POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ຄະນະພັກຮາກຖານສະຖານທູດ ແຫ່ງ ສປປ ລາວ ປະຈຳ ສສ ຫວຽດນາມ ສຳເລັດກອງປະຊຸມໃຫຍ່ ຄັ້ງທີ III
ເວລາອອກຂ່າວ: 2020-06-15 09:36:52 | ຜູ້ຂຽນ : admin3 | ຈຳນວນຄົນເຂົ້າຊົມ: 172 | ຄວາມນິຍົມ:

ກອງປະຊຸມໃຫຍ່ ຄັ້ງທີ III ຂອງຄະນະພັກຮາກຖານ ສະຖານ ທູດລາວ ປະຈຳ ສສ ຫວຽດນາມ ໄດ້ເປີດຂຶ້ນ ແລະ ປິດລົງ ໃນວັນທີ 11 ມິຖຸນາ 2020 ທີ່ຫ້ອງປະຊຸມ ສະຖານທູດລາວທີ່ຮ່າໂນ້ຍ ໂດຍ ການເປັນກຽດເຂົ້າຮ່ວມ ແລະ ເປັນ ປະທານຂອງ ສະຫາຍ ແສງເພັດ ຮຸ່ງບຸນຍວງ, ຮອງເລຂາຄະນະພັກກະຊວງການຕ່າງປະເທດ, ເລຂາຄະນະພັກຮາກຖານສະ ຖານທູດລາວ ປະຈຳ ສສ ຫວຽດ ນາມ. ເຂົ້າຮ່ວມກອງປະຊຸມມີຜູ້ ແທນທັງໝົດ 73 ສະຫາຍ, ຍິງ10 ສະຫາຍ. ສະຫາຍ ຄຳສິງ ດວງວັນດີ, ຮອງເລຂາຄະນະພັກຮາກຖານ ສະຖານທູດລາວ ປະຈຳ ສສ ຫວຽດນາມ ໄດ້ຜ່ານບົດລາຍງານ ການເມືອງ, ໂດຍໄດ້ຕີລາຄາຜົນ ສຳເລັດໃນການຊີ້ນຳ-ນຳພາການ ຈັດຕັ້ງປະຕິບັດແຕ່ລະຂົງເຂດວຽກງານໃນໄລຍະປີ 2015- 2020 ຄະນະພັກຮາກຖານສະ ຖານທູດລາວ ໄດ້ເອົາໃຈໃສ່ຊີ້ນຳ-ນຳພາຄະນະພັກແຕ່ລະຂັ້ນຖືເອົາ ວຽກງານສຶກສາອົບຮົມການ ເມືອງ-ນຳພາແນວຄິດໃຫ້ສະມາ ຊິກພັກ, ພະນັກງານ, ນັກການ ທູດ ແລະ ນັກສຶກສາລາວ ທີ່ກຳ ລັງປະຕິດບັດໜ້າທີ່ ແລະ ສຶກສາ ຢູ່ ສສ ຫວຽດນາມ ໃຫ້ມີຄວາມ ເປັນເອກະພາບ, ກຳແໜ້ນແນວ ທາງນະໂຍບາຍຂອງພັກ, ຢຶດໝັ້ນ ອຸດົມການກ້າວຂຶ້ນສັງຄົມນິຍົມ, ເຊື່ອໝັ້ນຕໍ່ການນຳພາຂອງພັກ, ມີ ຄວາມອົດທົນເດັດດ່ຽວ, ໜຽວ ແໜ້ນ, ບໍ່ຫວັ່ນໄຫວຄອນແຄນຕໍ່ ສະພາບທີ່ຜັນແປຕ່າງໆ, ຜ່ານ ການຈັດຕັ້ງປະຕິບັດເຫັນໄດ້ວ່າ ສະມາຊິກພັກ, ພະນັກງານ, ນັກ ການທູດຮັກສາໄດ້ທັດສະນະຫຼັກ ໝັ້ນ, ຄຸນທາດການເມືອງໜັກ ແໜ້ນ, ມີຄຸນສົມບັດສິນທຳປະ ຕິວັດ, ມີຄວາມຈົງຮັກພັກດີຕໍ່ ພັກ-ຕໍ່ປະເທດຊາດ, ຫ້າວຫັນໃນການປະຕິບັດໜ້າທີ່ວຽກງານທີ່ ໄດ້ຮັບມອບໝາຍ. ກອງປະຊຸມໄດ້ວາງທິດທາງ ແຜນການໃນຕໍ່ໜ້າ ເພື່ອສືບຕໍ່ຈັດ ຕັ້ງປະຕິບັດບັນດາວຽກງານຈຸດ ສຸມ ໄລຍະແຕ່ປີ 2020-2025 ໂດຍສຸມໃສ່ເພີ່ມທະວີນຳພາສຶກ ສາອົບຮົມການເມືອງ-ແນວຄິດ ໃຫ້ແກ່ສະມາຊິກພັກ, ພະນັກງານ ແລະ ນັກສຶກສາ ໃຫ້ມີຄວາມຮັບຮູ້ ເຂົ້າໃຈຕໍ່ແນວທາງນະໂຍບາຍ ຂອງພັກ, ມະຕິ, ຄຳສັ່ງ, ຂໍ້ກຳນົດ, ກົດລະບຽບ ແລະ ກົດໝາຍ ຂອງລັດ, ກໍຄືເອກະສານສຳຄັນ ເຊັ່ນ: ມູນເຊື້ອສຳຄັນຂອງພັກ, ຂອງລັດ; ເພີ່ມທະວີປັບປຸງກໍ່ສ້າງ ພັກນັບທັງປະລິມານ ແລະ ຄຸນ ນະພາບ, ຖືເອົາຄຸນນະພາບເປັນ ກົກ; ສືບຕໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ໃຫ້ໄດ້ຕາມ ຄາດໝາຍ; ປັບປຸງການຈັດຕັ້ງພັກ ເປັນລະບົບຕໍ່ເນື່ອງເພື່ອຮັບປະກັນ ການນຳພາການເມືອງ-ແນວຄິດ, ການຈັດຕັ້ງ ແລະ ມີແບບແຜນນຳ ພາ ແລະ ປະຕິບັດໜ້າທີ່ການເມືອງ ວິຊາສະເພາະ, ກຳແໜ້ນ ແລະ ປະ ຕິບັດຖືກຕ້ອງຫຼັກການກໍ່ສ້າງພັກ ຕາມ 5 ຫຼັກການ, 3 ທິດນຳ ໃນ ການປັບປຸງ ກໍ່ສ້າງພັກ ແລະ ຂະ ຫຍາຍສະມາຊິກພັກ. ກອງປະຊຸມໄດ້ປ່ອນບັດຄັດ ເລືອກ ເອົາຄະນະພັກຮາກຖານຊຸດ ໃໝ່ ຈຳນວນ 7 ສະຫາຍ ແລະ ກອງປະຊຸມຄັ້ງປະຖົມມະລຶກໄດ້ ເລືອກເອົາ ສະຫາຍ ແສງເພັດ ຮຸ່ງບຸນຍວງ ເປັນເລຂາຄະນະ ພັກຮາກຖານ ສະໄໝທີ III , ສະຫາຍ ຄຳສິງ ດວງວັນດີ ເປັນຮອງ ເລຂາ, ສະຫາຍ ພັນເອກ ບາງສີ ໄຊສົມໂຄດ ເປັນປະທານກວດ ກາ ແລະ 4 ສະຫາຍ ເປັນຄະນະ. ໂດຍ: ບຸນຊ້ອຍ

news to day and hot news