POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ເຜີຍແຜ່ກົດໝາຍການຕ້ານສະກັດກັ້ນການຟອກເງິນ ສະໜອງທຶນໃຫ້ແກ່ການກໍ່ການຮ້າຍ ແລະ ກົດໝາຍສະຫະພັນນັກຮົບເກົ່າ
ເວລາອອກຂ່າວ: 2020-06-15 09:33:24 | ຜູ້ຂຽນ : admin3 | ຈຳນວນຄົນເຂົ້າຊົມ: 276 | ຄວາມນິຍົມ:

ວັນທີ 10 ມິຖຸນາ ນີ້, ກົມໃຫຍ່ ເສນາທິການກອງທັບ ໄດ້ຈັດຕັ້ງ ເຜີຍແຜ່ກົດໝາຍວ່າດ້ວຍການ ຕ້ານສະກັດກັ້ນການຟອກເງິນສະ ໜອງທຶນໃຫ້ແກ່ການກໍ່ການຮ້າຍ ແລະ ກົດໝາຍສະຫະພັນນັກຮົບ ເກົ່າແຫ່ງຊາດຂຶ້ນຢູ່ທີ່ສະໂມສອນ ຂອງກົມໃຫຍ່ການເມືອງກອງທັບ ໂດຍການເຂົ້າຮ່ວມເປັນປະທານ ຂອງ ສະຫາຍ ພົນຈັດຕະວາ ສິງສະຫວັດ ພົມມະສັກ ຮອງຫົວໜ້າ ກົມໃຫຍ່ເສນາທິການກອງທັບ, ມີທ່ານ ໄມມາລີ ພິມມະວົງຮອງ ຫົວໜ້າກົມກວດກາສະຫະພັນນັກ ຮົບເກົ່າແຫ່ງຊາດ, ມີບັນດາຫົວ ໜ້າກົມ, ຮອງກົມ, ຫ້ອງການ, ພະ ແນກການ, ແລະ ຄະນະພັກ-ຄະນະບັນຊາກົມກອງທີ່ຂຶ້ນກັບ ເຂົ້າຮ່ວມ. ສະຫາຍ ຮ້ອຍເອກ ນາງ ພິມ ນະພາ ສຸວັນໄຊ ວິຊາການກົມກົດ ໝາຍກອງທັບ ໄດ້ເຜີຍແຜ່ເນື້ອໃນ ເອກະສານກ່ຽວກັບກົດໝາຍວ່າ ດ້ວຍການຕ້ານສະກັດກັ້ນການ ຟອກເງິນການສະໜອງທຶນໃຫ້ ແກ່ການກໍ່ການຮ້າຍ, ລວມມີ 7 ພາກ, 73 ມາດຕາ, ເຊິ່ງອີງໃສ່ ມາດຕາ 2: ການຟອກເງິນ ແລະ ການສະໜອງທຶນໃຫ້ແກ່ການກໍ່ ການຮ້າຍແມ່ນການນຳເອົາເງິນ ຫຼື ຊັບສິນທີ່ໄດ້ມາຈາກການກະ ທຳຜິດຕົ້ນ ຫຼື ໄດ້ມາໂດຍບໍ່ຖືກ ຕ້ອງຕາມກົດໝາຍແລ້ວມາປ່ຽນ ສະພາບໃຫ້ເປັນເງິນ ຫຼື ຊັບສິນ ທີ່ໄດ້ມາຢ່າງຖືກຕ້ອງ ແລະ ມາດ ຕາ 8: ຂໍ້ 1 ໝາຍເຖິງການກະທຳ ຜິດທາງອາຍາທັງໝົດ ເຊິ່ງເປັນ ຕົ້ນເຫດຂອງການຟອກເງິນລວມ ທັງການກະທຳຜິດນອກດິນແດນ ສປປ ລາວ ທີ່ກໍ່ໃຫ້ເກີດມີຜົນຈາກ ການກະທຳຜິດຕົ້ນ: ການສໍ້ໂກງ ຊັບ, ການສໍ້ລາດບັງຫຼວງ, ລວມ ທັງການຮັບສິນບົນ ແລະ ການ ໃຫ້ສິນບົນ, ການປຸ້ນຊັບ ຫຼື ການ ລັກຊັບ, ການຜະລິດຄ້າຂາຍຢາ ເສບຕິດ, ການຄ້າມະນຸດ, ການຊື້ ຂາຍອາວຸດເສິກ ຫຼື ລະເບີດ, ການ ຄາດຕະກຳ ແລະ ການທຳຮ້າຍ ຮ່າງກາຍ, ການລັກພາຕົວ, ການ ກັກຂັງ, ການຈັບເປັນຕົວປະກັນ, ການຊື້ຂາຍ-ຊັບທີ່ຜິດກົດໝາຍ, ການປອມແປງເງິນ ຫຼື ການໃຊ້ ເງິນປອມລວມທັງການປອມ ແປງເຊັກ, ການໃຊ້ເຊັກ ຫຼື ພັນ ທະບັດປອມ. ການປອມແປງ ເອກະສານ ຫຼື ການໃຊ້ເອກະສານ ປອມ, ການລະເມີດຊັບສິນທາງ ປັນຍາ, ການຄ້າໂສເພນີຜູ້ໃຫຍ່ ແລະ ເດັກນ້ອຍ, ການກໍ່ການຮ້າຍ ແລະ ການສະໜອງທຶນໃຫ້ແກ່ ການກໍ່ການຮ້າຍ, ນອກນັ້ນໃນ ກອງປະຊຸມ ທ່ານ ໄມມາລີ ພິມ ມະວົງ ຮອງຫົວໜ້າກົມກວດ ກາສະຫະພັນນັກຮົບເກົ່າແຫ່ງ ຊາດ ກໍໄດ້ຂຶ້ນຜ່ານເນື້ອໃນກົດ ໝາຍວ່າດ້ວຍສະຫະພັນນັກຮົບ ເກົ່າລາວ ລວມມີ 10 ພາກ, 6 ໝວດ, 59 ມາດຕາ, ເຊິ່ງກົດ ໝາຍທີ່ນຳມາເຜີຍໃນຄັ້ງນີ້ເພື່ອ ແນໃສ່ເຮັດໃຫ້ຖັນແຖວກອງ ທັບ ເວົ້າລວມ, ເວົ້າສະເພາະແມ່ນ ເປັນການຍົກສູງນໍ້າໃຈຂອງພະ ນັກງານ-ນັກຮົບໃນທົ່ວກົມໃຫຍ່ ເສນາທິການກອງທັບໄດ້ຮັບຮູ້ ເຊື່ອມຊຶມກຳແໜ້ນ, ເປັນເອກະ ພາບກ່ຽວກັບການກຳນົດຫຼັກ ການ, ລະບຽບການ ແລະ ມາດ ຕະການໃນການຈັດຕັ້ງປະຕິບັດ ເຄື່ອນໄຫວ, ຄຸ້ມຄອງ, ຕິດຕາມ ກວດກາວຽກງານຕ້ານສະກັດ ກັ້ນການຟອກເງິນສະໜອງໃຫ້ ແກ່ການກໍ່ການຮ້າຍ ແລະ ກົດ ໝາຍສະຫະພັນນັກຮົບເກົ່າລາວ, ຮັບຮູ້ພາລະບົດບາດ, ສິດ ແລະ ໜ້າທີ່ຂອງສອງໜ່ວຍງານໃນ ການກຳນົດເປັນນິຕິກຳກົດໝາຍ ໃຫ້ເລິກເຊິ່ງ ແລະ ໃຫ້ສູງຂຶ້ນ, ມີ ສະຕິໃນການກໍ່ການຮ້າຍ ຫຼື ກະ ທຳຜິດໃນການສໍ້ໂກງ. ໂອກາດນີ້ ສະຫາຍຮອງຫົວ ໜ້າກົມໃຫຍ່ເສນາທິການກອງ ທັບ ກໍໄດ້ຮຽກຮ້ອງໃຫ້ຄະນະພັກ-ຄະນະບັນຊາພະນັກງານ-ນັກຮົບຈົ່ງສືບຕໍ່ເອົາເນື້ອໃນຈິດຂອງກອງປະຊຸມໃນຄັ້ງນີ້ໄປຈັດຕັ້ງປະຕິບັດເຊື່ອມຊຶມ, ກຳແໜ້ນ ໃຫ້ເກີດດອກອອກຜົນ ແລະ ມີ ຜົນສຳເລັດໃນຕໍ່ໜ້າ, ພ້ອມນັ້ນ ຄະນະກົມກົດໝາຍກໍໄດ້ມອບ ເສື້ອຢືດ ແລະ ປື້ມກົດໝາຍການ ຕ້ານສະກັດກັ້ນການຟອກເງິນ ແລະ ການສະໜອງທຶນໃຫ້ແກ່ ການກໍ່ການຮ້າຍຈຳນວນໜຶ່ງ ໂດຍການຮັບຂອງ ສະຫາຍ ພົນ ຈັດຕະວາ ສິງສະຫວັດ ພົມມະສັກ ຮອງຫົວໜ້າກົມໃຫຍ່ເສນາທິ ການກອງທັບ ເພື່ອນຳໄປສຶກສາ ຄົ້ນຄວ້າຂໍ້ມູນຕ່າງໆ. ໂດຍ: ແສງສຸລີ ພົມມະຈັກ

news to day and hot news