POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ທ່ານ ຮອງນາຍົກລັດຖະມົນຕີ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງໄຊຍະ
ເວລາອອກຂ່າວ: 2020-06-09 11:15:04 | ຜູ້ຂຽນ : admin3 | ຈຳນວນຄົນເຂົ້າຊົມ: 258 | ຄວາມນິຍົມ:

ໃນວັນທີ 6 ມິຖຸນາ 2020 ທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະ ມົນຕີກະຊວງແຜນການ ແລະ ການລົງທຶນ ພ້ອມດ້ວຍຄະນະໄດ້ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງ ໄຊຍະບູລີ, ໃຫ້ ການຕ້ອນຮັບໂດຍ ທ່ານ ພົງສະ ຫວັນ ສິດທະວົງ ເຈົ້າແຂວງໆໄຊ ຍະບູລີ ພ້ອມດ້ວຍການນໍາຂອງ ແຂວງໃຫ້ການຕ້ອນຮັບ. ທ່ານ ພົງສະຫວັນ ສິດທະວົງ ໄດ້ລາຍງານຫຍໍ້ກ່ຽວກັບສະພາບ ພົ້ນເດັ່ນໃນການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ໃຫ້ທ່ານຮອງນາຍົກໄດ້ ຮັບຊາບວ່າ: ຜ່ານມາແຂວງ ໄຊຍະບູລີ ແມ່ນໄດ້ຮັບຜົນກະທົບ ຈາກໄພແຫ້ງແລ້ງໜັກໜ່ວງ, ບົ້ງຝູງທໍາລາຍເຄື່ອງປູກ ແລະ ຜົນກະທົບຈາກການລະບາດ ຂອງພະຍາດ ໂຄວິດ-19, ອັນເປັນ ສາເຫດເຮັດໃຫ້ອັດຕາການເຕີບ ໂຕທາງດ້ານເສດຖະກິດຂອງ ແຂວງບໍ່ບັນລຸຄາດໝາຍທີ່ວາງ ໄວ້ 8,2%, ລາຍໄດ້ສະເລ່ຍຕໍ່ຫົວ ຄົນ 3.315 ໂດລາສະຫລັດ, ສໍາ ລັບ 5 ເດືອນຕົ້ນປີ 2020 ນີ້ແຂວງ ໄຊຍະບູລີ ສາມາດຈັດເກັບລາຍ ຮັບເຂົ້າງົບປະມານໄດ້ 451,31 ຕື້ກີບ, ເທົ່າກັບ 43,05% ຂອງ ແຜນການປີ, ປັດໄຈພົ້ນເດັ່ນ ແມ່ນ ການປູກພືດລະດູແລ້ງຂອງປະ ຊາຊົນເຫັນວ່າເປັນຂະບວນ ແຂງແຮງກວ່າຊຸມປີຜ່ານມາ ເຊັ່ນ: ພືດຜັກ, ໝາກຖົ່ວ, ໝາກ ແຕງ, ໝາກເຜັດ ແລະ ອື່ນໆ, ການ ລ້ຽງສັດຂອງຄອບຄົວເຊັ່ນ: ເປັດ, ໄກ່, ໝູ ແລະ ງົວ, ຄວາຍ ໄດ້ຫັນ ມາລ້ຽງແບບເປັນຟາມຫຼາຍຂຶ້ນ, ມາຮອດປັດຈຸບັນທັງແຂວງມີ ຟາມໄກ່ 22 ຟາມ, ຟາມໝູ 35 ຟາມ, ແລະ ຟາມງົວ-ຄວາຍ ຕິດພັນ ກັບການປູກຫຍ້າ 44 ຟາມ, ສາ ມາດຕອບສະໜອງການ ບໍລິໂພກ ຢູ່ພາຍໃນ ແລະ ສົ່ງອອກໄປຕ່າງ ແຂວງໄດ້ຈໍານວນໜຶ່ງ, ບັນຫາ ທີ່ຍັງຫຍຸ້ງຍາກພວມປະເຊີນແມ່ນ ໄພແຫ້ງແລ້ງແກ່ຍາວໜັກໜ່ວງ ກວ່າຊຸມປີຜ່ານມາເຮັດໃຫ້ປະລິ ມານນໍ້າຫ້ວຍ, ນໍ້າໜ້າອ່າງບົກ ແຫ້ງຜິດປົກກະຕິເຮັດໃຫ້ຂາດນໍ້າໃຊ້ເຂົ້າໃນການຜະລິດລະ ດູປີ, ການລົງທຶນຂອງລັດ 3 ເດືອນຜ່ານມາ ໄດ້ຮັບເພດານການ ລົງທຶນບ້ວງປົກກະຕິທັງໝົດ 24,3 ຕື້ກີບໃນຈຳນວນ284 ໂຄງການ ປະຕິບັດໄດ້ 93 ໂຄງ ການ, ມູນຄ່າ 10,17 ຕື້ກີບ, ສໍາລັບ ແຜນການຕໍ່ໜ້າແຂວງຈະສູມ ໃສ່ຊຸກຍູ້ການຜະລິດລະດູປີ, ການ ຜະລິດກະສິກໍາຕິດພັນກັບການປຸງ ແຕ່ງຢູ່ພາຍໃນເທື່ອລະກ້າວ, ຊຸກຍູ້ປະຊາຊົນໃຫ້ຫັນມາປູກ ພືດຊະນິດອື່ນທົດແທນ ເປັນຕົ້ນ: ມັນຕົ້ນ, ສາລີ, ຖົ່ວດິນ, ຖົ່ວແດງ, ຖົ່ວເຫືຼອງ, ມັນດ້າງ ແລະ ອື່ນໆ, ຕິດຕາມການຊຸກຍູ້ການເປີດການ ຮຽນ-ການສອນຂອງຊັ້ນຮຽນ ຕ່າງໆ ທັງຮັບປະກັນການປະຕິ ບັດມາດຕະການສະກັດກັ້ນ, ກັນ ການລະບາດ, ຄວບຄຸມ ແລະ ກຽມຄວາມພ້ອມຮອບດ້ານເພື່ອ ຕ້ານ ແລະ ສະກັດກັ້ນ ພະຍາດ ໂຄວິດ -19 ແລະ ປ້ອງກັນການ ລະບາດພະຍາດໄຂ້ຍຸງລາຍ ແລະ ສືບຕໍ່ກະກຽມດຳເນີນກອງປະ ຊຸມໃຫ່ຍ ຄັ້ງທີ VII ຂອງຄະນະບໍລິ ຫານງານພັກແຂວງ, ກະກຽມ ຮ່າງລາຍງານການເມືອງ, ແຜນ ພັດທະນາເສດຖະກິດ-ສັງຄົມ, ຍູ້ຂະບວນການຮອບດ້ານເພື່ອກະ ກຽມໃຫ້ແກ່ການເປີດກອງປະ ຊຸມໃຫ່ຍອົງຄະນະພັກແຂວງຄັ້ງ ທີ VII, ທ່ານ ປອ ສອນໄຊ ສີພັນ ດອນ ກໍໄດ້ໃຫ້ກຽດໂອ້ລົມ ເຊິ່ງ ທ່ານ ໄດ້ຍົກໃຫ້ເຫັນສະພາບ ເສດຖະກິດ ແລະ ການລະບາດ ຂອງພະຍາດ ໂຄວິດ -19 ໃນທົ່ວ ໂລກ, ພ້ອມດຽວກັນກໍໄດ້ເນັ້ນ ໜັກໃຫ້ການນໍາຂອງແຂວງໄຊ ຍະບູລີ ເອົາໃຈໃສ່ຕິດຕາມກວດກາບັນດາໂຄງການລົງທຶນຂອງລັດ ແລະ ເອກະຊົນໃຫ້ລະອຽດ, ເອົາໃຈໃສ່ເບິ່ງຄືນການຄາດຄະ ເນການເຕີບໂຕ ຂອງເສດຖະກິດ, ຊຸກຍູ້ ແລະ ອໍານວຍຄວາມສະ ດວກໃນການດໍາເນີນທຸລະກິດຂະ ໜາດນ້ອຍ, ຂະໜາດກາງ, ຊຸກ ຍູ້ການຜະລິດເປັນສິນຄ້າຕິດພັນ ກັບການປຸງແຕ່ງ, ຕິດຕາມການ ລະບາດຂອງສັດຕູພືດ, ຊຸກ ຍູ້ການລ້ຽງສັດໃຫຍ່ຕິດພັນກັບ ການປູກຫຍ້າ, ລ້ຽງແບບເປັນ ຟາມດ້ວຍເຕັກນິກໃໝ່, ເອົາໃຈ ໃສ່ເຝົ້າລະວັງ ແລະ ກຽມຄວາມ ພ້ອມຮອບດ້ານເພື່ອຕ້ານ ແລະ ສະກັດກັ້ນພະຍາດ ໂຄວິດ -19, ພ້ອມທັງປ້ອງກັນການລະບາດ ຂອງພະຍາດໄຂ້ຍຸງລາຍ, ເອົາ ໃຈໃສ່ຄຸ້ມຄອງແຮງງານລາວທີ່ກັບຈາກຕ່າງປະເທດດ້ວຍມາດ ຕະການກັກຕົວ 14 ວັນ, ເອົາໃຈໃສ່ ກະຕຸ້ນບັນດາຂະແໜງການທີ່ມີ ລາຍຮັບເພື່ອຈັດເກັບລາຍຮັບເຂົ້າງົບປະມານ, ເອົາໃຈໃສ່ຕິດຕາມ-ຄຸ້ມຄອງລາຄາສິນຄ້າ ແລະ ຕິດຕາມພະຍາກອນອາກາດເພື່ອ ແຈ້ງເຕືອນປະຊາຊົນ, ພ້ອມທັງ ສືບຕໍ່ແກ້ໄຂຄວາມທຸກຍາກຂອງ ປະຊາຊົນ, ໂອກາດດັ່ງກ່າວ ທ່ານ ຮອງນາຍົກ ກໍໄດ້ມອບເງິນ ສົດ ຈໍານວນ 30 ລ້ານກີບ ໃຫ້ ແຂວງ ໄຊຍະບູລີ ເພື່ອຈັດຊື້ອຸປະກອນ ໃນການຕ້ານ ແລະ ສະກັດກັ້ນ ພະຍາດໂຄວິດ-19 ຕື່ມອີກ. ໂດຍ: ອຸ່ນເຮືອນ ໂພທິລັກ

news to day and hot news