ວັນອັງຄານ, ວັນທີ 03 ທັນວາ 2024
ກົມແຜນການ-ການເງິນ ເຜີຍແຜ່ເອກະສານກ່ຽວກັບວຽກງານການເງິນ
ເວລາອອກຂ່າວ: 2020-06-04 10:20:24 | ຜູ້ຂຽນ : admin3 | ຈຳນວນຄົນເຂົ້າຊົມ: 194 | ຄວາມນິຍົມ: 
ໃນວັນທີ 2 ມິຖຸນາ 2020 ນີ້, ກົມແຜນການ-ການເງິນກົມ
ໃຫຍ່ພະລາທິການກອງທັບ ໄດ້
ເປີດກອງປະຊຸມຈັດຕັ້ງເຜີຍ ແຜ່ເຊື່ອມຊຶມເນື້ອໃນເອກະສານ
ກ່ຽວກັບວຽກງານການເງິນ ໃຫ້ບັນດາກົມກອງໃນຂອບເຂດ ໃຈກາງນະຄອນຫຼວງ ແລະ ກົມ ກອງກຳລັງທ້ອງຖິ່ນຂຶ້ນຢູ່ທີ່ສະໂມສອນກົມໃຫຍ່ພະລາທິ ການກອງທັບ, ໂດຍພາຍໃຕ້ການ ເປັນປະທານຂອງ ສະຫາຍ ພົນ ຈັດຕະວາ ບຸນຊູ ດວງຄຳມີ ກຳ ມະການຄະນະພັກອົງການກົມ ໃຫຍ່ ຫົວໜ້າກົມແຜນການ-ການ ເງິນກົມໃຫຍ່ພະລາທິການກອງ ທັບ, ມີຄະນະນຳກົມ, ຫ້ອງການ, ພະແນກການ, ບັນດາວິທະຍາ ຄານ, ຄະນະພັກ-ຄະນະບັນຊາທີ່ ມາຈາກກຳລັງຫຼວງ-ກຳລັງທ້ອງ ຖິ່ນ, ອົງການ, ໂຮງຮຽນ, ໂຮງ ໝໍ, ຫົວໜ້າພະລາທິການ-ການ ເງິນພ້ອມດ້ວຍພະນັກງານວິຊາ ສະເພາະການເງິນຈາກກົມກອງ ເຂົ້າຮ່ວມ.
ອີງຕາມກົດໝາຍວ່າດ້ວຍ ການຄຸ້ມຄອງສ່ວຍສາອາກອນ (ສະບັບປັບປຸງ) ສະບັບເລກທີ 66/ສພຊ, ລົງວັນທີ 17 ມິຖຸນາ 2019, ຂໍ້ຕົກລົງຂອງນາຍົກລັດ ຖະມົນຕີເລກທີ 31/ນຍ, ລົງວັນ ທີ 2 ເມສາ 2020 ວ່າດ້ວຍ ການກຳນົດນະໂຍບາຍ ແລະ ມາດຕະການ ເພື່ອຫຼຸດຜ່ອນຜົນ ກະທົບຈາກການລະບາດຂອງ ພະຍາດໂຄວິດ-19 ຕໍ່ເສດຖະກິດ ຂອງລາວ, ແຈ້ງການຂອງກະ ຊວງການເງິນ ວ່າດ້ວຍການຈັດ ຕັ້ງປະຕິບັດພັນທະອາກອນຕາມ ຂໍ້ຕົກລົງ ວ່າດ້ວຍການກຳນົດ ນະໂຍບາຍ ແລະ ມາດຕະການ ເພື່ອຮັບປະກັນໃນການຈັດຕັ້ງປະ ຕິບັດ ຍົກເວັ້ນການຫັກອາກອນ ລາຍໄດ້ຈາກເງິນເດືອນຂອງ ນາຍ ແລະ ພົນທະຫານຜູ້ທີ່ມີ ລາຍໄດ້ 5 ລ້ານກີບລົງມາໃຫ້ມີ ຄວາມເປັນເອກະພາບໃນທົ່ວ ກອງທັບ.
ສະຫາຍ ພັນເອກ ບຸດສະດີ ອິນທະລັງສີ ຮອງຫົວໜ້າກົມ ແຜນການ-ການເງິນກົມໃຫຍ່ພະ ລາທິການກອງທັບໄດ້ຂຶ້ນເຜີຍ ແຜ່ 5 ເນື້ອໃນເອກະສານສຳຄັນ ຄື: ແຈ້ງການຂອງລັດຖະມົນຕີ ກະຊວງປ້ອງກັນປະເທດກ່ຽວ ກັບການຈັດຕັ້ງປະຕິບັດນະໂຍ ບາຍຍົກເວັ້ນການຫັກອາກອນ ລາຍໄດ້ເງິນເດືອນນາຍ ແລະ ພົນທະຫານໃນຂອບເຂດທົ່ວ ກອງທັບ, ແຈ້ງການຈັດຕັ້ງປະຕິ ບັດມາດຕະການຄຸ້ມຄອງດ້ານ ງົບປະມານບໍລິຫານປະຈຳປີ 2020, ການປະກອບເອກະ ສານ, ກຳນົດເວລາຂໍລາຍຈ່າຍ ແລະ ຊຳລະງົບປະມານຢູ່ກົມ ແຜນການ-ການເງິນກົມໃຫຍ່ພະ ລາທິການກະຊວງປ້ອງກັນປະ ເທດ, ຄຳສັ່ງແນະນຳການສຳລະ ສະສາງລາຍຈ່າຍເງິນເດືອນ, ເງິນບໍລິຫານປະຈຳເດືອນ, ງວດ ແລະ ປີ, ແຈ້ງການແນະນຳຂອງ ກົມໃຫຍ່ພະລາທິການກ່ຽວກັບ ການເພີ່ມທະວີການຊີ້ນຳວຽກ ງານປົກປັກຮັກສາ, ຄຸ້ມຄອງນຳ ໃຊ້ຢ່າງປະຢັດງົບປະມານ, ວັດ ຖຸອຸປະກອນ, ພາຫະນະ-ເຕັກນິກ ພະລາທິການຕາມລະບອບອັດ ຕາທີ່ຂັ້ນເທິງປະກອບໃຫ້ ແລະ ເອົາໃຈໃສ່ຕໍ່ການເພີ່ມພູນຜະລິດ ຜົນ, ປູກຝັງ-ລ້ຽງສັດ ຜະລິດສະ ບຽງອາຫານ ເພື່ອແກ້ໄຂຊີວິດ ການເປັນຢູ່ປະຈຳວັນ ແລະ ມີ ສ່ວນສຳຮອງແຮໄວ້ໃນກົມກອງ.
ໃນໂອກາດດັ່ງກ່າວນີ້, ສະ ຫາຍ ພົນຈັດຕະວາ ບຸນຊູ ດວງ ຄຳມີ ໄດ້ໃຫ້ກຽດໂອ້ລົມຕໍ່ພິທີ, ເຊິ່ງສະຫາຍໄດ້ຍົກໃຫ້ເຫັນຈຸດດີ, ຂໍ້ສະດວກ, ຂໍ້ຫຍຸ້ງຍາກ ແລະ ຄວາມສຳຄັນຕໍ່ກັບຂົງເຂດດ້ານ ວຽກງານພະລາທິການ-ການ ເງິນຂອງກອງທັບໃນການປົກ ປັກຮັກສາຄຸ້ມຄອງຮັບປະກັນງົບ ປະມານໃນການຮັບ, ເບີກ-ຈ່າຍ ເງິນເດືອນ, ເງິນກິນ, ເງິນອຸດ ໜູນຕ່າງໆໃຫ້ຖືກຕ້ອງຕາມລະ ບຽບຫຼັກການທີ່ໄດ້ກຳນົດ, ພ້ອມ ທັງຮຽກຮ້ອງມາຍັງຄະນະພັກ- ຄະນະບັນຊາທຸກຂັ້ນ ແລະ ພະ ນັກງານວິຊາສະເພາະຜູ້ທີ່ເຮັດ ວຽກງານການເງິນ ຈົ່ງພ້ອມກັນ ເອົາໃຈໃສ່ຍົກສູງສະຕິ, ຄວາມ ຮັບຜິດຊອບສູງເປັນເຈົ້າຕົນເອງ, ກຳແໜ້ນເຊື່ອມຊຶມຕໍ່ກັບວຽກ ງານດ້ານການເງິນຂອງກອງ ທັບ ແລະ ຈົ່ງນຳເອົາເອກະສານ 5 ເນື້ອໃນທີ່ໄດ້ນຳມາເຜີຍແຜ່ໃນ ຄັ້ງນີ້ໄປຈັດຕັ້ງປະຕິບັດຜັນຂະ ຫຍາຍເຊື່ອມຊຶມໃຫ້ບັນດານາຍ ແລະ ພົນທະຫານ, ພະນັກງານ- ສະມາຊິກພັກຢູ່ພາຍໃນກົມກອງ ຂອງຕົນໃຫ້ມີຄວາມຮັບຮູ້ຢ່າງ ລະອຽດຈະແຈ້ງ ເພື່ອເຮັດໃຫ້ ວຽກງານການເງິນຫັນເຂົ້າສູ່ລະ ບຽບແບບແຜນ, ຫຼັກການດ້ານ ງົບປະມານໃຊ້ຈ່າຍເຂົ້າໃນງົບ ປະມານປີນັ້ນໆ, ພ້ອມທັງມີ ຄວາມເປັນເອກະພາບຖືກຕ້ອງ ຕາມຫຼັກການ-ການເງິນ, ການ ກຳນົດເວລາປະກອບເອກະສານ ຂໍລາຍຈ່າຍ, ຊຳລະໃຫ້ຖືກຕ້ອງ ຕາມເວລາທີ່ໄດ້ກຳນົດຕາມລະ ບຽບການເງິນໃນທົ່ວກອງທັບ.
ໂດຍ: ຄຳປະສົງ ລາດຊະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
