POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ການນຳແຂວງໄຊຍະບູລີ ເຂົ້າຮ່ວມກິດຈະກຳປູກຕົ້ນໄມ້ເນື່ອງໃນໂອກາດວັນປູກຕົ້ນໄມ້ແຫ່ງຊາດ
ເວລາອອກຂ່າວ: 2020-06-04 10:25:28 | ຜູ້ຂຽນ : admin3 | ຈຳນວນຄົນເຂົ້າຊົມ: 111 | ຄວາມນິຍົມ:

ໃນວັນທີ 1 ມິຖຸນາ 2020 ນີ້, ການນໍາແຂວງໄຊຍະບູລີ ໄດ້ເຂົ້າ ຮ່ວມກິດຈະກຳປູກຕົ້ນໄມ້ ເນື່ອງໃນ ໂອ ກາດວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2020 ຢູ່ທີ່ສະ ໜາມຫຼວງຂອງແຂວງ. ໂດຍມີ ທ່ານ ພົງສະຫວັນ ສິດທະວົງ ກໍາມະການສູນກາງພັກ ເລຂາ ພັກແຂວງເຈົ້າແຂວງໆໄຊຍະບູລີ, ມີຄະນະປະຈໍາພັກແຂວງ, ການ ນຳພະແນກການ, ມີຄະນະປະຈໍາ ພັກເມືອງ, ຮອງເຈົ້າເມືອງ, ຫົວ ໜ້າ, ຮອງຫົວໜ້າຫ້ອງການຂອງ ເມືອງ, ອົງການ, ກົມກອງ, ລັດ ວິສາຫະກິດ, ນັກທຸລະກິດ, ພະນັກ ງານຫຼັກແຫຼ່ງຂອງແຂວງ, ຂອງ ເມືອງ, ອົງການປົກຄອງບ້ານ ຕະຫຼອດຮອດນ້ອງນັກຮຽນເຂົ້າ ຮ່ວມ. ໃນພິທີ ທ່ານ ບຸນແທນ ທີ ແກ້ວ ກຳມະການພັກແຂວງ ເລ ຂາພັກເມືອງ ເຈົ້າເມືອງໆໄຊຍະ ບູລີໄດ້ກ່າວວ່າ: ໃນແຜນພັດທະ ນາເສດຖະກິດ-ສັງຄົມ 5 ປີ ຄັ້ງ ທີ IX (2020-2025) ຂອງ ເມືອງໄຊຍະບູລີໄດ້ກໍານົດຄາດ ໝາຍຕ້ອງສູ້ຊົນເຮັດໃຫ້ເນື້ອທີ່ຂອງປ່າໄມ້ປົກຫຸ້ມກວມເອົາ 75% ຂອງເນື້ອທີ່ປ່າໄມ້ທັງໝົດ ໂດຍເລັ່ງໃສ່ໃນ 5 ປີຕ້ອງຟື້ນຟູ ປ່າໄມ້ແບບທໍາມະຊາດໃນ 3 ປະ ເພດໃຫ້ໄດ້ 3.000 ເຮັກຕາ. ປູກ ໄມ້ເສີມເຂດອ່າງໂຕ່ງນໍ້າຕຽນໃຫ້ ໄດ້ 90 ເຮັກຕາ, ອ່າງໂຕ່ງຫ້ວຍ ແຄນ 60 ເຮັກຕາ, ປູກທົ່ວໄປຂອງ ຄອບຄົວ ແລະ ລວມໝູ່ຂອງບ້ານ ໃຫ້ໄດ້ 100 ເຮັກຕາ. ເພື່ອໃຫ້ບັນ ລຸແຜນຄືດັ່ງກ່າວນັ້ນ. ສະເພາະສົກ ປີ 2020 ນີ້, ທາງເມືອງໄຊຍະບູລີ ຈະໄດ້ອອກແຮງສູ້ຊົນຟື້ນຟູປ່າໄມ້ ໃຫ້ໄດ້ 1.300 ເຮັກຕາ ໂດຍເນັ້ນ ໃສ່ 3 ເຂດຄື: ເຂດປ່າປ້ອງກັນ ທົ່ງສະນີ ບ້ານນາມອນ 1.000 ເຮັກຕາ, ເຂດປ່າຜະລິດເຂດ ລ້ອງນໍ້າແມດປາກທຽວ-ລ້ອງ ແຊງ 150 ເຮັກຕາ ແລະ ປ່າຜະ ລິດເຂດຍ່ອຍບ້ານຫາດຮ່ອມ ລ້ອງນໍ້າຮຸ່ງ 150 ເຮັກຕາ; ສູ້ ຊົນປູກໄມ້ຮັກສາເຂດອ່າງໂຕ່ງ ແມ່ນໍ້າ ແລະ ສວນພຶກສາຊາດ ໃຫ້ບັນລຸ 50 ເຮັກຕາ ໂດຍເນັ້ນ ໃສ່ອ່າງໂຕ່ງນຳ້ຕຽນໂດຍມອບ ໃຫ້ສູນອະນຸລັກຊ້າງເປັນໃຈກາງ, ອ່າງຫ້ວຍແຄນ ແລະ ເຂດສວນ ພຶກສາຊາດຂຸນຫ້ວຍໂງ່ກ້ອງ ແທ່ນຜາຂີ້ໝິີ້ນ ແລະ ເຂດປ່າສະ ຫງວນບ້ານນາຕໍໃຫຍ່. ໄປພ້ອມ ດຽວກັນນີ້ທາງອົງການປົກຄອງ ເມືອງຍັງໄດ້ມອບໝາຍຄວາມຮັບ ຜິດຊອບໃຫ້ 78 ບ້ານຟື້ນຟູ 3 ປະ ເພດປ່າຂອງບ້ານໃຫ້ມີຄວາມ ອຸດົມສົມບູນບ້ານໜຶ່ງບໍ່ໃຫ້ຫຼຸດ 3 ເຮັກຕາ ໂດຍໃຫ້ຫ້ອງການກະ ສິກໍາ ແລະ ປ່າໄມ້ເມືອງເປັນໃຈກາງສະໜອງເບ້ຍໄມ້ໃຫ້ໄປປູກ ໃນແຕ່ລະບ້ານຂອງຕົນ. ໃນປີນີ້ທາງເມືອງໄດ້ກະກຽມກ້າເບ້ຍໄມ້ໄດ້ທັງໝົດ 12 ຊະນິດ ມີ 3.889 ເບ້ຍ ໃນນັ້ນເບ້ຍໄມ້ແຕ້ຄ່າ, ໄມ້ ຂົມຝາດ, ໄມ້ແຄນເຮືອ, ໄມ້ດູ່, ໄມ້ສົ້ມພໍ່, ໄມ້ຕົ້ນສຽວ, ໄມ້ສັກ, ໄມ້ຄູນ, ໄມ້ຕີນເປັດ, ໄມ້ກາງກະ ເລົາ, ໄມ້ຝາງແດງ ແລະ ໄມ້ສະ ມາດໂຊ (ຕົ້ນປາລະມີ). ເພື່ອຮອງ ຮັບໃຫ້ແກ່ການປູກປ່າ ແລະ ຟື້ນ ຟູປ່າໃຫ້ມີຄວາມອຸດົມສົມບູນ; ພິ ເສດໃນພິທີເປີດຂະບວນການປູກ ໄມ້ໃຫ້ເປັນປ່າໃນປີນີ້ພວກເຮົາ ຈະໄດ້ພ້ອມກັນປູກຕົ້ນຈໍາປາ ຈໍາ ນວນ 28 ຕົ້ນ ຕາມສອງຟາກຂອງ ເສັ້ນທາງໄກສອນພົມວິຫານແຕ່ ສາມແຍກສະພາຫາອະນຸສາວະລີ ເພື່ອປູກເສີມໃຫ້ມີຄວາມສວຍ ງາມ, ປູກຕົ້ນຝາງແດງອ້ອມເຂດ ສະໜາມຫຼວງ, ໄມ້ກາງກະເລົາ, ດອກຄູນ, ຝາງແດງ ແລະ ປູກແຕ່ ສາມແຍກໂຄກທ່ານາ ຫາ ສາມ ແຍກບ້ານລ້ອງປໍທົ່ງນາໄໝ ສະນັ້ນເພື່ອເຮັດໃຫ້ວຽກງານປູກໄມ້ຟື້ນຟູປ່າປີ 2020 ໃຫ້ໄດ້ຮັບຜົນດີ ເຈົ້າເມືອງໆໄຊຍະບູລີຍັງໄດ້ຮຽກ ຮ້ອງໃຫ້ຄະນະຮັບຜິດຊອບ, ພະ ແນກການທີ່ກ່ຽວຂ້ອງ, ສໍານັກ ງານ, ອົງການ, ກົມກອງ, ຫ້ອງ ການ, ລັດວິສາຫະກິດ, ໂຮງຮຽນ, ໂຮງໝໍ, ໂຮງງານປຸງແຕ່ງໄມ້ຕະ ຫຼອດຮອດອົງການປົກຄອງບ້ານ ຕ້ອງໄດ້ເອົາໃຈໃສ່ຊຸກຍູ້ສົ່ງເສີມ ການປູກໄມ້ໃຫ້ເປັນຂະບວນ ກວ້າງຂວາງປູກແລ້ວຕ້ອງໄດ້ ເອົາໃຈໃສ່ບົວລະບັດຮັກສາໃຫ້ດີ ຈາກນັ້ນການນຳຂອງແຂວງ ຂອງເມືອງ ໄດ້ຮ່ວມກັນປູກ ຕົ້ນໄມ້. ຂ່າວ: ບຸນທີ

news to day and hot news