ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ໂຮງຮຽນການທະຫານທ້ອງຖິ່ນແຂວງວຽງຈັນປິດຊຸດອົບຮົມທະຫານໃໝ່
ເວລາອອກຂ່າວ: 2020-07-02 08:21:23 | ຜູ້ຂຽນ : admin2 | ຈຳນວນຄົນເຂົ້າຊົມ: 15 | ຄວາມນິຍົມ:



ໃນວັນທີ 30 ມິຖຸນາ 2020 ນີ້, ໂຮງຮຽນການທະຫານທ້ອງ ຖິ່ນແຂວງວຽງຈັນ ໄດ້ຈັດພິທີປິດ ຊຸດອົບຮົມ-ຫັດແອບທະຫານໃໝ່ ປະຈຳປີ 2019, ຂຶ້ນຢູ່ທີ່ເດີ່ນໂຮງ ຮຽນການທະຫານທ້ອງຖິ່ນພາຍ ຫຼັງທີ່ໄດ້ອົບຮົມ-ຫັດແອບມາ ເປັນເວລາ 3 ເດືອນ, ໂດຍການ ເປັນປະທານຂອງ ສະຫາຍ ພົນ ຈັດຕະວາ ບຸນມາ ວົງດາລາແສນ ກໍາມະການພັກແຂວງ, ເລຂາຄະນະພັກ ຫົວໜ້າການທະຫານກອງ ບັນຊາການທະຫານແຂວງວຽງ ຈັນ, ມີຄະນະພັກ-ຄະນະບັນຊາ, ອົງການ 5 ຫ້ອງ, ຄະນະພັກ-ຄະ ນະອໍານວຍການ, ຕະຫຼອດຮອດ ພະນັກງານຄູ-ອາຈານ ແລະ ທະ ຫານໃໝ່ເຂົ້າຮ່ວມ. ສະຫາຍ ຮ້ອຍເອກ ແຫວນ ເພັດ ມາສີຊົນໄຊ ຮອງຫົວໜ້າ ການທະຫານ ໂຮງຮຽນການທະ ຫານທ້ອງຖິ່ນ ໄດ້ຜ່ານບົດສະຫຼຸບ ຕີລາຄາຜົນການເຝິກແອບຮໍ່າ ຮຽນໃນໄລຍະ 3 ເດືອນຜ່ານມາ ສາມາດສຶກສາອົບຮົມໃຫ້ບັນດາ ສະຫາຍນັກຮຽນກໍາໄດ້ທິດສະ ດີ, ຫຼັກການ, ລະບຽບວິໄນຂອງ ກອງທັບ, ສິນລະປະຍຸດ-ຍຸດທະ ວິທີ ແລະ ອື່ນໆໄດ້ບັນລຸຕາມແຜນ ການອົບຮົມ ເຊິ່ງສະແດງອອກຄື: ພາກວິຊາການເມືອງຂັ້ນເກັ່ງ 180 ສະຫາຍ, ກາງ 90 ສະຫາຍ, ຄາດໝາຍ 31 ສະຫາຍ, ພາກວິ ຊາລະບຽບກີລາຂັ້ນເກັ່ງ195 ສະ ຫາຍ, ກາງ 78 ສະຫາຍ, ຄາດ ໝາຍ 28 ສະຫາຍ, ວິຊາສິນລະ ປະຢຸດຂັ້ນເກັ່ງ 193 ສະຫາຍ, ກາງ 87 ສະຫາຍ, ຄາດໝາຍ 21 ສະຫາຍ, ວິຊາຍຸດທະວິທີເກັ່ງ 185 ສະຫາຍ, ກາງ 71 ສະຫາຍ, ຄາດໝາຍ 45 ສະຫາຍພາກພະ ລາທິການ-ເຕັກນິກເກັ່ງ 189 ສະ ຫາຍ, ກາງ 51 ສະຫາຍ, ຄາດ ໝາຍ 61 ສະຫາຍ. ໃນພິທີຍັງໄດ້ ມອບໃບຢັ້ງຢືນໃຫ້ທະຫານ ໃໝ່ ຈຳນວນ 301 ສະຫາຍ, ພ້ອມດຽວ ກັນນັ້ນຍັງໄດ້ມອບໃບຍ້ອງ ຍໍຂັ້ນ ກອງບັນຊາການ ແລະ ຂັ້ນໂຮງ ຮຽນໃຫ້ຜູ້ທີ່ຮຽນດີຮຽນເກັ່ງ ແລະ ປະຕິບັດກົດລະບຽບວິໄນດີຈຳ ນວນໜຶ່ງ. ໂອກາດດັ່າງກ່າວສະຫາຍ ພົນ ຈັດຕະວາ ບຸນມາ ວົງດາລາແສນ ກໍໄດ້ໂອ້ລົມເຊິ່ງ ສະຫາຍໄດ້ສະ ແດງຄວາມຍ້ອງຍໍຊົມເຊີຍຕໍ່ຄະ ນະຮັບຜິດຊອບ ແລະ ນັກເຝິກ ອົບຮົມທີ່ໄດ້ພ້ອມກັນເຮັດສໍາເລັດ ຊຸດອົບຮົມໃນຄັ້ງນີ້ ແລະ ຮຽກ ຮ້ອງໃຫ້ອ້າຍນ້ອງທະຫານໃໝ່ ທຸກສະຫາຍຈົ່ງເພີ່ມທະວີຄວາມ ສາມັກຄີພາຍໃນໃຫ້ເປັນປຶກ ແຜ່ນ, ຕ້ານແນວຄິດຫຍໍ້ຢູ່ໃນສັງ ຄົມ ກໍຄືກົມກອງພວກເຮົາ, ປະຕິບັດມະຕິຄໍາສັ່ງຂອງຂັ້ນເທິງ ຢ່າງເຂັ້ມງວດ, ໝັ່ນເຝິກຝົນຫຼໍ່ ຫຼອມຕົນເອງທາງດ້ານຄຸນສົມ ບັດ-ສິນທໍາປະຕິວັດ, ຄວາມຮູ້ ຄວາມສາມາດຮູ້ຈັກປະຢັດມັດ ທະຍັດ, ເຊື່ອໝັ້ນຕໍ່ການນຳພາ ຂອງພັກ, ກຳໄດ້ທິດສະດີຫຼັກການ ແລະ ນຳເອົາບົດຮຽນທີ່ຮຽນມາ ປະກອບສ່ວນເຂົ້າໃນການປະຕິບັດໜ້າທີ່ຕົວຈິງໃຫ້ມີຜົນສໍາເລັດຢ່າງສູງ. ໂດຍ: ສາຍຄໍາ ພອນມະນີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ