POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 07 ຕຸລາ 2026

ປີ 2021 ແຂວງຄໍາມ່ວນ ຈະປູກຕົ້ນໄມ້ໃຫ້ໄດ້ 719 ເຮັກຕາ
ເວລາອອກຂ່າວ: 2021-06-03 08:48:55 | ຜູ້ຂຽນ : admin2 | ຈຳນວນຄົນເຂົ້າຊົມ: 1258 | ຄວາມນິຍົມ:

ແຂວງຄໍາມ່ວນໄດ້ ຈັດພິທີປູກຕົ້ນໄມ້ເນື່ອງໃນວັນປູກຕົ້ນໄມ້ແຫ່ງຊາດ ປະຈໍາປີ 2021 ໃນວັນທີ 01 ມີຖຸນາ 2021ນີ້, ຢູ່ທີ່ເຂດສໍາປະທານບໍລິສັດ ແມ່ຂອງປູກໄມ້ຈໍາກັດ ບ້ານສອງຫ້ອງ ເມືອງຫີນບູນ ແຂວງຄໍາມ່ວນ ເປັນກຽດເຂົ້າຮ່ວມ ມີ ທ່ານ ວັນໄຊ ພອງສະຫວັນ ເຈົ້າແຂວງໆ ຄໍາມ່ວນພ້ອມດ້ວຍບັນດາທ່ານທີ່ຕາງໜ້າໃຫ້ແກ່ພະແນກການ, ຕາງໜ້າບໍລິສັດແມ່ຂອງປູກໄມ້ຈໍາກັດ, ອໍານາດການປົກຄອງເມືອງອ້ອມຂ້າງ, ບັນດາຫ້ອງການ, ພະນັກງານວິຊາການທີ່ກ່ຽວຂ້ອງຕະຫຼອດເຖິງນ້ອງນ້ອຍເຍົາວະຊົນເຂົ້າຮ່ວມ. ທ່ານ ບຸນຈັນ ໄຊປັນຍາ ຫົວໜ້າພະແນກກະສິກໍາ ແລະ ປ່າໄມ້ ແຂວງຄໍາມ່ວນ ໄດ້ກ່າວເຖິງປະຫວັດຄວາມເປັນມາຂອງວັນປູກຕົ້ນໄມ້ແຫ່ງຊາດຄົບຮອບ 41 ປີ ( ວັນທີ 01 ມີຖຸນາ 1980 ຫາ ວັນທີ 01 ມີຖຸນາ 2021 ) ເຊິ່ງຍົກໃຫ້ເຫັນ ໃນປັດຈຸບັນນີ້, ການພັດທະນາເສດຖະກິດ-ສັງຄົມຂອງທ້ອງຖິ່ນກໍຄືຂອງຊາດໄດ້ມີການຂະຫຍາຍຕົວຢ່າງຕໍ່ເນື່ອງດ້ວຍການພັດທະນາຟື້ນຖານໂຄງລ່າງເຊັ່ນ: ເຂື່ອນໄຟຟ້ານໍ້າຕົກ, ອ່າງເກັບນໍ້າ, ດ້ານການຄົມມະນາຄົມ, ການສົ່ງເສີມພັດທະນາກະສິກໍາ, ການຜະລິດເປັນສິນຄ້າ ແລະ ການຂຸດຄົ້ນຊັບພະຍາກອນທໍາມະຊາດ ເຊິ່ງໄດ້ປະກອບສ່ວນເຮັດໃຫ້ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນເປັນກ້າວໆ. ການພັດທະນາດັ່ງກ່າວຍ່ອມສົ່ງຜົນກະທົບຕໍ່ປ່າໄມ້ ແລະ ຊັບພະຍາກອນປ່າໄມ້ເຮັດໃຫ້ເນື້ອທີ່ປ່າໄມ້ຫຼຸດລົງຢ່າງຕໍ່ເນື່ອງຍັງເຫຼືອພຽງແຕ່ 13 ລ້ານເຮັກຕາ ຫຼື ເທົ່າກັບ 62% ຂອງເນື້ອທີ່ທັງໝົດໃນທົ່ວປະເທດ. ສໍາລັບແຂວງຄໍາມ່ວນມາຮອດປີ 2020 ມີເນື້ອທີ່ປູກໄມ້ທັງໝົດ 30.515 ກວ່າເຮັກຕາ, ໃນປີ 2021ນີ້, ແຂວງຄໍາມ່ວນ ມີແຜນສູ້ຊົນປູກຕົ້ນໄມ້ທັງໝົດ 719 ເຮັກຕາ, ສະເພາະໃນພິທີປູກຕົ້ນໄມ້ເນື່ອງໃນວັນປູກຕົ້ນໄມ້ແຫ່ງຊາດປີນີ້, ຈະປູກໃນເນື້ອທີ 5 ເຮັກຕາ, ເບ້ຍໄມ້ທີ່ນໍາມາປູກໃນພິທີ ແມ່ນມີ 500 ເບ້ຍ ເປັນປະເພດໄມ້ວິກ. ທ່ານ ບຸນຈັນ ໄຊປັນຍາ ຫົວໜ້າພະແນກກະສິກໍາ ແລະ ປ່າໄມ້ແຂວງຍັງໄດ້ລາຍງານໃຫ້ຮູ້ວ່າ: ນອກຈາກຈັດຕັ້ງການປູກຕົ້ນໄມ້ໃນຂອບເຂດເນື້ອທີ່ທາງການ ແລະ ຂອບເຂດເນື້ອທີ່ສໍາປະທານຂອງບໍລິສັດແລ້ວຍັງໄດ້ຊຸກຍູ້, ສົ່ງເສີມໃຫ້ພະນັກງານ, ທະຫານ, ຕໍາຫຼວດ, ຜູ້ປະກອບການທຸລະກິດ ແລະ ປະຊາຊົນທົ່ວໄປໄດ້ມີສ່ວນຮ່ວມໃນການປູກຕົ້ນໄມ້. ໂດຍບໍ່ໄດ້ໝາຍເຖິງສະເພາະແຕ່ວັນປູກຕົ້ນໄມ້ແຫ່ງຊາດແຕ່ວັນດຽວເທົ່ານັ້ນ, ເຊິ່ງທຸກຄົນສາມາດປູກໄດ້ໃນເນື້ອທີ່ຂອງຕົນເອງເຊັ່ນ: ໄຮ່, ນາ, ສ່ວນ ແລະ ພື້ນທີ່ເປົ່າຫວ່າງອື່ນໆ ຕາມຄວາມອາດສາມາດຂອງຕົນ. ທັງນີ້, ກໍເພື່ອເປັນການເພີ່ມພື້ນທີ່ປົກຫຸ່ມສີຂຽວໃຫ້ແກ່ແຂວງຄໍມ່ວນ ແລະ ຫຼຸດປັນຫາສະພາບແວດລ້ອມທາງອາກາດ ໂດຍສະເພາະປັນຫາໂລກຮ້ອນຕື່ມອີກ. ຂ່າວ-ພາບ : ແດງສະຫວັດ ແສນພານິດ.

news to day and hot news