ກອງທັບປະຊາຊົນລາວ
 
ວັນສຸກ, ວັນທີ 24 ພຶດສະພາ 2024

  

ຄະນະສະເພາະກິດ ກະຊວງປ້ອງກັນປະເທດ ເຄື່ອນໄຫວຊຸກຍູ້ການປ້ອງກັນ ພະຍາດໂຄວິດ-19 ຢູ່ ແຂວງຈໍາປາສັກ
ເວລາອອກຂ່າວ: 2021-05-09 15:47:54 | ຜູ້ຂຽນ : admin2 | ຈຳນວນຄົນເຂົ້າຊົມ: 210 | ຄວາມນິຍົມ:



ໃນວັນທີ 7 ພຶດສະພາ 2021 ນີ້, ຄະນະສະເພາະກິດກະ ຊວງປ້ອງກັນປະເທດໄດ້ເຄື່ອນໄຫວຊີ້ນໍາ-ຊຸກຍູ້ການປ້ອງກັນ ແລະ ສະກັດກັ້ນພະຍາດໂຄວິດ-19 ກໍາລັງທ້ອງຖິ່ນແຂວງຈໍາປາສັກ ຢູ່ກອງບັນຊາການທະຫານແຂວງຈໍາປາສັກ. ເຊີ່ງນໍາໂດຍສະຫາຍ ພົນຕີ ວົງຄໍາ ພົມມະກອນ ກໍາມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ທັງເປັນຫົວໜ້າຄະນະສະເພາະກິດຂອງກະຊວງປ້ອງກັນປະເທດພ້ອມຄະນະຜູ້ຊ່ຽວຊານທາງດ້ານການແພດຈໍານວນໜື່ງ ໂດຍມີສະຫາຍ ພົນຈັດຕະວາ ສຸໄກ ພິມມະສານ ຄະນະປະຈໍາພັກແຂວງ ຫົວໜ້າການທະຫານກອງບັນຊາການທະຫານແຂວງຈໍາປາສັກ ທັງເປັນຫົວໜ້າຄະນະສະເພາະກິດທະຫານແຂວງ, ກອງພັນໃຫ່ຍ 645 ກອງພົນທີ 5, ໂຮງຮຽນ ຄະນະນໍາຄະນະສະເພາະກິດກໍ່ສ້າງນາຍສິບເລກ 2 ວຽງໄຊ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ໃນໂອກາດດັ່ງກ່າວ, ຄະນະນໍາກໍຄືຄະນະນໍາສະເພາະກິດແຕ່ລະກົມກອງທີ່ເຂົ້າຮ່ວມໄດ້ລາຍງານສະພາບການແຜ່ລະບາດຂອງພະຍາດໂຄວິດ-19 ໃນທ້ອງຖິ່ນແຂວງຈໍາປາສັກທີ່ສົ່ງຜົນກະທົບຫລາຍດ້ານຕໍ່ການພັດທະນາເສດຖະກິດ-ສັງຄົມພາຍໃນແຂວງຈໍາປາສັກໃຫ້ເກີດມີຄວາມຫຍຸ້ງຍາກສັບສົນຫລາຍສົມຄວນ ແລະ ໄດ້ກ່າວລາຍງານເຖີງການເຄື່ອນໄຫວປ້ອງກັນຄວບຄຸມການແຜ່ລະບາດຂອງພະຍາດໂຄວິດ ໃນກົມກອງຂອງຕົນໃຫ້ຄະນະສະເພາະກິດກະຊວງປ້ອງກັນປະເທດໄດ້ຮັບຊາບລາຍລະອຽດ ເປັນຕົ້ນແມ່ນການປະກອບສ່ວນສໍາຄັນຂອງກໍາລັງແຮງຕົ້ນຕໍໃນການປ້ອງກັນເວນຍາມຢູ່ບັນດາຈຸດສໍາຄັນຄະນະສະເພາະກິດຂັ້ນແຂວງໄດ້ກໍານົດເອົາໄວ້ນັບແຕ່ວັນທີ 23 ພຶດສະພາ ເປັນຕົ້ນມາຮອດປະຈຸບັນ ເພື່ອກວດກາຄັດກອງຈໍາກັດຄົນເຂົ້າ-ອອກລະຫວ່າງແຂວງຕໍ່ແຂວງ ເມືອງຕໍ່ເມືອງ ບ້ານຕໍ່ບ້ານຢ່າງເຂັ້ມງວດ ເພື່ອປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ໃນທ້ອງຖິ່ນແຂວງຈໍາປາສັກ ກໍຄືສັງຄົມບໍ່ໃຫ້ແຜ່ລະບາດອອກໄປເປັນວົງກວ້າງ. ໂອກາດນີ້ສະຫາຍ ພົນຕີ ວົງຄໍາ ພົມມະກອນ ໄດ້ຊີ້ນໍາຄະນະສະເພາະກິດທຸກຂັ້ນໃຫ້ແຕ່ລະກົມກອງຈົ່ງຍົກສູງຄວາມຮັບຜິດຊອບເອົາໃຈໃສ່ມີສະຕິລະວັງຕົວສູງໃນການຈັດຕັ້ງປະຕິບັດວຽກງານການລົງເຄື່ອນໄຫວໂຄສະນາສືກສາອົບຮົມພໍ່ແມ່ປະຊາຊົນທີ່ຍັງຂາດການປະຕິບັດຕໍ່ມະຕິຄໍາສັ່ງດັ່ງກ່າວທີ່ຂັ້ນເທີງໄດ້ວາງອອກຢ່າງເຂັ້ມງວດ ແລະ ໃຫ້ມີຜົນສໍາເລັດສູງສຸດ. ຂ່າວ-ພາບ: ວິໄລພອນ ວົງວິສອນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ