ວັນພຸດ, ວັນທີ 04 ທັນວາ 2024
ກົມກອງຕ່າງໆ ສຸມໃສ່ອົບຮົມ-ຫັດແອບ ປະຈຳປີ 2020
ເວລາອອກຂ່າວ: 2020-02-24 10:11:00 | ຜູ້ຂຽນ : admin3 | ຈຳນວນຄົນເຂົ້າຊົມ: 100 | ຄວາມນິຍົມ: 
ປະຕິບັດຕາມແຜນການອົບຮົມ-ຫັດແອບປັບ
ປຸງລະບຽບແບບແຜນ, ເຝິກຝົນກຳລັງແຮງກາຍ
ປະຈຳປີ 2020 ຂອງກົມໃຫຍ່ເສນາທິການກອງ ທັບ ແລະ ແຜນການອົບຮົມຫັດແອບປະຈໍາປີຂອງ ແຕ່ລະກົມກອງ, ເຊິ່ງໃນກາງເດືອນກຸມພາຜ່ານມາ ມີຫຼາຍກົມກອງ ໄດ້ສຸມໃສ່ອົບຮົມ-ຫັດແອບໃຫ້ ພະນັກງານ-ນັກຮົບຂອງຕົນ ແນໃສ່ປັບປຸງລະບຽບ ແບບແຜນໃຫ້ຮັດກຸມ, ມີຄວາມເປັນເອກະພາບ ທັງເຮັດໃຫ້ມີຄວາມຊຳນານຄ່ອງແຄ້ວທາງດ້ານສິລະ ປະຍຸດ-ຍຸດທະວິທີ ເພື່ອກຽມພ້ອມເຮັດສຳເລັດໜ້າທີ່ ການເມືອງຂອງຕົນ.
+ ກອງບັນຊາການທະຫານແຂວງຈໍາປາສັກ: ໄດ້ເປີດຊຸດອົບຮົມ-ຫັດແອບວຽກງານການເມືອງ, ການທະຫານ, ພະລາທິການ-ເຕັກນິກ ໄລຍະສັ້ນ ໃຫ້ແກ່ຜູ້ຊີ້ນໍາ-ບັນຊາກອງບັນຊາການທະຫານ 9 ຕົວເມືອງ, 1 ນະຄອນ, ກອງພັນ, ໂຮງຮຽນ, ໂຮງໝໍ ຕະຫຼອດຮອດກົມກອງອ້ອມຂ້າງທີ່ຂຶ້ນກັບ ແນໃສ່ເຮັດໃຫ້ມີຄວາມເປັນເອກະພາບກັນທາງ
ດ້ານລະບຽບແບບແຜນໃນທົ່ວທະຫານແຂວງ, ທັງເປັນການຍົກລະດັບຄວາມຮູ້, ຄວາມສາມາດ ທາງດ້ານວຽກງານເສນາທິການໃຫ້ແກ່ຜູ້ບັນຊາ ຂຶ້ນຕື່ມອີກກ້າວໜຶ່ງ ເພື່ອສາມາດຊີ້ນໍາ-ນໍາພາວຽກ ງານອົບຮົມ-ຫັດແອບຢູ່ກົມກອງຂອງຕົນໃຫ້ມີ ການຮັບປະກັນດີ.
+ ກອງພັນໃຫຍ່ 643: ໄດ້ເປີດຊຸດອົບຮົມ-ຫັດ
ແອບປະຈໍາປີ 2020 ໃຫ້ແກ່ພະນັກງານ-ນັກຮົບ ພາຍໃນກົມກອງຂອງຕົນ ໂດຍບັ້ນອົບຮົມ-ຫັດ
ແອບໄດ້ເລັ່ງໃສ່ອົບຮົມວຽກງານການເມືອງ,
ການທະຫານ ແລະ ພະລາທິການເຕັກນິກ, ກຳນົດ ເວລາອົບຮົມ 150 ວັນ, ແບ່ງອອກເປັນ 2 ໄລຍະ, ໄລຍະທີ 1 ເລີ່ມແຕ່ເດືອນກຸມພາ-ພຶດສະພາ ແລະ ໄລຍະທີ 2 ເລີ່ມແຕ່ເດືອນກໍລະກົດ-ເດືອນຕຸລາ 2020, ທັງນີ້ ກໍເພື່ອເຮັດໃຫ້ພະນັກງານ-ນັກຮົບ
ມີຄຸນທາດການເມືອງໜັກແໜ້ນ, ມີລະບຽບວິໄນ ເຂັ້ມງວດ, ທັງເປັນການຍົກລະດັບຄວາມຮູ້, ຄວາມ ສາມາດດ້ານວຽກງານວິຊາສະເພາະ, ສິລະປະ ຍຸດ-ຍຸດທະວິທີຮັບປະກັນໃຫ້ແກ່ການກຽມພ້ອມ ສູ້ຮົບໄດ້ 100%.
+ ກອງພັນໃຫຍ່ 279: ຈັດຕັ້ງເປິດຊຸດອົບຮົມ-ຫັດແອບການເມືອງ, ການທະຫານ, ພະລາທິການ ແລະ ເຕັກນິກປະຈໍາປີ 2020, ຈຸດປະສົງເພື່ອ ເປັນການຍົກລະດັບຄວາມຮູ້ຄວາມສາມາດທາງ
ດ້ານວິຊາສະເພາະ, ສິລະປະຍຸດ-ຍຸດທະວິທີ, ທັງ
ເຮັດໃຫ້ພະນັກງານ-ນັກຮົບມີລະບຽບວິໄນເຂັ້ມ ງວດ, ເພື່ອຮັບປະກັນໃນເວລາປະຕິບັດໜ້າທີ່ໃຫ້ມີ
ຜົນສໍາເລັດ ແລະ ຮັບປະກັນຄວາມປອດໄພ 100%, ອີກດ້ານໜຶ່ງເພື່ອເປັນການກວດກາຕີລາຄາຄຸນນະ ພາບຂອງພະນັກງານ-ນັກຮົບຮອບດ້ານອີກດ້ວຍ.
+ ກອງພັນໃຫຍ່ 661: ໄດ້ເປີດບັ້ນອົບຮົມ-ຫັດ
ແອບ ໃຫ້ແກ່ທະຫານໃໝ່ມາຈາກກົມກອງກຳລັງ ຫຼວງ-ກຳລັງທອງຖິ່ິນຕ່າງໆ ທີ່ບໍ່ທັນໄດ້ຜ່ານພື້ນ ຖານການທະຫານມາກ່ອນ ແນໃສ່ເຮັດໃຫ້ທະຫານ ໃໝ່ດັ່ງກ່າວມີຄຸນທາດການເມືອງໜັກແໜ້ນ, ມີຄວາມຈົງຮັກພັກດີຕໍ່ພັກ, ຕໍ່ປະເທດ ແລະ ຕໍ່ ກອງທັບ, ທັງເຮັດໃຫ້ເຂົາເຈົ້າມີຄວາມຮູ້ພື້ນຖານທາງດ້ານສິລະປະຍຸດ-ຍຸດທະວິທີທະຫານຮາບ, ມີລະບຽບວິໄນເຂັ້ມງວດ ແລະ ເຝິກຝົນຫຼໍ່ຫຼອມຕົນ ເອງໃຫ້ກາຍເປັນພະນັກງານນັກຮົບທີ່ດີຂອງກອງທັບໃນຕໍ່ໜ້າ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
