ກອງທັບປະຊາຊົນລາວ

ວັນພະຫັດ, ວັນທີ 22 ເມສາ 2021



ພິທີມອບ-ຮັບໜ້າທີ່ ລັດຖະມົນຕີ ກະຊວງປ້ອງກັນຄວາມສະຫງົບ
ເວລາອອກຂ່າວ: 2018-12-14 10:45:16 | ຜູ້ຂຽນ : | ຈຳນວນຄົນເຂົ້າຊົມ: 10 | ຄວາມນິຍົມ:



ກະຊວງປ້ອງກັນຄວາມສະ ຫງົບໄດ້ຈັດພິທີມອບ-ຮັບໜ້າທີ່ ລະຫວ່າງລັດຖະມົນຕີກະຊວງ ປ້ອງກັນຄວາມສະຫງົບຜູ້ເກົ່າ ແລະ ຜູ້ໃໝ່ຂຶ້ນໃນວັນທີ 13 ທັນວາ 2018 ນີ້, ໂດຍມີທ່ານ ພັນຄຳ ວິພາວັນ ກຳມະການ ກົມການເມືອງສູນກາງພັກ, ຜູ້ ປະຈໍາການຄະນະເລຂາທິການ ສູນກາງພັກ, ຮອງປະທານປະ ເທດ, ບັນດາຄະນະນຳກະຊວງ, ບັນດາກົມໃຫຍ່, ກົມ, ຫ້ອງວ່າ ການກະຊວງ, ວິທະຍາຄານອ້ອມ ຂ້າງກະຊວງ ປກສ ເຂົ້າຮ່ວມ. ໃນພິທີ, ທ່ານ ທອງຈັນ ໂຂງ ພູມຄຳ ຮອງຫົວໜ້າຄະນະຈັດ ຕັ້ງສູນກາງພັກໄດ້ຂຶ້ນຜ່ານຄຳ ສັ່ງຂອງກົມການເມືອງສູນກາງ ພັກສະບັບເລກທີ 051/ກມສພ, ລົງວັນທີ 23 ພະຈິກ 2018, ວ່າດ້ວຍການຍົກຍ້າຍພະນັກ ງານການນຳຂັ້ນສູງໄປຮັບໜ້າ ທີ່ໃໝ່, ໂດຍຍົກຍ້າຍ ພົນຕີ ສົມ ແກ້ວ ສີລາວົງ ເລຂາທິການສູນ ກາງພັກ, ເລຂາຄະນະພັກ ລັດຖະ ມົນຕີກະຊວງປ້ອງກັນຄວາມສະ ຫງົບໄປຮັບໜ້າທີ່ໃໝ່ຢູ່ກະຊວງ ປ້ອງກັນປະເທດ; ຄຳສັ່ງຂອງ ຄະນະເລຂາທິການສູນກາງພັກ, ສະບັບເລກທີ 09/ຄລສພ ລົງ ວັນທີ 23 ພະຈິກ 2018, ວ່າດ້ວຍ ການຍົກຍ້າຍພະນັກງານການນໍາ ຂັ້ນສູງໄປຮັບໜ້າທີ່ໃໝ່ ໂດຍຍົກ ຍ້າຍ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ ຮອງ ເລຂາຄະນະພັກກະຊວງ, ຮອງ ລັດຖະມົນຕີກະຊວງປ້ອງກັນ ປະເທດ, ຫົວໜ້າກົມໃຫຍ່ການ ເມືອງກອງທັບໄປຮັບໜ້າທີ່ໃໝ່ ຢູ່ກະຊວງປ້ອງກັນຄວາມສະ ຫງົບ; ຄຳສັ່ງຂອງນາຍົກລັດຖະ ມົນຕີ ວ່າດ້ວຍການຍົກຍ້າຍ ພະນັກງານໄປຮັບໜ້າທີ່ໃໝ່ສະ ບັບເລກທີ 16/ນຍ ລົງວັນທີ 23 ພະຈິກ 2018, ໂດຍຍົກຍ້າຍ ພົນໂທ ວິໄລ ຫຼ້າຄຳຟອງ ຮອງ ລັດຖະມົນຕີກະຊວງປ້ອງກັນ ປະເທດ, ຫົວໜ້າກົມໃຫຍ່ການ ເມືອງກອງທັບ ໄປຮັບໜ້າທີ່ໃໝ່ ຢູ່ກະຊວງປ້ອງກັນຄວາມສະ ຫງົບ; ມະຕິຕົກລົງຂອງກົມການ ເມືອງສູນກາງພັກ ສະບັບເລກທີ 052/ກມສພ ລົງວັນທີ 23 ພະ ຈິກ 2018, ວ່າດ້ວຍການແຕ່ງ ຕັ້ງເລຂາຄະນະພັກກະຊວງປ້ອງ ກັນຄວາມສະຫງົບ, ກົມການ ເມືອງສູນກາງພັກຕົກລົງແຕ່ງ ຕັ້ງພົນໂທ ວິໄລ ຫຼ້າຄຳຟອງ ເລ ຂາທິການສູນກາງພັກ, ເປັນເລ ຂາຄະນະພັກກະຊວງປ້ອງກັນ ຄວາມສະຫງົບ; ລັດຖະດຳລັດ ຂອງປະທານປະເທດ ແຫ່ງ ສປປ ລາວ ສະບັບເລກທີ 318/ປປທ ລົງວັນທີ 12 ທັນວາ 2018 ວ່າ ດ້ວຍການແຕ່ງຕັ້ງລັດຖະມົນຕີ ກະຊວງປ້ອງກັນຄວາມສະຫງົບ ໂດຍຕົກລົງແຕ່ງຕັ້ງ ພົນໂທ ວິໄລ ຫຼ້າຄຳຟອງ ເປັນລັດຖະມົນຕີ ກະຊວງປ້ອງກັນຄວາມສະຫງົບ. ຫຼັງຈາກນັ້ນ, ພົນຕີ ສົມແກ້ວ ສີລາວົງ ເລຂາທິການສູນກາງ ພັກ ລັດຖະມົນຕີກະຊວງປ້ອງ ກັນຄວາມສະຫງົບຜູ້ເກົ່າ, ກໍໄດ້ຂຶ້ນຜ່ານບົດສະຫຼຸບລາຍງານຫຍໍ້ ສະພາບການເຄື່ອນໄຫວຊີ້ນຳ- ນຳພາຕະຫຼອດໄລຍະຜ່ານມາ ພ້ອມທັງກ່າວມອບໜ້າທີ່. ຈາກນັ້ນ, ພົນຕີ ສົມແກ້ວ ສີ ລາວົງ ລັດຖະມົນຕີກະຊວງປ້ອງ ກັນຄວາມສະຫງົບຜູ້ເກົ່າ ແລະ ພົນໂທ ວິໄລ ຫຼ້າຄຳຟອງ ລັດຖະ ມົນຕີກະຊວງປ້ອງກັນຄວາມ ສະຫງົບຜູ້ໃໝ່ກໍໄດ້ເຊັນບົດບັນ ທຶກມອບ-ຮັບໜ້າທີ່ຢ່າງເປັນ ທາງການ. ໃນຕອນທ້າຍ ທ່ານ ພັນຄຳ ວິພາວັນ ໄດ້ເປັນກຽດໂອ້ລົມຕໍ່ ພິທີ, ໂດຍທ່ານກ່າວວ່າ: “ການ ປັບປຸງກົງຈັກການຈັດຕັ້ງ, ການ ຍົກຍ້າຍສັບຊ້ອນໜ້າທີ່ເປັນ ວຽກງານປົກກະຕິ, ທັງແມ່ນ ການຕອບສະໜອງຕາມຄວາມ ຕ້ອງການແຕ່ລະໄລຍະ, ເຊິ່ງ ການປັບປຸງດັ່ງກ່າວແມ່ນຜົນ ປະໂຫຍດລວມຂອງປະເທດ ຊາດ, ຂອງປະຊາຊົນ, ຫາກບໍ່ ແມ່ນຕາມຄວາມຕ້ອງການຂອງ ຜູ້ໃດຜູ້ໜຶ່ງ, ດ້ວຍເຫດນັ້ນຈຶ່ງ ຮຽກຮ້ອງໃຫ້ບັນດາສະຫາຍ ຈົ່ງຮັບຮູ້, ມີຄວາມເປັນເອກະ ພາບ, ເຂົ້າໃຈນຳກັນ ແລະ ມີ ທັດສະນະທີ່ຖືກຕ້ອງນຳກັນ; ພ້ອມນີ້, ທ່ານຍັງໄດ້ຍ້ອງຍໍຊົມ ເຊີຍຕໍ່ບັນດາຜົນງານທີ່ທ່ານລັດ ຖະມົນຕີກະຊວງ ປກສ ຜູ້ເກົ່າ ທີ່ສ້າງມາໄດ້ຕະຫຼອດໄລຍະຊຸມ ປີຜ່ານມາທີ່ໄດ້ສຸມໃສ່ຈັດຕັ້ງປະ ຕິບັດໜ້າທີ່ການເມືອງຂອງຕົນ ເຂົ້າໃນວຽກງານປ້ອງກັນຄວາມ ສະຫງົບມີຜົນງານຫຼາຍດ້ານ; ສຳລັບທ່ານລັດຖະມົນຕີກະຊວງ ປກສ ຜູ້ໃໝ່ ກໍຈົ່ງເພີ່ມຄວາມຮັບ ຜິດຊອບໃຫ້ສູງຂຶ້ນ ໂດຍສືບຕໍ່ ປັບປຸງກຳລັງ ປກສ ໃຫ້ມີຄວາມ ປອດໃສ,ໜັກແໜ້ນ,ເຂັ້ມແຂງຍິ່ງ ຂຶ້ນ ”. ໂດຍ: ນາງ ບຸນເຫຼືອ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ