ວັນອັງຄານ, ວັນທີ 03 ທັນວາ 2024
ປະກາດເລື່ອນຊັ້ນນາຍທະຫານພັນຕີຂຶ້ນພັນໂທ ໃນເຂດກົມກອງພາກກາງ
ເວລາອອກຂ່າວ: 2020-06-04 10:27:06 | ຜູ້ຂຽນ : admin3 | ຈຳນວນຄົນເຂົ້າຊົມ: 110 | ຄວາມນິຍົມ: 
ວັນທີ 29 ພຶດສະພາ 2020
ນີ້, ຢູ່ທີ່ກອງບັນຊາການທະຫານ ແຂວງຄຳມ່ວນ ໄດ້ຈັດພິທີປະກາດ
ເລື່ອນຊັ້ນໃຫ້ນາຍທະຫານຊັ້ນພັນ
ຕີ ຂຶ້ນ ພັນໂທ ຈຳນວນ 46 ສະຫາຍ ໃນເຂດພາກກາງໂດຍພາຍໃຕ້ ການເຂົ້າຮ່ວມເປັນປະທານຂອງ ສະຫາຍ ພົນໂທ ປອ ທອງລອຍ ສີລິວົງ ກຳມະການສູນກາງພັກ ຮອງລັດຖະມົນຕີກະຊວງປ້ອງ ກັນປະເທດ ຫົວໜ້າກົມໃຫຍ່ການ ເມືອງກອງທັບ, ມີຄະນະພັກ- ຄະ ນະບັນຊາ, ພະນັກງານນາຍທະ ຫານທີ່ໄດ້ຮັບການເລື່ອນຊັ້ນໃໝ່ ທີ່ມາຈາກເຂດພາກກາງເຂົ້າ ຮ່ວມ.
ໃນພິທີ ສະຫາຍ ພັນເອກ ບຸນປັນ ຂຸນພູມີຮອງຫົວໜ້າກົມພະນັກ ງານ ກົມໃຫຍ່ການເມືອງກອງທັບ ໄດ້ຂຶ້ນຜ່ານຂໍ້ຕົກລົງວ່າດ້ວຍການເລື່ອນຊັ້ນ ພັນຕີ ຂຶ້ນ ພັນໂທ ໃຫ້ ນາຍທະຫານຢູ່ບັນດາກອງບັນຊາ ການທະຫານແຂວງ, ກອງພົນ, ກອງພັນໃຫຍ່ ແລະ ບັນດາສາງ
( ເຂດພາກກາງ ) ອີງໃສ່ກົດໝາຍ ນາຍທະຫານກອງທັບປະຊາຊົນ ລາວ ( ສະບັບປັບປຸງ ) ໃນພາກທີ II ໝວດທີ 3 ມາດຕາທີ 22 ແລະ 23 ວ່າດ້ວຍການເລື່ອນຊັ້ນໃຫ້ ນາຍທະຫານ, ກະຊວງປ້ອງກັນ ປະເທດຕົກລົງເລື່ອນຊັ້ນ ພັນຕີ ຂຶ້ນ ພັນໂທຄື: ແຂວງຄຳມ່ວນ 8 ສະຫາຍ, ແຂວງບໍລິຄຳໄຊ 8 ສະ ຫາຍ, ແຂວງສະຫວັນນະເຂດ 11 ສະຫາຍ, ກອງພົນທີ 4 ຈຳນວນ 10 ສະຫາຍ, ກອງພັນໃຫຍ່ 642 ຈຳນວນ 3 ສະຫາຍ,ກອງພັນໃຫຍ່ 644 ຈຳນວນ 3 ສະຫາຍ, ສາງ ນ້ຳມັນເລກ 7 ກົມໃຫຍ່ພະລາທິ ການກອງທັບ 1 ສະຫາຍ, ສາງ ອໍ 4 ກົມໃຫຍ່ເຕັກນິກກອງທັບ1 ສະ ຫາຍ ແລະ ໂຮງງານປະສານເຫຼົ່າ ພາກກາງ 1 ສະຫາຍ.
ໃນໂອກາດນີ້, ສະຫາຍ ພົນໂທ ປອ ທອງລອຍ ສີລິວົງ ກໍໄດ້ເປັນ ກຽດຂຶ້ນໂອ້ລົມ ແລະ ເນັ້ນໜັກໃຫ້ນາຍທະຫານທີ່ໄດ້ຮັບການເລື່ອນຊັ້ນໃໝ່ໃນຄັ້ງນີ້ ຈົ່ງສືບຕໍ່ເສີມຂະຫຍາຍຈຸດດີຜົນງານມູນເຊື້ອອັນດີງາມຂອງກົມກອງກໍຄືຂອງຕົນເອງ ເຂົ້າໃນການປະຕິບັດໜ້າທີ່ ວຽກງານຂອງຕົນ, ໄປພ້ອມກັນ ນັ້ນກໍຕ້ອງໄດ້ປັບປຸງແກ້ໄຂບັນ ຫາ ທີ່ຍັງຄົງຄ້າງໃຫ້ຂາດຕົວ, ເພີ່ມ ທະວີຄວາມຮັບຜິດຊອບຕໍ່ໜ້າທີ່ ການເມືອງທີ່ການຈັດຕັ້ງພັກ - ລັດ ມອບໝາຍໃຫ້ສູງຂຶ້ນກວ່າເກົ່າ, ສືບຕໍ່ຄົ້ນຄວ້າເຊື່ອມຊຶມກຳແໜ້ນ ແນວທາງແຜນນະໂຍບາຍຂອງ ພັກ, ກົດໝາຍຂອງລັດ ກໍຄື 4 ໜ້າ ທີ່ໃຫຍ່ 26 ແຜນງານ ທີ່ຄະນະພັກ ກະຊວງປ້ອງກັນປະເທດວາງ ອອກ ແລະ ນຳໄປຈັດຕັ້ງຜັນຂະ ຫຍາຍຢູ່ຂັ້ນຂອງຕົນໃຫ້ສອດ ຄ່ອງ, ແຕ່ລະສະຫາຍຕ້ອງເປັນ ເຈົ້າການເຝິກຝົນຫຼໍ່ຫຼອມພັດທະ ນາຕົນເອງໃນທຸກດ້ານໂດຍສະ ເພາະທາງດ້ານຄຸນທາດການ ເມືອງ, ຄຸນສົມບັດສິນທຳປະຕິວັດ ແລະ ແບບແຜນວິທີເຮັດວຽກຂອງ ແຕ່ລະສະຫາຍໃຫ້ດີຂຶ້ນທຽບທັນກັບຄວາມຮຽກຮ້ອງຕ້ອງການ ຂອງໜ້າທີ່ວຽກງານໃນສະເພາະ ໜ້າ ແລະ ຍາວນານ.
ໂດຍ: ເກດມະນີ ສຸວັນນະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
