ້ຈຳນວນ 3 ກົມກອງ, ມອບໃບຢັ້ງຢືນສະມາຊິກແມ່ຍິງ 3 ດີ ໄດ້ 38 ສະຫາຍ, ປັດຈຸບັນ ມີເງິນກອງ ທຶນແມ່ຍິງທັງໝົດ 30.307.000 ກີບ, ປັບປຸງສັບຊ້ອນພະນັກງານລົງເຮັດວຽກໄດ້ 50 ກົມກອງ, ສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງໄດ້ 136 ບ້ານ ແລະ ມີ 20.429 ຄອບຄົວ, ລົງເຜີຍແຜ່ກົດໝາຍໄດ້ 14 ກົມກອງ, ສ້າງກົມກອງປອດ ໃສ, ປອດໄພ, ປອດຄະດີປະເພດ 1 ໄດ້ 29 ກົມກອງ, ປະເພດ 2 ໄດ້ 13 ກົມກອງ ແລະ ປະເພດ 3 ໄດ້ 1 ກົມກອງ. ຮ່ວມດຳເນີນຊີ ວິດການເມືອງປັບປຸງແບບແຜນ ມີ 8 ກົມກອງ, ເຜີຍແຜ່ການອອກບັດ ແລະ ມອບບັດໄດ້ 16 ກົມ ກອງ, ດ້ານວຽກງານແກ້ໄຂຊີວິດການເປັນຢູ່ໂດຍຖືເອົາການປູກຝັງ-ລ້ຽງສັດເປັນຫຼັກ ເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບພາຍໃນກົມກອງດີຂຶ້ນເປັນກ້າວໆ. ໂອກາດດັ່ງກ່າວຜູ້ເຂົ້າຮ່ວມກອງປະຊຸມກໍໄດ້ຂຶ້ນສະເໜີປະກອບຄຳຄິດຄຳເຫັນໃສ່ ບົດລາຍງານການເມືອງທັງສອງພາກຢ່າງກົງໄປກົງມາເພື່ອເຮັດໃຫ້ບົດລາຍງານດັ່ງກ່າວມີເນື້ອໃນອຸດົມສົມບູນຂຶ້ນຕື່ມ,ຈາກນັ້ນກໍໄດ້ວາງທິດທາງແຜນການນຳພາໃນຊຸມປີຕໍ່ໜ້າ,ພ້ອມນັ້ນຍັງໄດ້ຜ່ານມາດຖານເງື່ອນໄຂ,ຜູ້ທີ່ສະໝັກລົງເລືອກຕັ້ງເຂົ້າໃນຄະນະພັກຮາກຖານຊຸດໃໝ່ເຊິ່ງມີຜູ້ຮັບສະໝັກລົງເລືອກຕັ້ງຈຳນວນ 9 ສະຫາຍ, ເລືອກເອົາ 7 ສະຫາຍ, ເຫັນວ່າໄດ້ຕາມຄາດໝາຍ. ກອງປະຊຸມໄດ້ເລືອກເອົາ ສະຫາຍ ພັນ ໂທ ຄຳຜົງ ພັດທະນາ ເປັນເລຂາຄະນະພັກຮາກຖານ, ສະຫາຍ ພັນໂທ ຄູນສະໄໝ ລິນສັນຍາ ເປັນຮອງເລຂາ, ສະຫາຍ ພັນໂທ ສົມຕາ ສີລິປັນຍາ ເປັນປະທານກວດກາພັກ ແລະ ອີກ 4 ສະຫາຍເປັນ ກຳມະການພ້ອມນັ້ນຍັງໄດ້ປ່ອນບັດເລືອກຕັ້ງເອົາຜູ້ແທນສົມບູນ-ສຳຮອງກຽມໄປຮ່ວມກອງປະຊຸມນຳຄະນະພັກຂັ້ນເທິງໄດ້ຕາມ ລະດັບຄາດໝາຍ. ໂດຍ: ຄຳໃສ

news to day and hot news