POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ສປປ ລາວ ສາມາດປິ່ນປົວຄົນເຈັບທີ່ຕິດເຊື້ອພະຍາດໂຄວິດ-19 ຫາຍດີທັງໝົດ 19 ກໍລະນີ
ເວລາອອກຂ່າວ: 2020-06-10 09:42:35 | ຜູ້ຂຽນ : admin3 | ຈຳນວນຄົນເຂົ້າຊົມ: 111 | ຄວາມນິຍົມ:

ຄະນະສະເພາະກິດເພື່ອປ້ອງ ກັນຄວບຄຸມ ແລະ ແກ້ໄຂພະຍາດ ອັກເສບປອດທີ່ເກີດຈາກເຊື້ອຈຸ ລະໂຣກສາຍພັນໃໝ່ໂຄວິດ-19 ຖະແຫຼງຂ່າວ ປະຈໍາວັນທີ 9 ມິ ຖຸນາ 2020 ວ່າ: ມາຮອດວັນທີ 8 ມິຖຸນາ ເປັນມື້ທີ 58 ຕິດຕໍ່ກັນ ສປປ ລາວ ບໍ່ພົບຜູ້ຕິດເຊື້ອເພີ່ມ.ພ້ອມນັ້ນ, ຜູ້ຕິດເຊື້ອທີ່ນອນປິ່ນ ປົວທີ່ຍັງ 1 ກໍລະນີ ທີ່ເຂົ້ານອນ ໂຮງໝໍ, ຮອດວັນທີ 9 ມິຖຸນາ 2020 ກວດວິເຄາະ 2 ຄັ້ງຜົນ ເປັນລົບ ແມ່ນໄດ້ອອກໂຮງໝໍແລະ ໄປກັກຕົນເອງຢູ່ເຮືອນ 14 ວັນ, ໝາຍຄວາມວ່າທັງໝົດ 19 ກໍລະນີ ທີ່ຕິດເຊື້ອແມ່ນໄດ້ອອກ ໂຮງໝໍທັງໝົດແລ້ວ. ທ່ານ ດຣ ພອນປະເສີດ ໄຊຍະ ມຸງຄຸນ ຮອງຫົວໜ້າກົມຄວບຄຸມ ພະຍາດຕິດຕໍ່, ກະຊວງສາທາລະ ນະສຸກຖະແຫຼງວ່າ: ສະພາບການ ເຝົ້າລະວັງພະຍາດໂຄວິດ-19 ຢູ່ ສປປ ລາວ ມາຮອດ ໃນວັນທີ 8 ມິຖຸນາ 2020, ໄດ້ເກັບຕົວຢ່າງ ມາກວດວິເຄາະທັງໝົດ 319 ຄົນ. ໃນນັ້ນ, ແຮງງານລາວກັບ ມາແຕ່ໄທ 227 ຄົນ, ແຮງງານ ຈີນ 77 ຄົນ, ກໍລະນີສົງໄສ 14 ຄົນ ແລະ ຜູ້ຕິດເຊື້ອນອນປິ່ນປົວ ຢູ່ໂຮງໝໍມິດຕະພາບ 1 ຄົນ (ນ້ຳ ເບີ 07), ຜົນກວດຂອງແຮງ ງານລາວ, ແຮງງານຈີນ, ກໍລະ ນີສົງໄສບໍ່ພົບເຊື້ອ. ສ່ວນຜູ້ຕິດເຊື້ອ ທີ່ນອນປິ່ນປົວຢູ່ໂຮງໝໍມິດຕະ ພາບ 1 ຄົນ ແມ່ນໄດ້ອອກໂຮງໝໍ ໄປກັກບໍລິເວນຕົນເອງຢູ່ເຮືອນ 14 ວັນ. ສັງລວມການກວດວິ ເຄາະແຕ່ເດືອນມັງກອນຮອດວັນ ທີ 8 ມິຖຸນາ 2020 ໄດ້ເກັບຕົວ ຢ່າງມາກວດທັງໝົດ 8.926 ຕົວ ຢ່າງ, ກວດພົບເຊື້ອສະສົມ 19 ຄົນ (58 ມື້ແລ້ວທີ່ບໍ່ພົບຜູ້ຕິດເຊື້ອ ໃໝ່) ແລະ ປິ່ນປົວຫາຍດີທັງໝົດ 19 ກໍລະນີ. ສຳລັບທົ່ວໂລກມາຮອດເວລາ 6:00 ໂມງເຊົ້າ ຂອງວັນທີ 9 ມິ ຖຸນາ 2020 ມີການລາຍງານ ການລະບາດທັງໝົດ 213 (ປະ ເທດ/ເຂດ/ແຄວ້ນ) ມີການຢັ້ງ ຢືນຜູ້ຕິດເຊື້ອພະຍາດໂຄວິດ-19 ແມ່ນ 7.182.933 ຄົນ (104.353 ໃໝ່), ເສຍຊີວິດ 408.015 ຄົນ (3.054 ໃໝ່) ເຊິ່ງກວມເອົາ 5,68% ຂອງຜູ້ ຕິດເຊື້ອທັງໝົດ, ປິ່ນປົວຫາຍດີ 3.506.341 (53.289 ໃໝ່) ເຊິ່ງກວມເອົາ 48,8% ຂອງຜູ້ ຕິດເຊື້ອທັງໝົດ. ທ່ານ ດຣ ພອນປະເສີດ ໄຊຍະ ມຸງຄຸນ ຖະແຫຼງຕື່ມວ່າ: ພວກ ເຮົາໄດ້ຕີລາຄາສະພາບການລະ ບາດຂອງເຊື້ອພະຍາດໂຄວິດ-19 ຢູ່ປະເທດເຮົາ ແລະ ປະເທດທີ່ມີ ຊາຍແດນຕິດຈອດກັບ ສປປ ລາວ ແມ່ນຜ່ອນຄາຍລົງຫຼາຍແລ້ວ. ສະເພາະຢູ່ ສປປ ລາວ 58 ມື້ ແລ້ວ ບໍ່ມີຜູ້ຕິດເຊື້ອໃໝ່, ຜູ້ຕິດເຊື້ອ ສະສົມ 19 ຄົນ ແລະ ປິ່ນປົວຫາຍ ດີ ທັງໝົດແລ້ວ 19 ຄົນ. ຜົນສຳ ເລັດໃນເບື້ອງຕົ້ນນີ້ ຍ້ອນມີການຊີ້ ນຳ-ນຳພາທີ່ດີຂອງການນຳຂັ້ນ ສູງພັກ-ລັດ ກໍຄືອໍານາດການປົກ ຄອງທຸກຂັ້ນ, ຍ້ອນມີການຮ່ວມ ແຮງຮ່ວມໃຈຈາກພໍ່ແມ່ປະຊາຊົນ ບັນດາເຜົ່າ, ມີການສະໜັບສະ ໜູນຈາກບັນດາປະເທດເພື່ອນ ມິດ, ອົງການຈັດຕັ້ງສາກົນ, ຄູ່ ຮ່ວມພັດທະນາ, ພາກທຸລະກິດ ແລະ ອົງການຈັດຕັ້ງທາງສັງຄົມ ທຸກພາກສ່ວນ ເຊິ່ງເປັນບົດຮຽນ ອັນສໍາຄັນໃຫ້ແກ່ພວກເຮົາໃນ ການກຳນົດນະໂຍບາຍ, ແຜນປະ ຕິບັດງານໃນຕໍ່ໜ້າເພື່ອສະກັດ ກັ້ນ ແລະ ແກ້ໄຂການລະບາດ ຂອງພະຍາດໂຄວິດ-19 ກໍຄືພະ ຍາດຕິດຕໍ່ອື່ນໆ.

news to day and hot news