ວັນສຸກ, ວັນທີ 06 ທັນວາ 2024
ພິທີເຊັນບົດບັນທຶກມອບ-ຮັບ ໂຄງການກໍ່ສ້າງສີລາຈາລຶກກອງຮ້ອຍຫີນເພັດ
ເວລາອອກຂ່າວ: 2020-06-15 09:34:53 | ຜູ້ຂຽນ : admin3 | ຈຳນວນຄົນເຂົ້າຊົມ: 247 | ຄວາມນິຍົມ: 
ວັນທີ 12 ມິຖຸນາ 2020 ນີ້, ຢູ່ຫ້ອງປະຊຸມກົມໃຫຍ່ການເມືອງກອງທັບ ໄດ້ມີພິທີເຊັນບົດບັນທຶກ ມອບ-ຮັບໂຄງການກໍ່ສ້າງສີລາ
ຈາລຶກກອງຮ້ອຍຫີນເພັດ ທີ່ກໍ່
ສ້າງສໍາເລັດ 100% ລະຫວ່າງ ກົມໃຫຍ່ການເມືອງກອງທັບ ກັບ
ບໍລິສັດແສງທອງກໍ່ສ້າງຈຳກັດ
ຜູ້ດຽວ ໂດຍການເປັນປະທານ ຂອງ ສະຫາຍ ພົນຕີ ສອນທອງ ພົມລາວົງ ກໍາມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງ ກອງທັບ, ຫົວໜ້າຄະນະຮັບຜິດ ຊອບໂຄງການ, ປະທານບໍລິສັດ ແສງທອງກໍ່ສ້າງຈໍາກັດຜູ້ດຽວ ມີບັນດາຄະນະກໍາມະການຮັບຜິດຊອບໂຄງການ, ວິຊາການ ແລະ ພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ຮ້ອຍໂທ ອານຸໄຊ ວິຊາການພາກສະໜາມ ໄດ້ລາຍ ງານຫຍໍ້ຜ່ານການຕິດຕາມໂຄງ ການກໍ່ສ້າງສີລາຈາລຶກກອງ ຮ້ອຍຫີນເພັດວ່າ: ບໍລິສັດໄດ້ເອົາ ໃຈໃສ່ຈັດຕັ້ງປະຕິບັດຕາມສັນ ຍາຢ່າງເຂັ້ມງວດທາງດ້ານວັດຖຸ ແລະ ແຮງງານການກໍ່ສ້າງແມ່ນ ໄດ້ເຮັດຖືກຕ້ອງຕາມເຕັກນິກ ແລະ ຮູບແບບ. ແຕ່ກໍຍັງມີດ້ານ ຄົງຄ້າງຈຳນວນໜຶ່ງເຊັ່ນ: ໂຄງ ການຍັງມີຄວາມຊັກຊ້າກໍຍ້ອນ ດິນຟ້າອາກາດບໍ່ເອື້ອອຳນວຍ
ບວກໃສ່ກັບການແຜ່ລະບາດຂອງ ເຊື້ອພະຍາດໂຄວິດ-19, ທາງບໍລິ
ສັດໄດ້ຢຸດການກໍ່ສ້າງຊົ່ວຄາວ ໂຄງການດັ່ງກ່າວແມ່ນໄດ້ເລີ່ມ ລົງມືມາແຕ່ແຕ່ວັນທີ 1/3/2020
ຮອດ 10/6/2020 ທາງຄະນະ
ກຳມະການຮັບຜິດຊອບໂຄງ ການ, ວິຊາການ ແລະ ພາກສ່ວນກ່ຽວຂ້ອງໄດ້ລົງກວດກາຕົວຈິງ ແລະ ໄດ້ເຫັນດີເປັນເອກະພາບກັນ ໂຄງການດັ່ງກ່າວແມ່ນສຳເລັດ 100% . ລວມມູນຄ່າການກໍ່ສ້າງ
ທັງໝົດແມ່ນ 618.485.000 ກີບ.
ສະຫາຍ ພົນຕີ ສອນທອງ ພົມລາວົງ ໄດ້ກ່າວຕື່ມວ່າ: ໂຄງ ການດັ່ງກ່າວເປັນໂຄງການນ້ອຍ ມູນຄ່າການກໍ່ສ້າງບໍ່ສູງປານໃດ ແຕ່ເປັນໂຄງການທີ່ມີຄວາມ ໝາຍຄວາມສໍາຄັນ ສະນັ້ນ, ຂ້າພະ
ເຈົ້າຕາງໜ້າໃຫ້ກົມໃຫຍ່ການ ເມືອງກອງທັບ ຂໍຊົມເຊີຍທຸກພາກ ສ່ວນບໍ່ວ່າຈະເປັນທາງບໍລິສັດຮັບ ເໝົາກໍ່ສ້າງ, ຄະນະຮັບຜິດຊອບທີ່ ໄດ້ພ້ອມກັນຈັດຕັ້ງປະຕິບັດຕາມ ບົດບັນທຶກສັນຍາຈົນສໍາເລັດໂຄງ ການໄດ້ 100%. ພ້ອມກັນນັ້ນ ມອບໃຫ້ທາງຫ້ອງການກົມໃຫຍ່ ການເມືອງເປັນຜູ້ປະສານງານ ທຸກພາກສ່ວນ ເພື່ອກະກຽມຈັດຕັ້ງ
ພິທີເປີດສີລາຈາລຶກກອງຮ້ອຍ ຫີນເພັດຢ່າງເປັນທາງການ.
ໂດຍ: ທອງເພັດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
