ວັນພະຫັດ, ວັນທີ 05 ທັນວາ 2024
ມອບ-ໂອນພະນັກງານອຸດໜູນບຳນານ ແລະ ເສຍອົງຄະໃຫ້ກອງບັນຊາການທະຫານນະຄອນຫຼວງວຽງຈັນ
ເວລາອອກຂ່າວ: 2020-06-03 09:54:21 | ຜູ້ຂຽນ : admin3 | ຈຳນວນຄົນເຂົ້າຊົມ: 117 | ຄວາມນິຍົມ: 
ໃນວັນທີ 29 ພຶດສະພານີ້ຢູ່ ທີ່ສະໂມສອນພະແນກແຮງງານ ແລະ ສະຫວັດດີການສັງຄົມ ນະຄອນຫຼວງວຽງຈັນ ໄດ້ຈັດພິ ທີມອບ-ໂອນ ການຄຸ້ມຄອງນາຍ ແລະ ພົນທະຫານ, ນາຍ ແລະ ພົນ ຕຳຫຼວດທີ່ໄດ້ຮັບນະໂຍບາຍອຸດ ໜູນບຳນານເສຍອົງຄະລະຫວ່າງ
ພະແນກແຮງງານ ແລະ ສະຫວັດ
ດີການສັງຄົມນະຄອນຫຼວງວຽງ
ຈັນ ມອບໃຫ້ກອງບັນຊາການ
ທະຫານນະຄອນຫຼວງວຽງຈັນ ໂດຍການເປັນປະທານ ຂອງ ສະຫາຍ ພົນຈັດຕະວາ ສີພອນ ຈັນສົມວົງ ຄະນະປະຈຳພັກນະຄອນຫຼວງວຽງຈັນ ເລຂາຄະນະ
ພັກ ຫົວໜ້າການເມືອງກອງ ບັນຊາການທະຫານນະຄອນ ຫຼວງວຽງຈັນ, ມີທ່ານ ນາງ ລຳພອຍ ສີອັກຄະຈັນ ຫົວໜ້າ ພະແນກແຮງງານ ແລະ ສະ ຫວັດດີການສັງຄົມນະຄອນ ຫຼວງວຽງຈັນ, ມີຄະນະນຳກະ ຊວງແຮງງານ ແລະ ສະຫວັດ ດີການສັງຄົມ, ຄະນະອຳນວຍ ການ, ຫ້ອງການກອງທຶນປະກັນ ສັງຄົມແຫ່ງຊາດ, ຄະນະນຳກະ ຊວງປ້ອງກັນປະເທດ, ກະຊວງ ປ້ອງກັນຄວາມສະຫງົບ, ນະຄອນ ຫຼວງວຽງຈັນ, ຄະນະສະຫະພັນ ນັກຮົບເກົ່າແຫ່ງຊາດ-ນະຄອນ ຫຼວງວຽງຈັນ ມີຄະນະສູນ, ຄະ ນະຫ້ອງການ ຮສສ 9 ເມືອງ ເຂົ້າຮ່ວມ.
ທ່ານ ສົມຫວັງ ອິນທະວົງ ຫົວໜ້າສູນບໍລິການກອງທຶນ ປະກັນສັງຄົມນະຄອນຫຼວງ ວຽງຈັນ ໄດ້ຂຶ້ນຜ່ານບົດລາຍ ງານຫຍໍ້ກ່ຽວກັບການຄຸ້ມຄອງ ພະນັກງານບຳນານຂອງພະ ແນກແຮງງານ ແລະ ສະຫວັດດີ ການສັງຄົມນະຄອນຫຼວງວຽງ ຈັນທີ່ຜ່ານມາເຊິ່ງໃຫ້ຮູ້ວ່າ: ໂດຍອີງຕາມຂໍ້ຕົກລົງຂອງລັດ ຖະມົນຕີກະຊວງແຮງງານ ແລະ ສະຫວັດດີການສັງຄົມ ວ່າດ້ວຍ ການມອບໂອນບັນຊີນາຍ ແລະ ພົນທະຫານ, ນາຍ ແລະ ພົນທະ ຕຳຫຼວດທີ່ໄດ້ຮັບນະໂຍບາຍ ອຸດໜູນບຳນານ, ເສຍອົງຄະຄືນ ໃຫ້ກະຊວງ ປ້ອງກັນປະເທດ ແລະ ກະຊວງປ້ອງກັນຄວາມສະ ຫງົບ ເຊິ່ງໃນນີ້ທົ່ວນະຄອນ ຫຼວງວຽງຈັນ ມີພະນັກງານອາ ວຸໂສບຳນານທັງໝົດ 6.566 ທ່ານ, ຍິງ 2.953 ທ່ານ, ມີພະ ນັກງານເສຍອົງຄະທັງໝົດ 973 ທ່ານ, ຍິງ 204 ທ່ານ, ມອບ ພະນັກງານບໍານານໃຫ້ກອງບັນ ຊາການທະຫານນະຄອນຫຼວງ ວຽງຈັນ ທັງໝົດ 2.888 ທ່ານ, ຍິງ 1.123 ທ່ານ ມີພະນັກງານ ເສຍອົງຄະ 392 ທ່ານ, ຍິງ 90 ທ່ານ, ພະນັກງານບຳນານ 391 ທ່ານ, ຍິງ 90 ທ່ານ, ເສຍ ອົງຄະປະຈຳການ 1 ທ່ານ, ອຸດ ໜູນລູກພະນັກງານບໍ່ທັນພົ້ນກະ ສຽນ 102 ຄົນ, ອຸດໜູນລູກກຳ ພ້າ 8 ຄົນ, ອຸດໜູນໝ້າຍ 73, ມອບໃຫ້ກຳລັງປ້ອງກັນຄວາມ ສະຫງົບພະນັກງານບຳນານມີ 868 ທ່ານ, ຍິງ 324 ທ່ານ, ມີພະນັກງານເສຍອົງຄະ 53 ທ່ານ, ຍິງ 4 ທ່ານ, ເສຍອົງ ຄະບຳນານ 43 ທ່ານ, ຍິງ 4 ທ່ານ, ເສຍອົງຄະປະຈໍາການ 10 ທ່ານ, ອຸດໜູນລູກພະນັກ ງານບໍານານບໍ່ທັນພົ້ນກະສຽນ 45 ຄົນ, ອຸດໜູນລູກກໍາພ້າ 3 ຄົນ ແລະ ອຸດໜູນໝ້າຍ 14 ຄົນ, ຍິງ 13 ຄົນ.
ໂດຍການກ່າວມອບຂອງ ທ່ານ ນາງ ລຳພອຍ ສີອັກຄະ ຈັນ ຫົວໜ້າພະແນກແຮງງານ ແລະ ສະຫວັດດີການສັງຄົມ ນະຄອນຫຼວງວຽງຈັນ ແລະ ກ່າວຮັບໂດຍ ສະຫາຍ ພັນເອກ ບົວເງິນ ຫົງໄຂຄຳ ຫົວໜ້າ ຫ້ອງການເມືອງທະຫານນະ ຄອນຫຼວງວຽງຈັນ, ໂດຍມີບັນ ດາສະຫາຍພາກສ່ວນທີ່ກ່ຽວ ຂ້ອງເຂົ້າຮ່ວມເປັນສັກຂີພິຍານ.
ໂດຍ: ສຸລິຍາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
