POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກົມໃຫຍ່ການເມືອງກອງທັບ ຈັດຕັ້ງເຜີຍແຜ່ຜົນສຳເລັດກອງປະຊຸມວຽກງານພະລາທິການທົ່ວກອງທັບ ປະຈຳປີ 2019
ເວລາອອກຂ່າວ: 2020-05-27 15:08:05 | ຜູ້ຂຽນ : admin3 | ຈຳນວນຄົນເຂົ້າຊົມ: 174 | ຄວາມນິຍົມ:

ກົມໃຫຍ່ການເມືອງກອງທັບ ໄດ້ຈັດກອງປະຊຸມເຜິຍແຜ່ເຊື່ອມ ຊຶມຜົນສຳເລັດກອງປະຊຸມວຽກ ງານພະລາທິການທົ່ວກອງທັບ ປະຈຳປີ 2019 ແລະ ທິດທາງ ແຜນການປີ 2020 ໃນວັນທີ 26 ພຶດສະພາ ນີ້, ໂດຍການເຂົ້າ ຮ່ວມເປັນປະທານຂອງສະຫາຍ ພົນຈັດຕະວາ ວໍລະສານ ວິລັດ ດາວົງ ຮອງຫົວໜ້າກົມໃຫຍ່ການ ເມືອງກອງທັບ, ມີຄະນະພັກ-ຄະນະບັນຊາບັນດາກົມ, ກອງ, ຫ້ອງການ, ພະແນກການທີ່ຂຶ້ນກັບກົມໃຫຍ່ການເມືອງກອງທັບເຂົ້າຮ່ວມ. ສະຫາຍ ພັນເອກ ສິງຄຳ ພິມມະວົງສ໌ ຫົວໜ້າຫ້ອງການບໍລິຫານກົມໃຫຍ່ການເມືອງກອງ ທັບ ໄດ້ຂຶ້ນເຜິຍແຜ່ເອກະສານຜົນ ສຳເລັດກອງປະຊຸມວຽກງານພະ ລາທິການທົ່ວກອງທັບປະຈຳປີ 2019 ແລະ ທິດທາງແຜນການ ປີ 2020 ເຊິ່ງຍົກໃຫ້ເຫັນຈຸດດີ, ຂໍ້ຄົງຄ້າງ ແລະ ບົດຮຽນທີ່ຖອດ ຖອນໄດ້. 1 ປີຜ່ານມາການຈັດຕັ້ງ ປະຕິບັດວຽກງານພະລາທິການ ທົ່ວກອງທັບແມ່ນມີລັກສະນະ ຕັ້ງໜ້າພໍສົມຄວນ ສາມາດຮັບປະ ກັນເຮັດໃຫ້ກອງທັບໄດ້ເຄື່ອນ ໄຫວປະຕິບັດໜ້າທີ່ປ້ອງກັນຊາດ ໄດ້ຢ່າງຕໍ່ເນື່ອງເຮັດໃຫ້ປະເທດ ຊາດມີສະຖຽນລະພາບ, ສັງຄົມ ມີຄວາມສະຫງົບໂດຍພື້ນຖານ ແລະ ໜັກແໜ້ນ ພ້ອມທັງປະ ກອບສ່ວນເຂົ້າໃນການພັດທະນາ ເສດຖະກິດ-ສັງຄົມແຫ່ງຊາດໃນ ລະດັບທີ່ແນ່ນອນ, ຊີວິດການເປັນ ຢູ່ຂອງນາຍ ແລະ ພົນທະຫານດີ ຂຶ້ນເທື່ອລະກ້າວ. ທັງນີ້ກໍຍ້ອນ ຄະນະພັກ-ຄະນະບັນຊາ ແລະ ພະນັກງານວິຊາສະເພາະຮັບຮູ້ສະພາບຄວາມເປັນຈິງຂອງ ເສດຖະກິດການເງິນແຫ່ງຊາດ, ເຊື່ອມຊຶມແນວທາງ ແລະ ທັດ ສະນະຂອງພັກທີ່ວ່າ: ກຸ້ມຕົນ ເອງ, ເພິ່ງຕົນເອງ ແລະ ເປັນເຈົ້າ ການສ້າງຄວາມເຂັ້ມແຂງດ້ວຍ ຕົນເອງຢ່າງແຂງແຮງ, ຕ້ານ ແນວຄິດເອື່ອຍອີງ-ລໍຖ້າແຕ່ ລະບົບອັດຕາ ແລະ ງົບປະມານ ຈາກຂັ້ນເທິງ, ສູ້ຊົນບຸກບືນສຸມ ທຸກເງື່ອນໄຂຄວາມອາດສາ ມາດຂອງກົມກອງເພື່ອບັນລຸ ຄາດໝາຍກ່ຽວກັບວຽກງານ ການຄຸ້ມຄອງລ້ຽງດູທັບ ໃນໄລ ຍະໃໝ່ທີ່ກະຊວງປ້ອງກັນປະເທດ ວາງອອກ, ເຊື່ອມຊຶມກໍາແໜ້ນ ແລະ ຮູ້ໝູນໃຊ້ແນວທາງນະໂຍ ບາຍຂອງພັກ, ແຜນພັດທະນາ ເສດຖະກິດຂອງລັດຖະບານ, ມະ ຕິຂອງຄະນະພັກກະຊວງປ້ອງ ກັນປະເທດວ່າດ້ວຍ 4 ໜ້າທີ່ ໃຫຍ່ ແລະ 26 ແຜນງານ ໂດຍສະ ເພາະແມ່ນໜ້າທີ່ໆ 3 ແລະ 4 ແຜນ ງານດ້ານວຽກງານພະລາທິການ ໃຫ້ສອດຄ່ອງກັບສະພາບເງື່ອນ ໄຂຕົວຈິງຂອງກົມກອງ. ໃນປີ 2019 ທີ່ຜ່ານມາສາມາດ ຕອບສະໜອງເຂົ້າກິນໄດ້ຈໍານວນ 39.564 ໂຕນ, ໃນນັ້ນກໍາລັງຫຼວງ 22.282 ໂຕນ, ກໍາລັງທ້ອງຖິ່ນ 17.271 ໂຕນ, ແຕ່ກໍມີຄວາມ ຫຍຸ້ງຍາກຍ້ອນໄດ້ຮັບຜົນກະ ທົບຈາກໄພນ້ໍາຖ້ວມເຮັດໃຫ້ລາ ຄາເຂົ້າສູງ-ບາງກົມກອງໄດ້ຊື້ ຈາກຫວຽດນາມມາແກ້ໄຂ, ສ່ວນ ກົມໃຫຍ່ການເມືອງກອງທັບໄດ້ສະໜອງເຂົ້າ 292.640 ກິໂລ, ເປັນເງິນສົດມາຊື້ເຂົ້າກິນເອງ 1.864.800.000 ກີບ, ດ້ານຊີ້ນ ແລະ ຜັກກິນ: ມີຫຼາຍກົມກອງສາມາດຜະລິດຊີ້ນກຸ້ມຕົນເອງ ໄດ້ 30-50%, ຜັກກິນ ແຕ່ 50-80% ຂຶ້ນໄປ, ສ່ວນກົມໃຫຍ່ການ ເມືອງກອງທັບກໍໄດ້ປຸກລະດົມ ລ້ຽງສັດປີກ ແລະ ປູກພືດລົ້ມລຸກ ສະໜອງໃຫ້ເຮືອນຄົວໄດ້ຈໍານວນ ໜຶ່ງ. ສ່ວນດ້ານເຄື່ອງນຸ່ງຫົ່ມ, ການເງິນ, ນ້ຳມັນເຊື້ອໄຟ ແລະ ອື່ນໆ...ກໍສາມາດຮັບປະກັນໄດ້ຕາມລະບົບອັດຕາການເບິີກຈ່າຍ. ໂອກາດດັ່ງກ່າວ ສະຫາຍ ພົນ ຈັດຕະວາ ວໍລະສານ ວິລັດດາ ວົງກໍໄດ້ເນັ້ນໃຫ້ຄະນະພັກ-ຄະ ນະບັນຊາ, ພະນັກງານເຫຼົ່າຮົບວິຊາສະເພາະພະລາທິການແຕ່ລະ ຂັ້ນເປັນເຈົ້າການ ແລະ ມີຄວາມ ຮັບຜິດຊອບສູງຕໍ່ໜ້າທີ່ວິຊາສະ ເພາະຂອງຕົນທີ່ໄດ້ຮັບມອບ ໝາຍ, ສາມາດເປັນເສນາທິການ ຊ່ວຍໃຫ້ຄະນະພັກ-ຄະນະບັນຊາ ແລະ ອົງການວິຊາສະເພາະຂັ້ນເທິງໄດ້ເຮັດສໍາເລັດໜ້າທີ່ເປັນ ຢ່າງດີ, ຕ້ອງເປັນເອກະພາບກັບ ທິດທາງວຽກງານພະລາທິການ, ປະກອບສ່ວນຢ່າງຕັ້ງໜ້າ, ມີ ຄວາມອົດທົນຜ່ານຜ່າຄວາມ ຫຍຸ້ງຍາກຕ່າງໆ, ພ້ອມກັນນັ້ນກໍຕ້ອງຮູ້ພົວພັນຍາດແຍ່ງເອົາການ ສະໜັບສະໜູນ-ການຊ່ວຍເຫຼືອ ຈາກອົງການຈັດຕັ້ງຕ່າງໆໃຫ້ ຫຼາຍຂຶ້ນ.

news to day and hot news