ວັນພະຫັດ, ວັນທີ 12 ທັນວາ 2024
ບໍລິສັດ ບີຊີຊີ ອຸດສາຫະກຳມອບຜ້າອັດປາກ-ດັງ ແລະ ຊຸດປ້ອງກັນພະຍາດ ໃຫ້ໂຮງໝໍສູນກາງ 103 ກອງທັບ
ເວລາອອກຂ່າວ: 2020-06-10 09:08:29 | ຜູ້ຂຽນ : admin3 | ຈຳນວນຄົນເຂົ້າຊົມ: 149 | ຄວາມນິຍົມ: 
ໃນວັນທີ 5 ມິຖຸນາ 2020 ນີ້,
ບໍລິສັດ ບີຊີຊີ ອຸດສະຫະກຳ ໄດ້ ມອບ-ຮັບຜ້າອັດປາກ-ດັງ ແລະ
ຊຸດປ້ອງກັນພະຍາດ ( PPE )
ໃຫ້ແກ່ໂຮງໝໍສູນກາງ 103 ກອງທັບ ເພື່ອນຳໃຊ້ເຂົ້າໃນວຽກ
ງານຕ້ານ ແລະ ສະກັດກັ້ນການ ແຜ່ລະບາດຂອງເຊື້ອພະຍາດ
ໂຄວິດ-19, ເຊິ່ງພິທີດັ່ງກ່າວໄດ້ ຈັດຂຶ້ນທີ່ໂຮງໝໍສູນກາງ 103 ກອງທັບ, ຕາງໜ້າມອບໂດຍ ທ່ານ ລຸຍຈຸນ ຜູ້ອຳນວຍການບໍລິສັດ ບີຊີຊີ ອຸດສະຫະກຳ ພ້ອມຄະນະ, ແລະ ກ່າວຮັບໂດຍ ສະຫາຍ ພັນ ເອກ ດຣ ສຸລິພັນ ເພັດຈັນທະລາ ຫົວໜ້າການທະຫານໂຮງໝໍສູນ ກາງ 103 ກອງທັບ.
ປະເພດເຄື່ອງທີ່ ນຳມາມອບ ໃນຄັ້ງນີ້ ປະກອບມີຜ້າອັດປາກ-ດັງ ແລະ ຊຸດປ້ອງກັນພະຍາດ (PPE )ລວມມູນຄ່າ 40 ລ້ານ ກວ່າກີບ, ຈຸດປະສົງມອບເຄື່ອງ ຊ່ວຍເຫຼືອໃນຄັ້ງນີ້ ຍ້ອນສະພາບ ການລະບາດຂອງເຊື້ອພະຍາດ ອັກເສບປອດ ໂຄວິດ-19 ທີ່ແຜ່ລະ ບາດເປັນວົງກວ້າງໃນທົ່ວໂລກ, ເພື່ອໃຫ້ພະນັກງານແພດໝໍຢູ່ພາຍໃນໂຮງໝໍສູນກາງ 103 ກອງທັບ ທີ່ກຳລັງເຮັດໜ້າທີ່ປ້ອງກັນ, ຕ້ານ ແລະ ສະກັດກັ້ນການແຜ່ລະບາດ
ຂອງເຊື້ອພະຍາດດັ່ງກ່າວໄດ້ ນຳໃຊ້ອຸປະກອນການແພດໃຫ້ມີ ຄວາມປອດໄພໃນການຮັບມື ແລະ ຕອບໂຕ້ກັບພະຍາດດັ່ງກ່າວ.
ໂອກາດນີ້, ສະຫາຍ ພັນເອກ ດຣ ສຸລິພັນ ເພັດຈັນທະລາ ຕາງໜ້າ
ຄະນະພັກ-ຄະນະອຳນວຍການ ໂຮງໝໍສູນກາງ 103 ກອງທັບ
ສະແດງຄວາມຂອບໃຈຢ່າງ ສູງມາຍັງ ຜູ້ອຳນວຍການບໍລິສັດ
ບີຊີຊີອຸດສະຫະກຳ ພ້ອມຄະນະ
ທີ່ໄດ້ແບ່ງປັນນ້ຳໃຈຊຸກຍູ້ຊ່ວຍ ເຫຼືອໃນຄັ້ງນີ້ ແລະ ຂໍອວຍພອນ
ໃຫ້ຄະນະຈົ່ງມີສຸຂະພາບແຂງ ແຮງ, ມີຄວາມສຸກໃນຊີວິດສ່ວນ ຕົວ ແລະ ຄອບຄົວ, ມີຄວາມຈະ ເລີນກ້າວໜ້າ ແລະ ເຄື່ອງທີ່ນຳ ມາມອບໃນຄັ້ງນີ້ທາງໂຮງໝໍຈະ ນຳໃຊ້ໃຫ້ເກີດປະໂຫຍດສູງສຸດ.
ໂດຍ: ສີຈັນ ເພັດວິໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
