ວັນພຸດ, ວັນທີ 04 ທັນວາ 2024
ຫວຽດນາມສະເຫຼີມສະຫຼອງຂັນແຊັມ ຊູຊຸກິຄັບ 2018 ຢ່າງຍິ່ງໃຫຍ່
ເວລາອອກຂ່າວ: 2018-12-19 14:28:03 | ຜູ້ຂຽນ : | ຈຳນວນຄົນເຂົ້າຊົມ: 379584616 | ຄວາມນິຍົມ: 
ແຟນບານຫວຽດນາມທົ່ວ ປະເທດສະເຫລີມສະຫລອງ ຢ່າງຍິ່ງໃຫຍ່ ຫລັງທີມຊາດ ຫວຽດນາມສ້າງຜົນງານອັນຍິ່ງ ໃຫຍ່ອີກຄັ້ງຈາກການຄອງຂັນ ແຊັມເຕະບານລາຍການ ເອເອັຟ ເອັຟ ຊຸຊຸກິ ຄັບ 2018 ໃນອາ ທິດທີ່ຜ່ານມານີ້.
ການແຂ່ງຂັນເຕະບານ ເອ ເອັຟເອັຟ ຊຸຊຸກິ ຄັບ 2018 ຮອບ ຊີງຊະນະເລີດນັດທີສອງທີມ ຊາດຫວຽດນາມສາມາດເອົາ ຊະນະທີມຊາດມາເລເຊຍໄປໄດ້ 1-0 ປະຕູ ຈາກການຍິງຂອງ ຫວງຽນ ອັນດຸກ ໃນຊ່ວງຕົ້ນ ເກມເຮັດໃຫ້ຜົນຄະແນນລວມ ສອງນັດຫວຽດນາມເປັນຝ່າຍ ເອົາຊະນະໄປໄດ້ 3-2 ປະຕູ (ນັດທຳອິດສະເໝີກັນ 2-2 ປະ ຕູ) ພາຍໃຕ້ການຄຸມທີມຂອງຄູ ເຝິກສອນຊາວ ສ ເກົາຫຼີ ຖືເປັນ ຄັ້ງທຳອິດໃນຮອບ 10 ປີ ທີ່ ຫວຽດນາມເປັນແຊັມ ເອເອັຟ ເອັຟ ຊຸຊຸກິ ຄັບ ຫຼັງຈາກຄັ້ງກ່ອນ ເຄີຍເປັນແຊັມເມື່ອປີ 2008 ແລະ ກາຍເປັນແຊັມ 2 ສະໄໝ ເຮັດໃຫ້ທີມຊາດຫວຽດນາມ ຈັດຢູ່ອັນດັບທີ 3 ຂອງທີມທີ່ເປັນ ແຊັມຫຼາຍທີ່ສຸດ ຮອງຈາກສິງ ກະໂປ (4 ສະໄໝ) ແລະ ໄທ (5 ສະໄໝ) ຈາກຜົນງານການ ເຕະທີ່ດີເດັ່ນຂອງຫວຽດນາມ ເຮັດໃຫ້ອັນດັບທີມຊາດຖືກຍົກ ລະດັບຂຶ້ນໄປຢູ່ອັນດັບທີ 100 ຂອງໂລກ ແລະ ເປັນອັນດັບ 1 ໃນອາຊີຕາເວັນອອກສ່ຽງໃຕ້.
ເມື່ອແຟນບານຫວຽດນາມ ທົ່ວປະເທດຮູ້ຜົນການແຂ່ງຂັນ ກໍພາກັນອອກມາສະຫຼອງກັນ ທົ່ວເມືອງ ແລະ ແຟນບານຈຳ ນວນຫລວງຫຼາຍໄດ້ເດີນທາງ ມາທີ່ສະໜາມກີລາແຫ່ງຊາດ ມາຍດິ່ນເພື່ອຕ້ອນຮັບວີລະບູລຸດ ຂອງພວກເຂົາ ພ້ອມທັງສົ່ງສຽງ ເຊຍປະກາດໄຊຊະນະ ແລະ ຈູດ ພຸໄຟສະຫຼອງກັນແບບຍິ່ງໃຫຍ່.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
