POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ກອງພົນທີ 1 ສຳເລັດການດຳເນີນກອງປະຊຸມວຽກງານກວດກາປະຈຳປີ 2019 ແລະ ວາງແນວທາງແຜນການ ປະຈຳປີ 2020
ເວລາອອກຂ່າວ: 2020-06-15 09:28:51 | ຜູ້ຂຽນ : admin3 | ຈຳນວນຄົນເຂົ້າຊົມ: 215 | ຄວາມນິຍົມ:

ໃນວັນທີ 11 ມິຖຸນາ 2020 ນີ້, ກອງພົນທີ 1 ໄດ້ດຳເນີນກອງ ປະຊຸມວຽກງານກວດກາປະຈຳ ປີ 2019 ແລະ ວາງທິດທາງ ແຜນການປະຈຳປີ 2020 ຢູ່ທີ່ສະ ໂມສອນຂອງຕົນ, ໂດຍການເປັນ ກຽດເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ແສງຍືນ ລັດສະໝີ ເລຂາຄະນະພັກ ຫົວ ໜ້າການເມືອງກອງພົນທີ 1, ມີຄະນະພັກ-ຄະນະບັນຊາກອງພົນ, ຄະນະຫ້ອງ 5 ຫ້ອງ, 2 ກອງ ພັນໃຫຍ່ພະນັກງານຫຼັກແຫຼ່ງ ຈາກຫົວໜ່ວຍກົມກອງອ້ອມ ຂ້າງເຂົ້າຮ່ວມ 68 ສະຫາຍ, ຍິງ 3 ສະຫາຍ. ໃນວາລະການດຳເນີນກອງ ປະຊຸມ ສະຫາຍ ພັນໂທ ບຸນເຊີນ ຈັນຍາລາດ ຫົວໜ້າພະແນກ ກວດກາກອງພົນທີ 1 ໄດ້ຂຶ້ນຜ່ານ ບົດສະຫຼຸບການເຄື່ອນໄຫວວຽກ ງານກວດກາປະຈຳປີ 2019 ພ້ອມທັງຜ່ານທິດທາງແຜນ ການປະຈຳປີ 2020, ເນື້ອໃນບົດ ສະຫຼຸບສະຫາຍໄດ້ຍົກໃຫ້ເຫັນຜົນ ງານທີ່ພົ້ນເດັ່ນຫຼາຍດ້ານ, ສະ ແດງອອກໃນຊຸມປີຜ່ານມາໄດ້ຊຸກ ຍູ້ຄະນະ ພັກ - ຄະນະບັນຊາແຕ່ລະ ຂັ້ນຈັດຕັ້ງເຜີຍແຜ່ເຊື່ອມຊຶມຄົ້ນ ຄວ້າຮຳ່ຮຽນເປັນປົກກະຕິຕໍ່ ເນື່ອງ, ກວ້າງຂວາງ ແລະ ເລິກ ເຊິ່ງໂດຍສະເພາະບັນດາເນື້ອໃນ ມີຈຸດສຸມ ແລະ ແທດເໝາະກັບ ຕົວຈິງຂອງກົມກອງ ແລະ ຍຸດທະ ສາດຕ້ານການສໍ້ລາດບັງຫຼວງ, ຄະນະພັກ, ສະມາຊິກພັກໄດ້ເອົາ ໃຈໃສ່ຊີ້ນຳຈັດຕັ້ງປະຕິບັດກົດ ລະບຽບ, ມະຕິ, ຄຳສັ່ງຂອງພັກ, ຂໍ້ຫ້າມຂອງສະມາຊິກພັກ, ມີ ຄວາມສາມັກຄີ, ມີສະຕິຕໍ່ການ ຈັດຕັ້ງລະບຽບວິໄນຂອງພັກ, ມີ ຄຸນທາດການເມືອງ, ຄຸນສົມບັດ ສິນທຳປະຕິວັດຢ່າງໜັກແໜ້ນ, ມີຄວາມຮັບຜິດຊອບທາງດ້ານ ການເມືອງທີ່ໄດ້ຮັບມອບໝາຍ, ມີແບບແຜນວິທີເຮັດວຽກ ແລະ ແບບແຜນດໍາລົງຊີວິດທີ່ດີ. ສໍາ ລັບຄະນະພັກ, ສະມາຊິກພັກຈຳ ນວນໜຶ່ງທີ່ກະທຳຜິດມີຈຸດອ່ອນ ກໍ່ໄດ້ສຶກສາອົບຮົມ, ສຳຫຼວດ ກວດກາ, ປັບປຸງແກ້ໄຂຕາມລະ ບຽບການຂອງພັກ, ກົດໝາຍຂອງ ລັດ ແລະ ຂໍ້ກຳນົດກົດລະບຽບ ຂອງກອງທັບ, ໄດ້ຕິດຕາມກວດ ກາການຈັດຕັ້ງພັກ ແລະ ສະມາຊິກ ພັກທົ່ວກົມກອງທີ່ຂຶ້ນກັບລວມມີ 25 ກົມກອງ, ມີ 84 ໜ່ວຍພັກ, ຜ່ານການຄັດເລືອກຄຸນນະພາບ ການນຳພາຂອງຄະນະພັກ, ໜ່ວຍ ພັກໃນໄລຍະຊຸມປີຜ່ານມາສາ ມາດຕີລາຄາໄດ້ຄື: ຄະນະພັກຮາກ ຖານແຂງ 15 ຄະນະ, ກາງ 2 ຄະ ນະ, ໜ່ວຍພັກແຂງ 67 ໜ່ວຍ, ກາງ 10 ໜ່ວຍ, ມີສະມາຊິກພັກທັງ ໝົດ 1.455 ສະຫາຍ, ຍິງ 237 ສະຫາຍ,ສຳຮອງ 147 ສະຫາຍ, ຍິງ 26 ສະຫາຍ, ຂະຫຍາຍໃໝ່ 84 ສະຫາຍ, ຍິງ 12 ສະຫາຍ, ເລື່ອນສຳຮອງຂຶ້ນສົມບູນ 63 ສະ ຫາຍ, ຍິງ 13 ສະຫາຍ, ມີສະມາ ຊິກພັກປອດໃສ ເຂັ້ມແຂງ ໜັກ ແໜ້ນ 1.171 ສະຫາຍ, ຍິງ 194 ສະຫາຍ, ກາງ 140, ຍິງ 40 ສະ ຫາຍ, ບໍ່ໄດ້ແບ່ງປະເພດ 144 ສະຫາຍ. ວຽກງານກວດກາລັດໃນ ຊຸມປີຜ່ານມາຄະນະກວດກາໄດ້ ເປັນເຈົ້າການຕິດຕາມກວດກາ ການປັບປຸງການຈັດຕັ້ງ ແລະ ຈຳ ນວນພົນຢູ່ບັນດາກົມກອງທີ່ຂຶ້ນ ກັບໃຫ້ຖືກຕ້ອງສອດຄ່ອງຄົບ ຖ້ວນ ແລະ ເຂົ້າສູ່ລະບົບຄຸ້ມຄອງ ທັບທີ່ທັນສະໄໝ ຕາມທີ່ກະຊວງ ປ້ອງກັນປະເທດກຳນົດ, ການ ກວດກາການຄຸ້ມຄອງນຳໃຊ້ງົບ ປະມານລາຍຮັບ-ລາຍຈ່າຍ, ການ ຮັກສາວັດຖຸພາຫະນະ ແລະ ອາວຸດ ກະສູນທີ່ຂັ້ນເທິງປະກອບໃຫ້ ແລະ ກວດກາວຽກງານດ້ານຕ່າງໆ ທີ່ ກ່ຽວຂ້ອງ ຈຳນວນ 255 ກວ່າຄັ້ງ ໃນນີ້ ໄດ້ເຜີຍແຜ່ເຊື່ອມຊຶມໃຫ້ນາຍ ແລະ ພົນທະຫານທົ່ວກອງພົນທີ 1 ໄດ້ຮັບຮູ້, ເຂົ້າໃຈຕໍ່ຜົນຮ້າຍ ແລະ ໄພອັນຕະລາຍຂອງການສໍ້ລາດ ບັງຫຼວງໄດ້ 3 ຄັ້ງ ມີຈຳນວນພົນ ເຂົ້າຮ່ວມ 300 ສະຫາຍ, ຍິງ 50 ສະຫາຍ, ແກ້ໄຂຄົ້ນຄວ້າຄຳຮ້ອງ, ຄຳສະເໜີໄດ້ 3 ສະບັບຢູ່ໃນຂັ້ນ ຕົນ, ໂດຍລວມແລ້ວການເຄື່ອນ ໄຫວຂອງຄະນະກວດກາຂອງ ພວກເຮົາໃນຊຸມປີຜ່ານມາແມ່ນ ໄດ້ຮັບການຊີ້ນຳຢ່າງໃກ້ຊິດຈາກ ຄະນະພັກຂັ້ນເທິງ, ໂດຍສະເພາະໄດ້ຮັບການຊີ້ນຳຮອບດ້ານຈາກ ຄະນະພັກ - ຄະນະຊາກອງພົນທີ 1 ເຊິ່ງເຮັດໃຫ້ພວກເຮົາສາມາດ ເຄື່ອນໄຫວຕາມພາລະບົດບາດ ເຮັດສຳເລັດໜ້າທີ່ການເມືອງ ຂອງຕົນເປັນຢ່າງດີ ສາມາດປົກ ຮັກສາຄວາມເປັນລະບຽບຮຽບ ຮ້ອຍ ແລະ ຜົນປະໂຫຍດລວມ ຂອງກົມກອງໄດ້ດີຕາມແຜນ ການ ທີ່ກຳນົດໄວ້. ພ້ອມນີ້ກອງປະຊຸມຍັງໄດ້ຜັດ ປ່ຽນກັນປະກອບຄຳຄິດ - ຄໍາເຫັນ ຢ່າງກົງໄປກົງມາເປັນຕົ້ນເນັ້ນ ໜັກເຖິງຄຸນທາດການເມືອງ, ຄຸນ ສົມບັດສິນທຳປະຕິວັດຂອງພະ ນັກງານແຕ່ລະຂັ້ນໃຫ້ເຂັ້ມງວດ ແລະ ສອດຄ່ອງກັບແນວທາງ, ແນໃສ່ນຳພາກົມກອງກ້າວຂຶ້ນ ແລະ ເພື່ອຕອບຕ້ານດ້ານປະກົດ ການຫຍໍ້ທໍ້ທີ່ອາດຈະເກີດຂຶ້ນໃຫ້ ທ່ວງທັນ. ນອກຈາກນີ້, ກອງປະ ຊຸມຍັງໄດ້ຮັບຟັງການເຜີຍແຜ່ ເອກະສານບົດໂອ້ລົມຂອງສະ ຫາຍ ພົນຕີ ອ່ອນສີ ແສນສຸກ ຮອງລັດຖະມົນຕີປະທານກວດ ກາຄະນະພັກກະຊວງປ້ອງກັນ ປະເທດ, ເອກະສານຂໍ້ກຳນົດ ວ່າດ້ວຍການຄົ້ນຄວ້າພິຈາລະນາ ແກ້ໄຂຄຳຮ້ອງຟ້ອງ, ຮ້ອງທຸກ, ຄຳສະເໜີ ແລະ ເອກະສານ ບົດ ໂອ້ລົມຂອງ ທ່ານ ປອ ບຸນທອງ ຈິດມະນີ ກຳມະການກົມການ ເມືອງສູນກາງພັກຮອງນາຍົກ ລັດຖະມົນຕີປະທານກວດກາ ສູນກາງພັກ. ຕອນທ້າຍກອງປະຊຸມຍັງໄດ້ຮັບຟັງການໂອ້ລົມຂອງສະຫາຍ ພົນຈັດຕະວາ ແສງຍືນ ລັດສະໝີ ເລຂາຄະນະພັກ ຫົວ ໜ້າການເມືອງກອງພົນທີ 1 ເຊິ່ງສະຫາຍໄດ້ສະແດງຄວາມ ຍ້ອງຍໍຊົມເຊີຍຕໍ່ຄະນະກວດກາ ຂອງກົມກອງທີ່ໄດ້ຕັ້ງໜ້າເຄື່ອນ ໄຫວຈັດຕັ້ງປະຕິບັດຕາມໜ້າທີ່ພາລະບົດບາດຂອງຕົນເປັນ ຢ່າງດີເຮັດໃຫ້ກົມກອງມີຄວາມ ເປັນເອກະພາບອັນໜຶ່ງອັນດຽວ, ຄະນະພັກແຕ່ລະຂັ້ນຕະຫຼອດ ຮອດນາຍ ແລະ ພົນທະຫານມີ ສະຖຽນລະບພາບທາງດ້ານການ ເມືອງມີແບບແຜນການດຳລົງຊີ ວິດທີ່ປອດໃສຂາວສະອາດ ພ້ອມ ທັງຮຽກຮ້ອງໃຫ້ຄະນະພັກ-ຄະ ນະບັນຊາທຸກຂັ້ນພ້ອມກັນຮັກ ສາມູນເຊື້ອອັນດີງາມ ແລະ ສືບ ຕໍ່ປັບປຸງແກ້ໄຂບາງດ້ານທີ່ຍັງຄົງ ຄ້າງໃຫ້ທັນເວລາ. ໂດຍ: ຄຳໄຕ ພັນທະວົງ

news to day and hot news