ວັນເສົາ, ວັນທີ 07 ທັນວາ 2024
ກອງບັນຊາການທະຫານແຂວງຈຳປາສັກ ຈັດພິທີປູກຕົ້ນໄມ້
ເວລາອອກຂ່າວ: 2020-06-09 11:05:16 | ຜູ້ຂຽນ : admin3 | ຈຳນວນຄົນເຂົ້າຊົມ: 155 | ຄວາມນິຍົມ: 
ໃນວັນທີ 5 ມິຖຸນາ 2020 ນີ້, ກອງບັນຊາການທະຫານແຂວງ ຈໍາປາສັກ ໄດ້ຈັດພິທີປູກຕົ້ນໄມ້ ເນື່ອງໃນໂອກາດວັນປູກຕົ້ນໄມ້ ແຫ່ງຊາດຂຶ້ນຢ່າງເປັນທາງການ ຢູ່ທີ່ສະໜາມຫັດແອບປາອາວ, ໂດຍການໃຫ້ກຽດເຂົ້າຮ່ວມ ຂອງ ສະຫາຍ ປອ ວິໄລວົງ ບຸດ ດາຄໍາ ກໍາມະການສູນກາງພັກ ເລຂາຄະນະບໍລິຫານງານພັກ ແຂວງ ເຈົ້າແຂວງໆຈໍາປາສັກ, ມີສະຫາຍ ພົນຈັດຕະວາ ສຸໄກ ພິມມະສານ ກຳມະການຄະນະ ພັກກອງບັນຊາການ ຫົວໜ້າ ການທະຫານ ກອງບັນຊາ ການທະຫານແຂວງຈໍາປາສັກ, ມີຄະນະພັກ-ຄະນະບັນຊາ 5
ຫ້ອງກອງບັນຊາການ, ຄະນະ
ນໍາແຂວງ ແລະ 9 ຕົວເມືອງ
1 ນະຄອນ, ເຈົ້າເມືອງໆປະທຸມ ພອນ, ຄະນະພັກ-ຄະນະບັນຊາ, ກໍາລັງຫຼວງ-ກໍາລັງທ້ອງຖິ່ນ, ພະ
ນັກງານ-ນັກຮົບພະແນກການ ອ້ອມຂ້າງແຂວງ, ບໍລິສັດຫ້າງ ຮ້ານພ້ອມດ້ວຍນັກທຸລະກິດອ້ອມ ຂ້າງແຂວງເຂົ້າຮ່ວມ.
ສະຫາຍ ພົນຈັດຕະວາ ສຸໄກ
ພິມມະສານ ໄດ້ກ່າວໃນພິທີປູກ
ຕົ້ນໄມ້ໃນຄັ້ງນີ້ວ່າ: ໃນທຸກໆປີ ຂອງວັນທີ 1 ມິຖຸນາ ເຊິ່ງເປັນ ວັນປູກຕົ້ນໄມ້ແຫ່ງຊາດ ເພື່ອເປັນ
ການສືບຕໍ່ພັດທະນາຄຸ້ມຄອງປົກ ປັກຮັກສາປ່າໄມ້ໃຫ້ມີຄວາມອຸດົມສົມບູນ, ປູກຕົ້ນໄມ້ໃຫ້ເປັນ ປ່າສີຂຽວຮົ່ມເຢັນງາມຕາ, ເປັນ ບ່ອນອາໄສແກ່ສິ່ງທີ່ມີຊີວິດ. ຕົ້ນ
ໄມ້ທີ່ນໍາມາປູກໃນຄັ້ງນີ້ລວມ ທັງໝົດມີ 4.500 ເບ້ຍ. ໃນນັ້ນ,
ມີເບ້ຍໄມ້ອຸດສາຫະກໍາ 2.500 ເບ້ຍ, ກະສິກໍາ 1.500 ເບ້ຍ,
ເບ້ຍໄມ້ປະດັບ 500 ເບ້ຍ, ລວມ
ມູນຄ່າທັງໝົດ 85.600.000
ກີບ. ເຊິ່ງຈະປູກຢູ່ສະໜາມປາ ອາວ 950 ເບ້ຍ, ສ່ວນຍັງເຫຼືອ 3.550 ເບ້ຍເເມ່ນຈະໄດ້ນໍາໄປ ປູກຢູ່ແຕ່ລະສໍານັກງານອົງການ
ແຕ່ລະກົມກອງ ແລະ ກອງບັນຊາ ການທະຫານແຂວງ 9 ຕົວເມືອງ, 1 ນະຄອນ ຂອງແຂວງຈໍາປາສັກ. ເຊິ່ງພາຍຫຼັງທີ່ປູກສໍາເລັດແມ່ນໄດ້ມອບໃຫ້ພະນັກງານ-ນັກຮົບ ເປັນຜູ້ບົວລະບັດຮັກສາຕົ້ນໄມ້ດັ່ງ ກ່າວໃຫ້ຈະເລີນເຕີບໂຕຕາມຄາດ ໝາຍທີ່ວາງໄວ້. ຈາກນັ້ນ, ສະ ຫາຍ ພົນຈັດຕະວາ ສຸໄກ ພິມ ມະສານ ໄດ້ກ່າວເປີດພິທີປູກຕົ້ນ ໄມ້ຂອງກອງບັນຊາການທະ ຫານແຂວງຢ່າງເປັນທາງການ.
ຈາກນັ້ນ ຄະນະນໍາຂັ້ນແຂວງ ແຂກຖືກເຊີນ ແລະ ຜູ້ເຂົ້າຮ່ວມ ໄດ້ດໍາເນີນການປູກຕົ້ນໄມ້ດ້ວຍບັນຍາກາດຟົດຟື້ນ ແລະ ມີຄວາມ ໝາຍຄວາມສໍາຄັນຢ່າງເລິກ ເຊິ່ງ.
ໂດຍ: ວິໄລພອນ ວົງວິສອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
